前路好灰 求意見

Yuyuyuu

好搞笑我同你八成一樣，都係欠1.5m，申請iva/drp時人工得4萬幾。一樣有專業資格，最大債主都係渣x。真係同你好似。

Yuyuyuu

ffc1917 發表於 13-4-2024 20:33
你個case 最後點處理 可否share 下？

我全部債主都係一線, 最大債主係渣x, 我一開始只係同渣x申請咗drp, 佢批咗但要成10里息, 我覺得太貴無要到, 之後上網搵到間打算做破產, 但後來又介紹我做iva話我可以做到, 分10年, 每月還2萬, 8里息, 搞咗幾個月最後通過唔到, 原因係最大債主渣x佢唔同意, 無講原因。所以最後我自己逐間打去申請drp, 基本上每間都會批, 經過幾次討價還價, 渣x最後批我5里息分9年, 其他債主都分別5里至10里, 8至10年不等。總結, 自己逐間做drp係最低成本, 個息口都係最平, 唯一缺點係太煩要逐間傾。iva係方便但成本高, 1.5m收咗我6萬手續費。一開頭係供得比較辛苦, 不過而家有接下freelance做收入多咗好多, 人工愈加愈多後而家就供得比較輕鬆了。

Yuyuyuu

ffc1917 發表於 13-4-2024 22:20
我而家最擔心係  渣打 有595,000  係之前group 埋其他credit card 做分期 供左5 個月到 唔知哩類型接唔接受 ...

唔影響，我當時渣x都係又p loan又卡，卡又新做咗幾十萬分期。總之你係還唔掂既，計俾佢睇，佢就有得做。

Yuyuyuu

ffc1917 發表於 13-4-2024 22:23
mox 預左 做唔到 要繼續    花旗唔知有無drp 但幾萬蚊唔多 都應該頂到  恆生就係credit card 透支貸款 我睇 ...

過來人，我都係炒牛熊黑期個啲。總之間間都打去問啦，銀行規矩係你唔可以只係申請一間drp，係申請就要每間都申請，話咁先fair喎。不過其他銀行唔批就無計。

Yuyuyuu

ffc1917 發表於 14-4-2024 12:01
但我個case 係咪 可以搵渣打 帶頭做 idrp ？

渣無做idrp

Yuyuyuu

ffc1917 發表於 14-4-2024 12:11
同埋係咪交左 申請 就可以stop 還款先 ？  透透氣都好  仲有好多謝yuyuyuu 師兄 咁詳細回答 好幫到手 其實 ...

你指drp? 申請邊間就邊間可以停。如果係iva就要等到上咗庭先可以停。

Yuyuyuu

ffc1917 發表於 14-4-2024 12:18
仲想問埋 係咪 之後所有credit card 都要被cut 晒？

係，但可以轉用debit card，一樣有visa Mastercard功能

Yuyuyuu

ffc1917 發表於 17-4-2024 22:26
yuyuyuu 師兄  可否分享下 你渣打果陣 係佔最多%  大概係幾多本金到？

無記錯的話我渣打接近1m, 佔總數6成幾

Yuyuyuu

ffc1917 發表於 17-4-2024 22:56
哩兩個都同 渣同恆 初步傾緊  佢地d 口吻 都係話做唔到 但又無直接reject 我申請 你果陣同銀行deal 係咪又 ...

咁又唔係喎, 佢地係叫我填form交咗先, 佢地再review, 之後半個月到就有offer。佢地話做唔到你有無問點解?

Yuyuyuu

ffc1917 發表於 18-4-2024 12:08
渣 佢有個姐姐收文件交上去  佢一開始就話未必做到 問我有無屋企人幫我 可以平d 一筆清    我問無 佢就叫 ...

不過補充返, 佢都有offer我一筆清, 但有錢一筆清就唔洗申請啦。我係渣本身係有p loan, 卡數, 同另外一筆分期。最後渣俾offer我, 佢係有條件的, 佢話我欠款超過90日既數要先清左先, 話筆數爭太耐會唔批。因為我又有搞IVA又有搞DRP, 前後大約5個月我無點還過錢, 即係佢要我清左頭2個月已到期既數先。所以我估佢地慣常都係要人先找一部分先再做drp。

Yuyuyuu

whiz666 發表於 18-4-2024 13:57
請問你係唔係IVA + drp都有做呀 我2間, 諗緊搵三姓俾10000搞 DRP ,自己打上去搞驚佢唔肯批.. ...

係啊, 我舉手, iva, drp都有嘗試搞過。最後係drp成功晒。不過drp真係唔洗搵6c, 自己搵銀行拎表格交資料就得。你經6c做DRP, 佢只係幫你做一份每月還款表, 列明你既開支同洗費, 計個每月還款數出黎, 但其實銀行唔睇的。6c幫你交完俾銀行, 銀行會聯絡你話收到你申請, 然後都係要你重新填過份申請表格, 用佢地表格既格式填多次開支同洗費等資料。呢一刻你既6c已經係無任何用途了, 之後同銀行講數都係靠你自己。

Yuyuyuu

whiz666 發表於 18-4-2024 16:11
大概渣個時間 申請drp幾耐

同埋當你申請渣DRP要成功申請先停,  還是一打去申請佢地會即停?

由入form到批, 好似2星期左右。其實銀行數都無話即唔即停, 因為本身我都已經幾個月無還緊錢, 但佢地都無追過我數, 但利息會一直計上去囉, 利息無得停。
你6c話會代你同銀行傾? 我當時係話要自己同銀行傾, 佢只係可以代你交表, 係有問題可以問返6c俾意見。但我個人經驗6c真係無用。我當時其中一個債主係恆x, 個staff同我講其實唔洗晒錢搵6c幫, 係無意義, 銀行都係睇住條數去計, 唔關咩人幫你申請事。
不過我當時係IVA失敗完, 個反正俾左錢6c, 個6c自動幫我搞埋drp姐, 但其實最後都係由我自己去傾。

Yuyuyuu

ffc1917 發表於 18-4-2024 16:56
本金 1m  6 成幾   你大數咪 成1.67m ?    其實計差幾多 係咪正係計本金 唔計利息？ ...

係啊, 本身欠1.5左右, 以為自己無欠咁多, 但一申請iva, 全部銀行會即時計數, 停晒全部分期戶口, 俾一個即時全數清還既總欠款數你, 即係本金加利息, 咁就變成1.6幾了。咁我之後咪拎住呢粒數再去申請drp囉。簡單講, 申請drp都一樣, 都係即時計個即日全數還款既數俾你, 再拎呢粒數重新計Drp分期, 所以你可以當佢係息上息。

Yuyuyuu

可能我講得唔好或者記錯, 我大數入面有p loan, 同信用卡分期, 如果我無記錯, p loan係cut到當日, 之後既利息係唔洗計, 因為p loan係有提早償還既選項。但信用卡分期就會計埋架, 因為信用卡一旦做左分期, 就無得提早清還。所以我先多左少少數。

Yuyuyuu

ffc1917 發表於 18-4-2024 20:25
介唔介意 分享下 每個月 渣x供幾多？ thanks

總之我最後討價還價後, 渣x係年息5.x%, 分9年, 我覺得算好抵了

Yuyuyuu

whiz666 發表於 22-4-2024 20:18
我輸期權,  我諗緊自己弟好 定 搵律師易D BARGIN POWER..

Drp律師會有咩bargaining power?銀行只會按佢內部指引去審批，而且銀行仲要case by case去計算。況且銀行只能夠同你傾，唔可以搵律師傾。所以律師除咗幫你砌份收支表同還款建議書，仲有咩用？但呢啲自己都識填啦。個人經驗銀行都係會自己再propose一份還款建議書俾你，唔理申請時提交個份。總之申請完就等銀行結果就得。當然我都經歷過，明白你既心情，我明你都係想求個安心，你負擔得起咪照搵律師囉。

Yuyuyuu

whiz666 發表於 24-4-2024 11:17
YU兄, 個情況係甘.. 多謝你意見, 聽完我會自己搞

小新果度做緊結餘供左6期 /48  

drp無壓力測試, 無話限佔收入幾多%易d批, 佢都係睇你個收支表有幾錢剩, 我當時試過拒絕offer因為嫌太貴息, 銀行就好簡單問一句, 你每月有幾多可以還俾佢。我俾咗個數佢, 佢就拎住個數重新計個年期同息口, 我渣x同中x都係咁樣傾返黎。

Yuyuyuu

whiz666 發表於 28-4-2024 15:18
停咗嘅話係咪即係好大機會申請到？ 但係本身你恒嗰度， 係唔係要等埋渣嗰邊批左 先同你做？ ...

Cut晒卡呢啲都係正常程序，你申請咗佢就要埋單計數，要個準確金額先可以計到還款plan俾offer你，所以呢段時間你唔可以有新數。至於銀行都規定申請drp就要每間都申請，唔可以只揀某間做。不過我當時銀行都係循例問下，我都係答其他申請緊未有結果，最後都唔洗等其他銀行都照批咗我先。

Yuyuyuu

whiz666 發表於 29-4-2024 13:03
了解, cut卡我以為係成功申請先cut..
而家我一個月收入既60%既俾小新  + 恆幾張卡 total 2x萬 (幾張 Min ...

小新我無經驗, 唔知佢嚴唔嚴。
其實最緊要你供得起, 假如小新佢肯俾其他方案你, 你咪睇下你供唔供得起, 慢慢同佢傾囉。

Yuyuyuu

ffc1917 發表於 29-4-2024 18:52
供得起又有穩定工作 之前無遲過還款 係咪通常都做到drp？  因為我倍數都唔細 ...

只要你計過，當分8年，年利率10里，你都供得起既，銀行係易批，佢當賺你息咋嘛。唔批一係覺得你供唔起，一係就覺得你唔洗用Drp攤咁長都還得起。