破產聯盟

標題: 請教大家drp還是破產最近壓力大到爆煲 [打印本頁]

作者: 人生起起落落落 時間: 17-8-2023 05:36
標題: 請教大家drp還是破產最近壓力大到爆煲
現時爭緊2間銀行 1間虛銀

銀行1 HSXX $300000左右
銀行2 渣X $660000左右
虛銀ZB $42000左右

以上都係每月簽帳分期累積落黎既數，月入（已扣mfp）$24000左右，其實每月兩間銀行要找既卡數已超過我人工，我諗正常人都會好奇我喱份人工點解會爭落咁大筆數，原先兩間銀行都係各自$300000信用額，而點解渣X個到最後負債$60幾萬，係上年發現渣X有個特定時間就算張卡爆左額都可以透過某啲轉數app轉錢出黎，久而久之更加先洗未來錢未識醒，有時野唔逼到埋黎真係唔識死，由唔知幾時開始，一出糧就找HSXX，找完有返個信用額就wechxx透支返出黎再找渣X，中間個段時間一唔夠錢洗就會係渣X到轉錢出黎，覺得人生好失敗見到身邊既人不論搵得多定少個個都過緊啲無憂無慮既生活，我係衰爛賭，今年28歲了，18歲已投身飲食業，起初由玩馬會輸幾十蚊都肉赤去到越賭越大，去到爭第1間銀行覺得自己還得掂會戒到喱鋪癮，點知去到借埋第2間，仲學人玩外圍棋牌⋯⋯好憎自己明知唔會贏都仲繼續，渣X入面有大約10萬係分萬貸款，其他既數都係wechxx用信用卡轉錢出黎，所以其實每個月既債有增無減，去到前幾日發現wechxx用信用卡轉錢出黎轉唔到終於識得驚終於知道係時候要解決，係破聯喱到刨左好多關於drp/iva/破產既post，懇求各師兄師姐比啲意見，我係依家喱間公司做左9年了，每年都會keep住加人工幾百幾千幾不等，升職就加千幾到二千不等，我知道人生係需要自己去負責返，但唔知我喱個情況點樣做係最好，交代返少少我同屋企人住公屋，屋企人亦都唔知我財務係咁差，假如破產好驚渣X會搵收數上門，始終我爭佢既數咁大，睇過好多關於渣X收數都好兇狠咁，如果HSXX同渣X各自聯絡佢地做drp做最長年期機會大唔大，今個月已經煮到埋黎，已經無再賭亦都唔更再賭，喱一刻淨係想重新做人為自己做錯既事負責唔想影響到屋企人同公司，只要還錢解決到我都唔想破，睇到喱到既多謝你

作者: Yuyuyuu 時間: 17-8-2023 08:17
好在你爭既係大銀行，佢地做drp長年期既成數算高。但首先你要做個表，將月收入減晒月支出，話俾銀行聽你每月可以還到幾多。呢兩間銀行最長可以做8-10年。你自己計吓假如分8-10年，利息約8里，你人工夠唔夠還。假如應付到drp機會好大。應付唔到就得返破產一條路。

作者: 差人過百萬 時間: 17-8-2023 16:33
提示: 作者被禁止或刪除內容自動屏蔽

作者: 人生起起落落落 時間: 18-8-2023 03:39

Yuyuyuu 發表於 17-8-2023 08:17
好在你爭既係大銀行，佢地做drp長年期既成數算高。但首先你要做個表，將月收入減晒月支出，話俾銀行聽你每 ...

多謝你既解答，其實我自己都心大心細，我假設過扣除每月交通，家用，電話費屋企上網費當每日得$100用喱到佔$7000，變相每月可以還到$15000-$17000，我最驚係drp期間如果真係還唔掂先走去破會唔會有咩影響

作者: 人生起起落落落 時間: 18-8-2023 03:45

差人過百萬發表於 17-8-2023 16:33
欠債近一球比你做到Iva 月供都要1.6 1.7 萬還7，8年如果你份工破產後無咩影響既建議你去破 ...

唉真係有苦自己知，無諗過自己有一日會淪落到咁樣，我係做大公司餐飲業如果破產都唔會有影響，但係始終都驚會驚動到公司/銀行搵收數過黎公司玩野，師兄我都見你最近搞了申破？順唔順利啦？最近真係壓力大到一個點，喱啲野又唔可以同朋友講唔係爭個十幾廿萬，成球野⋯⋯屋企人就個個以為我草落好多錢見我無拍拖，明明自問係個好孝順對屋企人好好對朋友好好性格都叫做樂觀既一個人，賭博真係會害死人，我真係唔知點樣開口同屋企人講

作者: Yuyuyuu 時間: 18-8-2023 07:31

人生起起落落落發表於 18-8-2023 03:39
多謝你既解答，其實我自己都心大心細，我假設過扣除每月交通，家用，電話費屋企上網費當每日得$100用喱到 ...

你計到每月可以還呢個數，銀行應該都做到俾你，況且你之後會加人工，人工高咗就輕鬆d既。去到一半頂唔順再破產，其實就無分別，只係白白還左幾期。晒錢晒時間。

作者: 差人過百萬 時間: 18-8-2023 14:42
提示: 作者被禁止或刪除內容自動屏蔽

作者: 人生起起落落落 時間: 18-8-2023 21:36

Yuyuyuu 發表於 18-8-2023 07:31
你計到每月可以還呢個數，銀行應該都做到俾你，況且你之後會加人工，人工高咗就輕鬆d既。去到一半頂唔順 ...

自己最理想係預hsxx同渣X加埋$14000，因為ZB虛銀個到每月$1000，咁樣鬆動啲個執行性高好多，但係我又驚呢個價位銀行會拒絕，想請教下每間銀行既欠債應該預我每月人工幾多成個成功率會大啲，好驚開低左會被拒絕，同埋我同身出糧自動轉賬hsxx，想請問下由我申請開始計而銀行未有答覆前係唔係兩間銀行都可以暫停供款先

作者: 人生起起落落落 時間: 18-8-2023 21:39

人生起起落落落發表於 18-8-2023 21:36
自己最理想係預hsxx同渣X加埋$14000，因為ZB虛銀個到每月$1000，咁樣鬆動啲個執行性高好多，但係我又驚呢 ...

打漏少hsxx自動轉賬出糧喱part，因為欠債有hsxx份，想問下申請drp期間公司出糧會唔會被hsxx凍結左我出糧喱筆錢，因為同信用卡係同一個ac黎，即係我入hsxx E Banking已經係出糧戶口同埋欠債嘅信用戶口

作者: 人生起起落落落 時間: 18-8-2023 21:41

差人過百萬發表於 18-8-2023 14:42
明白你處景。細路我都係衰賭搞到頭家都散埋。最緊要戒賭。我本身諗住去破。不過始終有份政府工做野月 ...

師兄咁你Iva呢條數額外要還多幾多利息，見你另一個post講個申請費用都已經唔少，就算我唔係做政府工我都唔想行到破產，最主真係驚影響到屋企同埋公司，所以大家都要加油

作者: Yuyuyuu 時間: 19-8-2023 07:58

人生起起落落落發表於 18-8-2023 21:36
自己最理想係預hsxx同渣X加埋$14000，因為ZB虛銀個到每月$1000，咁樣鬆動啲個執行性高好多，但係我又驚呢 ...

我教你計，銀行通常都係offer 8年，8%息。你計吓即係要每月還幾多。你砌到個每月開支表岩岩好，無多餘錢，試下一開始自己用6%息個數去傾左先。等銀行還你價。

作者: Yuyuyuu 時間: 19-8-2023 07:59

人生起起落落落發表於 18-8-2023 21:39
打漏少hsxx自動轉賬出糧喱part，因為欠債有hsxx份，想問下申請drp期間公司出糧會唔會被hsxx凍結左我出糧 ...

Drp期間所有戶口同卡都唔會凍結，如常使用。

作者: 人生起起落落落 時間: 19-8-2023 16:08

Yuyuyuu 發表於 19-8-2023 07:58
我教你計，銀行通常都係offer 8年，8%息。你計吓即係要每月還幾多。你砌到個每月開支表岩岩好，無多餘錢 ...

弱弱一問師兄/兄姐8%息係唔係一年既利息黎

作者: 人生起起落落落 時間: 19-8-2023 16:11

Yuyuyuu 發表於 19-8-2023 07:58
我教你計，銀行通常都係offer 8年，8%息。你計吓即係要每月還幾多。你砌到個每月開支表岩岩好，無多餘錢 ...

弱弱一問師兄/兄姐8%息係唔係一年既利息咁解？即係我個間銀行總負債x8%就係個年要還既息個息口除返12個月再加返個負債每月平均數=我同銀行傾drp每月還款個金額嗎？我唔知我有冇理解錯謝謝你

作者: Yuyuyuu 時間: 19-8-2023 16:42

人生起起落落落發表於 19-8-2023 16:11
弱弱一問師兄/兄姐8%息係唔係一年既利息咁解？即係我個間銀行總負債x8%就係個年要還既息個息口除返12個 ...

係，年利率8%

作者: Christon 時間: 19-8-2023 16:58
我既處景同你差唔多，都係爭大銀行數，加埋約60萬，渣X同恒X佔大頭，渣X已被call loan，都好擔心佢會上門追數，上星期啱啱send左email去申請drp，但都唔知成唔成功，好擔心好大壓力。唔係因為賭錢，但因為另一半有情緒病無能力返工，要一人負擔兩人生活費用及醫療費用，d錢左手交右手，用卡冚卡咁找數，累積左好多債務。

作者: 差人過百萬 時間: 19-8-2023 17:16
提示: 作者被禁止或刪除內容自動屏蔽

作者: 人生起起落落落 時間: 19-8-2023 17:43

Yuyuyuu 發表於 19-8-2023 16:42
係，年利率8%

Thankyou 因為今個月突然wechxx用唔到信用卡轉錢變左今個月份糧找哂卡數今個月生活費全問朋友借下個月出糧可以找完hsxx比wechxx食2.5%套返錢黎還渣x幾千minpay 淨低既還返比朋友已所剩無機大壓力到⋯之前一路張卡爆左都碌到錢所以未識驚依家真係走投無路又驚渣x唔肯drp 如果我喱個狀態係唔係應該下個月頭還minpay前申請左drp先會好啲

作者: 人生起起落落落 時間: 19-8-2023 17:55

Christon 發表於 19-8-2023 16:58
我既處景同你差唔多，都係爭大銀行數，加埋約60萬，渣X同恒X佔大頭，渣X已被call loan，都好擔心佢會上門 ...

下咁大獲即係師兄幾間銀行數都已各自sd email申請drp？但你渣x未有結果前就被call loan?其實我最驚都係渣x唔得之餘仲要被call loan 因為做到drp可以自己死撐10年8年慢慢還唔洗動驚到屋企人同公司但我衰自己唔生性唉你既故事好悲希望你申請成功可唔可以keep住update下申請進度因為我都諗住黎緊放假處理

作者: 人生起起落落落 時間: 19-8-2023 17:59

差人過百萬發表於 19-8-2023 17:16
未知，因為未批，不過Iva 一般8%-12% 要幾多息就睇你分幾多年還同最後批出黎既利率。你個案其實每間銀 ...

我知道我最壞打算係要申破，但我最唔想係牽涉到屋企人所以寧願自己捱到就捱同埋始終好多post都話渣x收數好激變相我會諗好多野驚到時破左都手尾長師兄祝你順順利利你個女就係你既動力要捱過去自己都爛賭知道要戒並唔容易但都希望你成功

作者: 差人過百萬 時間: 19-8-2023 18:33
提示: 作者被禁止或刪除內容自動屏蔽

作者: 差人過百萬 時間: 19-8-2023 18:40
提示: 作者被禁止或刪除內容自動屏蔽

作者: Christon 時間: 19-8-2023 18:57

人生起起落落落發表於 19-8-2023 17:55
下咁大獲即係師兄幾間銀行數都已各自sd email申請drp？但你渣x未有結果前就被call loan?其實我最驚都係 ...

我之前去左d中介度問過，佢話我搞drp既成功率好低，話渣X而家唔俾做長年期既drp，亦會揸得好緊，但如果搵佢搞就100%搞到，但我見佢收我手續費收16萬，太貴，所以想自己試下搞。呢排渣X成日打俾我，但我都miss左，打返過去又打唔通。我都唔知係咩事...

作者: 差人過百萬 時間: 19-8-2023 19:04
提示: 作者被禁止或刪除內容自動屏蔽

作者: 人生起起落落落 時間: 19-8-2023 20:23

差人過百萬發表於 19-8-2023 18:40
加油，不過真係考你決心，睇你個數連埋息近120，每個月還1.5 都要還80個月。你諗真啲真係頂到？你還幾 ...

我都擔心還還下斷左但如果做到我真係出盡奶力做始終係自己嘢出嚟㗎禍唉最怕係渣x唔讓步到時真係唔知點好自己都接受唔到今時今日咁樣但事到如今我都無退路唯有見步行步

作者: 人生起起落落落 時間: 19-8-2023 20:27

Christon 發表於 19-8-2023 18:57
我之前去左d中介度問過，佢話我搞drp既成功率好低，話渣X而家唔俾做長年期既drp，亦會揸得好緊，但如果搵 ...

嘩收16萬咁誇張雖然我都明師兄你諗咩我都驚自己唔夠牙力去爭取但山窮水盡都唔會想比人抽多筆仲要都係唔一定成功只不過感覺上係覺得有專業人事幫你搞感覺成功率大啲咁樣但渣x個到除左打電話有無寄信個啲比你有時都唔係好明點解drp都唔批比人做谷人破咁樣明明有心還大家雙贏唔係仲好咩

作者: Yuyuyuu 時間: 20-8-2023 08:10

人生起起落落落發表於 19-8-2023 20:23
我都擔心還還下斷左但如果做到我真係出盡奶力做始終係自己嘢出嚟㗎禍唉最怕係渣x唔讓步到時真係唔知點 ...

我最大債權人都係渣打，佢iva 8%息投反對票搞到唔成功，之後我自己改做申請drp 佢又批我5%息。真係好奇怪。

作者: 人生起起落落落 時間: 21-8-2023 05:57

Yuyuyuu 發表於 20-8-2023 08:10
我最大債權人都係渣打，佢iva 8%息投反對票搞到唔成功，之後我自己改做申請drp 佢又批我5%息。真係好奇怪 ...

下咁奇怪既但突然批drp仲要低息左成件事好開心恭喜哂^o^介唔介意簡單分享下申請drp個流程呀～～同埋由申請去到批需要幾多時間thanksthanks

作者: Yuyuyuu 時間: 21-8-2023 07:47

人生起起落落落發表於 21-8-2023 05:57
下咁奇怪既但突然批drp仲要低息左成件事好開心恭喜哂^o^介唔介意簡單分享下申請drp個流程呀～～同埋由 ...

不過其實大數上都無咩分別，因為申請Iva期間照樣計緊息，iva到都搞左半年，因為係信用卡所以息都唔少。Drp由交齊文件起計，佢一個月到就打俾我開個offer俾我，第一次係10%先，我話我仲有其他銀行要找，還唔到咁多俾你，我同佢講我係有心還，你逼我我真係只有破產。佢問我咁每月可以還到幾多，我俾左個數佢，圍返就5點幾%。佢話幫我申請，過一個星期就批左了。

作者: 人生起起落落落 時間: 30-8-2023 20:51

Yuyuyuu 發表於 21-8-2023 07:47
不過其實大數上都無咩分別，因為申請Iva期間照樣計緊息，iva到都搞左半年，因為係信用卡所以息都唔少。Dr ...

謝謝分享

作者: 人生起起落落落 時間: 30-8-2023 21:00

人生起起落落落發表於 30-8-2023 20:51
謝謝分享

謝謝分享，我已經印左3份債務舒緩既表今晚會填，印左最新mfp供款記錄，銀行自動出糧6個月記錄，會copy埋最近6個月糧單，但係師兄我想問下我渣x Ebanking入面個「查詢分期付款交易資料」個到顯示欠$66xxxx，我計過應該只係本金黎，未計原本既利息，想請教下我揼比銀行每月還款係用$66xxxx計年利率開價定還是需要$66xxxx+埋原本利息再x返年率，如果要計埋原本既利息我應該要打上銀行問先知個詳細數字，同埋我9月10號要拎渣x卡數，想請問吓我而家呢個狀態我聽日喺佢辦公時間打去相關部門同佢請定我想申請drp，再寄埋我以上印既文件去佢相關部門咁樣會唔會係最好既做法，時間越近越驚希望順順利利謝謝你～～

作者: Yuyuyuu 時間: 30-8-2023 21:29
無所謂，寫本金定寫本金連息都唔係重點，對家唔會深究，佢都係睇你每月還款能力去計

作者: 人生起起落落落 時間: 30-8-2023 22:55

Yuyuyuu 發表於 30-8-2023 21:29
無所謂，寫本金定寫本金連息都唔係重點，對家唔會深究，佢都係睇你每月還款能力去計 ...

收到你謝謝我驚計少左原本個利息變左個還款額少過原本本金+利息會影響批核，多謝你回覆

作者: square3207 時間: 6-9-2023 11:57
一球野唔洗諗。直接入學。

作者: richardchow 時間: 15-10-2023 18:21
成100個我見到都驚，唔使諗，破得

作者: Cici311 時間: 12-11-2023 08:26

人生起起落落落發表於 30-8-2023 21:00
謝謝分享，我已經印左3份債務舒緩既表今晚會填，印左最新mfp供款記錄，銀行自動出糧6個月記錄，會copy埋 ...

Hello 師兄，想問你最近有無update?

作者: csbx1984 時間: 23-11-2023 23:21
樓主玩果啲外圍棋牌，真係無底深潭，死得人，識人輸左幾百萬，後悔到

歡迎光臨破產聯盟 (http://www.hkiva.org/)