破產聯盟

標題: 有冇人是不經律師,自己向銀行直接申請過idrp的? [打印本頁]

作者: gringoire 時間: 2-6-2011 23:19
標題: 有冇人是不經律師,自己向銀行直接申請過idrp的?
有冇人是不經律師,自己向銀行直接申請過idrp的?
如有,可以借呢度一起分享一下經驗嗎?
(我在iva區域發話題,是因為找不到idrp區, 希望在這30權限才能進入的區域, 可以盡情d分享,同時能有所保障,起碼保障性比任何人都可瀏覽到的區域高)

作者: gringoire 時間: 3-6-2011 23:16
我而家做緊...但有D麻煩!

作者: mochida_elt 時間: 3-6-2011 23:36
2# gringoire

咩麻煩?

作者: gringoire 時間: 6-6-2011 22:35
同我預計有出入....銀行的文件曾提及: 只要有75%的債權人投票通過我的idrp方案,就可成事(我之前亦post過該份文件)。但當我把有關方案及資料等文件交給銀行後, 銀行職員同我話, 你每月的min pay是約2萬, 若做idrp後也是還2萬, 那麼為何我們銀行要幫你做? 我答話,若做idrp,5-6年可還完, 但我若只還min pay,則一世都還唔完。他答我話, 站在銀行的角度,唔係咁睇.....有未兄弟有做過,可以提點下?

作者: mochida_elt 時間: 7-6-2011 00:12
4# gringoire

咁站在銀行的角度係點睇?

作者: gringoire 時間: 7-6-2011 18:57
銀行話: 既然我還得起(MIN PAY), 佢地點解要幫我 !

作者: mochida_elt 時間: 7-6-2011 19:00
6# gringoire

咁你可以同佢講，好啦，咁落去我都還唔到ga喇，我去破產啦~再見

作者: gringoire 時間: 7-6-2011 19:23
我曾經都有諗過咁樣同佢講, 但係因為我真係唔破得產, (否則,我之前都唔會計劃去做iva,就係因為iva太貴,所以我先放棄)!

作者: gringoire 時間: 7-6-2011 19:30
因為如果佢唔批我,只要佢一間投反對票, 就算其他投晒贊成,我都唔夠75%贊成, 我實輸晒!

作者: gringoire 時間: 7-6-2011 19:51
7# mochida_elt

mochida_elt兄: 我想問下,破產人的配偶入息,會否亦會被強迫要拿出來還款?

還是, 法律會保護其配偶的財產及私隱?

作者: mochida_elt 時間: 7-6-2011 22:44
10# gringoire

我唔明你話還到死都未還完係咩logic...

我諗，銀行拋出既問題係好合理既，你亦都應該對呢個問題o係心中有個答案，咁你先可以同佢bargain

除非你借落既係大耳仔數啦，唔係就點都唔會還唔完既(假設你不續借)。你話卡數貴既，咪還晒personal loan先囉，甩晒d loan再集中火力找卡數，冇話還唔完既。欠缺既可能係一個決心或者一個良好既習慣o者。

當然，我唔係話做idrp唔好，咁既然佢而家拋出呢個問題，你一定要答得佢好好睇睇，佢先會幫你搞啦。因為idrp同iva唔同，iva代名人個個月收你錢，手續費又收你一筆，比較有肉食。

你不如做多手準備，鋪定另一條後路，起碼同佢傾起上黎既時候，都唔會完全處於被動。

至於破產，o係香港只屬個人民事責任，對你家人(所有)冇影響。(當然佢地有可能會被通知)

另，以我所知，破聯呢度搞得成drp/ iva既前人少之又少。

作者: gringoire 時間: 7-6-2011 22:59
11# mochida_elt

多謝mochida_elt兄的提點! 我消化下再諗下點同銀行傾! thanks!

作者: gringoire 時間: 7-6-2011 23:02
11# mochida_elt

若只還min pay,則一世都還唔完: 意思係, 如果還min pay, 每月節衣縮食還的2萬元中, 約有15000是利息,只有5000元是還本金, 欠99萬,即差不多要還我到退休至還得完!

作者: mochida_elt 時間: 7-6-2011 23:17
13# gringoire

點解呢? 你o個99萬全部都係卡數?!?!

作者: gringoire 時間: 8-6-2011 18:14
14# mochida_elt

一半係,一半唔係。

作者: gringoire 時間: 10-6-2011 22:50
15# gringoire

現有轉機, 短期內會有消息。

作者: mochida_elt 時間: 10-6-2011 23:24
16# gringoire

好呀，搞掂左返黎匯報下~唔該!!

作者: gringoire 時間: 11-6-2011 17:34
OK, 冇問題!
程序完左,再向大家匯報!

作者: gringoire 時間: 11-6-2011 17:35

有冇人是不經律師,自己向銀行直接申請過idrp的?
如有,可以借呢度一起分享一下經驗嗎?
(我在iva區域發話題,是因為找不到idrp區, 希望在這30權限才能進入的區域, 可以盡情d分享,同時能有所保障,起碼保障性比任何人都 ...
gringoire 發表於 2011-6-2 23:19

多謝admin加分!

作者: bb_q_888 時間: 11-6-2011 17:41

15# gringoire

現有轉機, 短期內會有消息。
gringoire 發表於 2011-6-10 22:50

祝你成功.

作者: gringoire 時間: 11-6-2011 23:04

祝你成功.
bb_q_888 發表於 2011-6-11 17:41

謝謝!

作者: gringoire 時間: 15-6-2011 18:32
昨天第一次與銀行職員正式會面及簽署文件...這兩天會通知各間銀行,如果有75%同意,就可進行idrp......

稍後再詳述!

作者: mochida_elt 時間: 15-6-2011 21:44
22# gringoire

佢幫得你搞，佢應該支持你啦，咁睇黎成功機會都好高下喎~~

作者: gringoire 時間: 15-6-2011 22:36
我問成數高唔高, 佢話都幾樂觀!

15-30日內有結果。

作者: man152 時間: 15-6-2011 22:47
24# gringoire

..........

作者: mochida_elt 時間: 16-6-2011 00:19
24# gringoire

你之前都話啦，佢佔最大份，佢幫你搞，應該ok既!!

咁搞完返來，麻煩你講下個過程，因為其實我都唔知idrp同iva有咩具體分別~thx!!

作者: gringoire 時間: 16-6-2011 23:23
IVA同IDRP不同的地方是: IVA必須要經會計師樓及律師合作幫手做, 要先比4萬左右的行政費(以我欠98萬為例), 然後經法庭頒令, 及登報等程序後, 再由銀行投票是否贊成你做IVA, (但會計師樓話,佢地之前都會幫你計過, 預期銀行肯批,先會幫你做),如果有75%或以上的銀行代表同意, 就可以進行IVA, 在過法庭後, 就每月供指定的款項, 但會計師會每月收費$500管理費, 另外每月要買人壽保險約$200-350,受益人為會計師樓。

DRP有分DRP同IDRP兩種, IDRP又可分為兩類, 第一類是經律師行做, 佢通常收$6000-$8000, 佢會代你出文件比欠債最多的一間銀行, 再由該銀行作牽頭人同其他銀行傾....

我現在做的是不經律師行, 自己搵銀行傾, 不過要自己準備文件及打信, 銀行如果覺得你有得做, 就會為你定出利息, 及計算每月還款款項及期數, 如果你同意, 在簽署同意書後, 銀行就會代你通知其餘的欠債銀行,等其他銀行投票是否贊成你做, 若果有75%或以上同意, 就再上去銀行簽文件, 然後開始供款。

我現在正在等候銀行投票...

作者: gringoire 時間: 19-6-2011 00:38
尋日牽頭銀行打電話黎, 通知我話昨天下午正式通知其他銀行...
今日中午,已有一間銀行的八達通被停用...

作者: man152 時間: 19-6-2011 08:05

尋日牽頭銀行打電話黎, 通知我話昨天下午正式通知其他銀行...
今日中午,已有一間銀行的八達通被停用...
gringoire 發表於 2011-6-19 00:38

而家為有聽天由命 ,要有心理準備

作者: mochida_elt 時間: 19-6-2011 10:54
28# gringoire

好正常丫，cut得好快ga~

作者: gringoire 時間: 19-6-2011 16:26
月底應該知結果。
多謝兩位師兄!

作者: gringoire 時間: 20-6-2011 17:29
我頭先試下打電話去另一間銀行問其中一個信用卡戶口的情況, 個職員話因為我申請緊一些債務舒緩的計劃,所以張卡已經凍結左.....

我估而家應該十一間銀行既信用卡都凍結晒啦!

希望佢地表決的速度同凍結戶口一樣咁有效率同快手....

應該好快就知結果!

作者: gringoire 時間: 25-6-2011 16:14
呢幾日, 陸續收到不同銀行的「取消信用卡及追收欠款」的信件, 部份的信內更有呢句:「請於本通知發出後七天內付清欠款,否則本行將對閣下採取法律行動或委託債務追討公司追討上述欠款。閣下將需繳付有關法律費用及或追討欠款的費用,追討欠款的費用將可高達欠款的30%」

作者: mochida_elt 時間: 25-6-2011 16:17
33# gringoire

正常，唔使理佢的

作者: gringoire 時間: 25-6-2011 21:39
部份銀行亦已出「月結單」比我, 但今次就是以一條大總數出, 總欠款除了本金,即期利息, 附加手續費外, 超出信貸額收費(因計算手續費及未來數十個月的未到期利息後, 結果導致超出信用額), 最不公道的, 原來未到期的利息, 他們也會照收的(部份銀行,不是全部)! 不知道這少數銀行,他們在報數給牽頭銀行時, 是不是也是如此計算, 若是的話, 咁即係計左雙重利息!

作者: mochida_elt 時間: 25-6-2011 23:14
35# gringoire

我估計唔會，因為做得idrp，一定會截息的，如果唔係做黎做咩?!

而且呢d信係電腦自動出既，只係程序上o者。

作者: gringoire 時間: 26-6-2011 14:44
我都希望, 否則利息真係好貴!
我本來的分期利息最低4%-12%(apr), 雖然有少部份已到達最高的30%(信用卡已到期欠款)...
今次idrp牽頭銀行初步話比我0.48月息, 年息5.76%, apr即係10.48%, 如果要計埋未到期利息, 就真係貴到嘔!!

作者: zbridgehead 時間: 26-6-2011 22:42
您將卡停了之後，card status 會變cancelled，所以o/s會變左大數的，盡量將所有月結單存起，因這段時間利息的差額會有幾萬元的！

您無路轉架啦！將卡停左，如果做不到idrp或其他，將card status 會變blocked card，blocked card全數要您四至六期找哂的，祝您好運啦！

我想銀行如留難您時，唯有話無辦法只好破產！也要看看那個職員會否盡力幫您！

作者: gringoire 時間: 26-6-2011 22:52

您將卡停了之後，card status 會變cancelled，所以o/s會變左大數的，盡量將所有月結單存起，因這段時間利息的差額會有幾萬元的！

您無路轉架啦！將卡停左，如果做不到idrp或其他，將card status 會變blocked card， ...
zbridgehead 發表於 2011-6-26 22:42

唔該晒!

牽頭銀行個職員上次(6月中)見我時,佢話成數都好高! 五日前我找過佢, 當時係牽頭發信比各大銀行後的第三個工作天, 佢話已有一間銀行覆左同意, 其他未覆.....我諗下個星期尾應該會有結果!

作者: mochida_elt 時間: 26-6-2011 22:53
39# gringoire

根本上，獅子點頭就已經ok啦。

作者: gringoire 時間: 26-6-2011 22:57

39# gringoire

根本上，獅子點頭就已經ok啦。
mochida_elt 發表於 2011-6-26 22:53

但如果投同意票的銀行(以金額計)少於75%, 就唔ok啦...

獅子佔左差不多40%, 加埋另一間同意的, 現有45%同意!

作者: mochida_elt 時間: 26-6-2011 23:00
41# gringoire

唔係咁計的，其他銀行會睇獅子頭。再加上係獅子做牽頭，其他銀行冇咁蠢。

作者: zbridgehead 時間: 26-6-2011 23:21
41# gringoire

您份糧係邊間銀行出？

作者: gringoire 時間: 26-6-2011 23:44

41# gringoire

唔係咁計的，其他銀行會睇獅子頭。再加上係獅子做牽頭，其他銀行冇咁蠢。
mochida_elt 發表於 2011-6-26 23:00

承你貴言! 我都係咁諗! 我希望其他銀行快D全部同意!

作者: gringoire 時間: 26-6-2011 23:45

41# gringoire

您份糧係邊間銀行出？
zbridgehead 發表於 2011-6-26 23:21

有咩關係?

作者: gringoire 時間: 26-6-2011 23:46

41# gringoire

唔係咁計的，其他銀行會睇獅子頭。再加上係獅子做牽頭，其他銀行冇咁蠢。
mochida_elt 發表於 2011-6-26 23:00

牽頭銀行之前比左份文件我, 講明投票係必須有75%以上同意, 先有得做的!

作者: mochida_elt 時間: 26-6-2011 23:55
46# gringoire

講就係囉，你而家郁左，不成功便成仁。

邊個舉手反對即係等於叫你去破產。邊有銀行咁蠢!?!?

作者: admin 時間: 27-6-2011 01:14
唉…成班 banker 係度玩人…重借個時就哥前哥後…

作者: gringoire 時間: 27-6-2011 18:59

46# gringoire

講就係囉，你而家郁左，不成功便成仁。

邊個舉手反對即係等於叫你去破產。邊有銀行咁蠢!?!?
mochida_elt 發表於 2011-6-26 23:55

講得好有point! 希望所有銀行都快點投晒贊成票!

作者: gringoire 時間: 27-6-2011 19:01

唉…成班 banker 係度玩人…重借個時就哥前哥後…
admin 發表於 2011-6-27 01:14

牽頭銀行在整個idrp過程中,其實係有在我身上得到額外利益的!(此點可能要等我成功左再公開)

作者: mochida_elt 時間: 27-6-2011 21:57
50# gringoire

當然啦，冇「so」既野銀行又點會做?!!?

派$6000佢都要收十幾廿蚊行政費啦

作者: gringoire 時間: 28-6-2011 15:35

50# gringoire

當然啦，冇「so」既野銀行又點會做?!!?

派$6000佢都要收十幾廿蚊行政費啦
mochida_elt 發表於 2011-6-27 21:57

mochida_elt 兄: 多謝你一路以來的支持! 今天我好開心, 因為打左電話去問, 已經確實有85%投左同意票, 即係已經成功左啦!

現在要等各銀行向牽頭覆數, 確實總數後, 牽頭在作最後的確實供款期數及合約, 大約7月中上去簽文件, 八月份初就開始供款!

作者: mochida_elt 時間: 28-6-2011 15:39
52# gringoire

唔好開心住，呢個只係另一個開始。

獅子一話受你，我就已經話一定搞得成啦....

作者: gringoire 時間: 28-6-2011 20:40

52# gringoire

唔好開心住，呢個只係另一個開始。

獅子一話受你，我就已經話一定搞得成啦....
mochida_elt 發表於 2011-6-28 15:39

mochida_elt 兄, 你好叻, 睇得好準!

無錯, 而家開始有其他野要諗....要煩...

作者: man152 時間: 28-6-2011 20:53

mochida_elt 兄, 你好叻, 睇得好準!

無錯, 而家開始有其他野要諗....要煩...
gringoire 發表於 2011-6-28 20:40

最少 ,也放下心頭大石 ,加油

作者: gringoire 時間: 28-6-2011 22:37

最少 ,也放下心頭大石 ,加油
man152 發表於 2011-6-28 20:53

謝謝man152兄!

作者: admin 時間: 29-6-2011 01:09
可唔可以講下個每間個利息？

我記得舊時去 C字銀行講借錢…佢 check 完一大輪，跟住 jet 左我。

跟住有次去花旦，個息口高到 32% 到。咁我問，基本上同 card 一樣，我借來做乜？

作者: gringoire 時間: 29-6-2011 18:30

可唔可以講下個每間個利息？

我記得舊時去 C字銀行講借錢…佢 check 完一大輪，跟住 jet 左我。

跟住有次去花旦，個息口高到 32% 到。咁我問，基本上同 card 一樣，我借來做乜？ ...
admin 發表於 2011-6-29 01:09

admin大人, 你好! 當然可以!

若完成idrp後, 他們定立左我的利息是九間銀行劃一的, 月平息0.48, 年息5.76 實際年利率是10.48%

我本來想同佢fight下,睇下可唔可以平d,牽頭話佢地係以我個人的評級及負債及個人背景等等好多因素等計算出來,一定冇得平!

至於在idrp之前, 每間給我的apr都不同, C字(是建巷嗎? 鐘銀我冇借)APR8%, 花其(最貴呢間), APR約15%, 大申及東阿最平 APR5%, 其他大約都係9-10%左右。

作者: mochida_elt 時間: 29-6-2011 20:16
54# gringoire

唔係我叻，我只係一個過來人o者。

作者: gringoire 時間: 29-6-2011 21:00

54# gringoire

唔係我叻，我只係一個過來人o者。
mochida_elt 發表於 2011-6-29 20:16

你也做過 idrp ?

作者: mochida_elt 時間: 29-6-2011 21:11
60# gringoire

iva同drp咪差唔多，都係o個d野，只不過巧立名目改多幾個名之嘛...

個大前提就係有人從中搵到你油水，而你又似乎settle到d 數，銀行o個邊又唔會有咁多bad debts....

作者: gringoire 時間: 29-6-2011 22:13

60# gringoire

iva同drp咪差唔多，都係o個d野，只不過巧立名目改多幾個名之嘛...

個大前提就係有人從中搵到你油水，而你又似乎settle到d 數，銀行o個邊又唔會有咁多bad debts.... ...
mochida_elt 發表於 2011-6-29 21:11

我之前都有考慮過做iva, 程序上完全唔同: iva一定要經法庭處理, 個代理亦講明要以真姓名登報, 要上律師樓宣誓, 事前要比4萬費用,仲有好多好多....仲要其中有個代理「串串共」!(今次牽頭個職權態度好好!)

不過你都講得岩, 有人從中搵到你油水，而你又似乎settle到d 數，銀行o個邊又唔會有咁多bad debts !

作者: mochida_elt 時間: 29-6-2011 22:15
62# gringoire

你唔使好似回帶咁既，你以前講既野我都仲記得....

作者: gringoire 時間: 30-6-2011 00:44

62# gringoire

你唔使好似回帶咁既，你以前講既野我都仲記得....
mochida_elt 發表於 2011-6-29 22:15

點解話回帶?

作者: gringoire 時間: 20-7-2011 15:29
我終於成功完成了IDRP的整個債務重組程序, 鬆了一口氣! 未來的生活起碼有基本的費用可作開支,不用再過著以往入不敷支的「周圍撲水蓋數」生活。

記得當初很徬徨, 去年底今年初, 我周圍問人意見及上顧問公司作咨詢, 過程中, 不少人都看淡idrp(包括律師及顧問公司及部份網友), 到最後, 我衡量本人在各項選擇的成本效益後,決定了不經中介人,自行進行idrp, 經過三個月的程序, 終於成功了!

回憶: 由去年12月開始考慮應該選擇哪一樣: 破產、IVA、DRP、IDRP? 過程中,自己累積了不少IVA及IDRP的知識, 如果大家將來在IVA及IDRP有問題, 可以在此破產網POST問我, 我相信自己一定可以提供一些非常有用的意見給大家!

最後, 多謝此網一些網友在過去日子也給了我不少意見, 特別是mochida_elt兄, 亦特別要多謝ADMIN先生!

作者: joeyeung 時間: 16-4-2012 00:22
當年我爭50....結果有間銀行同我做一個好似IDRP的野...我爭50万...佢批0.59平息....我當年息2里...
叫我還8年...一個月好似還11000到....最后都係老,破算了
計得岩嗎?

作者: gringoire 時間: 24-4-2012 19:58

joeyeung 发表于 16-4-2012 00:22
當年我爭50....結果有間銀行同我做一個好似IDRP的野...我爭50万...佢批0.59平息....我當年息2里...
叫我還8 ...

我實例: 爭約100萬, 分64期, 每期還萬九, 我覺得好ok。最開心係直接經銀行做, 冇比中介掠水!!

作者: joeyeung 時間: 25-4-2012 22:52
咁好OK喎...如果當年佢比呢個PLAN我...我就唔老破了

作者: gringoire 時間: 13-8-2012 14:21

joeyeung 发表于 25-4-2012 22:52
咁好OK喎...如果當年佢比呢個PLAN我...我就唔老破了

巴打最近點?

作者: joeyeung 時間: 16-1-2013 21:24

gringoire 发表于 13-8-2012 14:21
巴打最近點?

好耐無回來了

作者: gringoire 時間: 16-1-2013 23:21

joeyeung 发表于 16-1-2013 21:24
好耐無回來了

歡迎巴打回來

作者: joeyeung 時間: 28-1-2013 18:00
你都回來得几密....几時解破?

作者: joeyeung 時間: 28-1-2013 18:02
不過你一個月還万九蚊....都算几利害

作者: gringoire 時間: 4-1-2014 00:38
好耐冇見啦! 雖然還萬九, 但生活都好ok!

作者: sincere6026 時間: 9-5-2015 07:00
想問一問

作者: sincere6026 時間: 9-5-2015 07:17
本人3個月前曾經律師樓向hsbx 申請idrp, 當時結欠約55萬，月薪兩萬，當時上hsbx 簽文件時，職員做好份plan 俾我，大概十厘，每月還萬一萬二，但幾經考慮就reject, 諗住頂多一兩個月負債比率低左就向銀行申請結餘轉戶，上月bxc批左結餘轉戶39.5 萬，另外，有15萬卡數諗住慢慢還，但屋企有事，我將bxc 批個找落貸款d 錢轉返出黎應急，想問下如果再經做idrp, 會唔會被bxc reject, 由於最大債主係bxc, 即係idrp 唔成功，結果會點？謝！！現結欠： bxc 欠39.5萬(結餘轉戶，22厘，60期，今個月還第一期), hsbx 卡數6萬，渣打卡數2萬，貸款18萬(16厘，48期，還左11期) 恆生卡數2.5萬，dbx 卡數3萬，共72萬

作者: sincere6026 時間: 9-5-2015 07:44
另外想問，如果有兩間銀行信用卡冇結欠，做idrp 個陣使唔使申報？做idrp 係咪冇晒所有信用卡用？

作者: gringoire 時間: 9-5-2015 22:50
做idrp 係咪冇晒所有信用卡用？答: 係,會被cut晒!一張都冇得留!
上月bxc批左結餘轉戶39.5 萬,而家要做idrp? 答: 銀行應該一定要你解釋及證明筆錢去左邊? 其實你唔應該借完即去做idrp!

作者: sincere6026 時間: 10-5-2015 19:42
其實是迫不得已，所以我想知呢個情況做唔做到idrp? 如果bxc reject, 唔夠75% 債權人同意，後果會點

作者: Johnlit 時間: 11-5-2015 01:23
本帖最後由 Johnlit 於 11-5-2015 01:30 編輯

Hi all 小弟失業年多，一直靠信月卡低息分期過活，目前做緊par time, 月入8000，以前搵開14000，目前總欠330000。有一半還左一半年期，想問下除idrp外，銀行是否都有餘額數再廷長分期呢？萬謝回答

作者: gringoire 時間: 11-5-2015 22:50
我以前有做過正常idrp的經驗,之前亦搜集過iva,此兩方面均可以同大家分享經驗! 但其他的如「餘額數再延長分期」,則不熟! 或特殊情況的idrp等, 則請各兄台要自己去問下銀行啦! (但記住千祈唔好搵中介人或機構!)

作者: sincere6026 時間: 12-5-2015 11:21
知道！寫左email 俾東華尋求協助，希望幫到手。

作者: sincere6026 時間: 21-5-2015 19:50
今日上左東華，作用不大。係度爬文仲好。請問你地寫信俾銀行個陣，息口通常寫幾多厘？由寄信到成功做drp, 大概歷時幾耐？如果銀行拒絕drp, 係咪會電話通知定等信。謝謝！

作者: sincere6026 時間: 21-5-2015 20:27
我個case 東華話做idrp 機會唔大wor, 因為中銀係新數，一定reject, 有d 數太細，如兩萬左右個d 卡數做drp 唔大，我覺得只有iva 幫到我，問東華有冇律師介紹，佢話佢地係中立，唔會介紹律師。唉

作者: sincere6026 時間: 22-5-2015 23:49
今日咨詢埋三性律師，話做iva 機會都好低，好絕望

作者: dickywonghk 時間: 28-7-2015 16:55
請問 —般idrp最長年期及供款佔人工多少,我欠800k,月薪約15k,機會大嗎

作者: 重新戰士 時間: 9-8-2015 23:50

dickywonghk 發表於 28-7-2015 16:55
請問 —般idrp最長年期及供款佔人工多少,我欠800k,月薪約15k,機會大嗎

期數可以好長，我最長個條數期是60個月。
我搵6C搞佢地是咁安排。
我人工既35%-40%左右黎還錢，銀行一般都俾面D律師樓，所以有6C會方便D！
但是你唔好期望佢地會幫你FIGHT到一個好抵既息口，佢地目標只是期數長D就算！

作者: jjjjj 時間: 21-9-2015 22:46

dickywonghk 發表於 28-7-2015 16:55
請問 —般idrp最長年期及供款佔人工多少,我欠800k,月薪約15k,機會大嗎

呢位師兄有冇最薪update?

作者: 重新戰士 時間: 21-9-2015 23:08

jjjjj 發表於 21-9-2015 22:46
呢位師兄有冇最薪update?

成2個月，乜 P 都搞完啦。正常黎講

作者: 邊緣人 時間: 30-10-2015 21:34
大家好我都有問過三姓佢俾到個plan我我好滿意但真係好驚會做唔到

作者: 邊緣人 時間: 30-10-2015 21:36
如果做唔到又要俾錢見到有顧問公司可以連via律司費都可以做分期其實可信嗎？顧問係唔係中介？

作者: 重新戰士 時間: 30-10-2015 22:24

邊緣人發表於 30-10-2015 21:36
如果做唔到又要俾錢見到有顧問公司可以連via律司費都可以做分期其實可信嗎？顧問係唔係中介？ ...

朋友,律師樓係無限公司，責任無限！
顧問係有限公司，責任有限！
你自己認為邊個比較可信呢???自己揀

作者: Kayin123 時間: 25-11-2015 01:16
有無人知同痕身重組卡數易批嗎？係米要等成個月先知結果？

作者: 重新戰士 時間: 26-11-2015 00:05

Kayin123 發表於 25-11-2015 01:16
有無人知同痕身重組卡數易批嗎？係米要等成個月先知結果？

IDRP 綜合財務機構債項舒緩計劃
接近一筆清，在整個過程中，只要這最大債權人願意接受欠債人的還款方案，而其他債權人亦同意此方案, 最大債權人便會統一欠債人之所有欠款，從此，欠債人只需要跟據議案上之還款方法，以定息定額之形式，每月攤還所有款項給這最大債權人。IDRP之好處在於只須與最大債權人洽談，而無須與其他債權人個別談判。但必須有三個或以上債權人；申請情況如果有代理人處理，一般情況下只要 30工作天便可以停止收數。45個工作天內就有結果

作者: alan1alan 時間: 15-12-2015 11:43
gringoire, 你好....我想自己去銀行處理IDRP. 你還在這裡嗎?

作者: alan1alan 時間: 15-12-2015 11:57
我最大條數係花旗...請問如果要做IDRP. 應搵花旗銀行邊個部門傾.

作者: 重新戰士 時間: 20-12-2015 20:10

alan1alan 發表於 15-12-2015 11:57
我最大條數係花旗...請問如果要做IDRP. 應搵花旗銀行邊個部門傾.

自己打電話去花旗問下就知道

歡迎光臨破產聯盟 (http://www.hkiva.org/)