要原諒自己，真的不容易！

好煩2019

Stanyan1229 發表於 27-6-2019 22:55
我喊完一場，好好多。多謝師姐！

yan 妹，喊左出嚟舒服啲。每個人都會有情緒，你爸爸好錫你，我諗佢心痛你點解會攪成咁啫，比時間大家冷靜吓，如果佢嬲你一開始時已經嬲啦，唔會等到今時今日先嬲你，可能仲有電話追數同恐嚇信，佢係你屋企人都覺得好滋擾，你係當事人仲會覺得大壓力，所以心痛你啫。同爸爸傾吓，大家忍耐多一陣，日子就會好啦。收到過份滋擾同恐嚇就報警備案先。返工同新同事慢慢適應磨合啦，有工作打發時間點都好過每日係屋企戇居居亂諗野。加油呀 !

好煩2019

hornet 發表於 27-6-2019 23:25
好難講，連她媽媽都同佢吵幾次架

hornet 你都要加油呀，頒令後日子會慢慢好㗎啦。比啲時間你太太冷靜吓先啦，女人睇在2個女份上都會心軟㗎，你多啲搵佢問吓2個女近況，見吓2個女，時間可以沖淡好多野，唔好放棄呀，加油 !

好煩2019

flo 發表於 28-6-2019 02:24
好煩師姊，我成個月冇入來，忘記左自己破產咁樣照過日子，入來依版見番你地熟悉的名字，大家加油

Yan ： ...

早晨呀師妹，有時間多啲返嚟打個招呼傾吓計，鼓勵吓新同學。我都覺得破產後生活比前平淡左好多，煩小左好多，而家出糧完全冇壓迫感，可以應付到一切日常開支，唔駛每日諗到頭爆搵錢冚數，真係輕鬆好多㗎。

好煩2019

Stanyan1229 發表於 28-6-2019 21:55
我今日放工，阿爸打比我。叫我尋晚既野唔好記喺心，佢老人家唔識表達。佢心痛我頒令仲要比人滋擾又壓力大 ...

你爸爸真係好錫你，所以你都要平常心，唔好比負面情緒影響，你爸爸見到會心痛。
我地做人爸爸媽媽，都唔想見到仔女唔開心，仔女有事真係好心痛㗎。
養兒100歲，長憂99係真㗎。

好煩2019

asdfzxc123 發表於 28-6-2019 23:16
我刀好負面 所有野由零開始

積極啲面對，負面係解決唔到問題，只會變得更加頹，覺得自己更加冇用。就當係人生中一個歷練啦，破後就會見到曙光，加油呀 !