殺手劏人實錄

queenielamok

282# lalaeveryday
破產須知案例就有個咁嘅case，大致係破產人月入九萬幾，除掉所有支出，每個月只可還一萬多D，外判要佢還四萬幾，搞到上庭，結果外判敗訴！ ...
macauranger 發表於 2010-10-1 12:03

我反而想知... 其實有邊d 案例係由破產人主動入紙要求法院重審的...

queenielamok

今朝一早又打左俾個外判...

因為之前簽過份野... 係佢要我每個月1號入數... (因為我個破產期係2號開始... 所以佢計我每個月係由2號至之後個月的1號)... 但我係每個月最尾果日先出糧... 無可能保證到1號就入到數俾佢... 咁佢話可以遲幾日都ok... 但唔好太遲... 都白痴架... 如果我公司遲左一日出糧... 咁都已經係1號啦... 仲要一定係下午5點後先過到數... 咁我根本係每個月都無乜可能1號入到數俾佢囉... 我唔理佢呀... 總之盡量幾日內入到俾佢就算... 佢根本都無理我係邊日出糧... 就限死跟個破產月份計算係1號前入俾佢... 不知所謂...

仲有樣野係好無保障... 有關之前7個月d 分期數... 暫時唔好理我入唔入到錢呀... 咁我問佢... 我入完數之後... 我都要通知佢我入左呢筆錢... 係for 前7個月d 分期數呀... 咁平時每個月的供款... 佢係有份form 填哂收入/扣數... 連埋簿仔/入數紙fax 俾佢... 但呢7個月d 分期錢... 我問佢係咪都要填呢份form... 咁佢又話唔使... 齋fax 入數紙就ok... 咁我話到時佢點知呢張入數紙係for 咩數？... 佢話我fax 去果個fax no... 佢地同事只係負責check 入數... 唔會理係for 咩數... 嘩... 咁好無保障啫... 到時點record 呀？... 請問大家入呢筆錢係會點做架？... 雖然暫時未確定到會唔會入 / 入幾多 俾佢... 但都想知個做法係點囉...

queenielamok

300# bb_q_888


唔該哂你先... 我入完一定會keep 返入數紙的...

我都諗住第時如果fax 俾佢... 就咁在張入數紙上註明我個破產編號 + 我個名... 咁應該會清楚d... 始終張入數紙得個入數銀碼... 乜都無... 佢地收到根本就無可能知道係邊個人入俾佢地... 佢叫我就咁fax 入數紙根本就唔正常！

(不過其實宜家仲未諗好入唔入俾佢... 入都可能入到最多3百幾...) 今日會先入左今個月扣除生活費的數先... 分期個數... 諗多2日先...

queenielamok

301# queenielamok


仲有... 我唔可以次次準時1號前入到數俾佢地... 咁又可以俾佢地到我解破... 又多個藉口話我 "唔合作" 而反對我囉...

就算真係31號出到糧... 都無可能要求我第2日就即刻入到啦... 大佬... 你估間銀行響我隔離... 我隨時行過去就得咩？... 都要就時間架... 仲要好似今個月咁... 1號係紅日... 之後就禮拜六/日... 我最快都要今日入啦... 如果咁唔好彩我月頭又病... 咁唔通又要行幾條街去入佢條數咩？... 我諗我只可以保證7日內入到俾佢... 佢要當我 "唔合作" 我都無計！

queenielamok

888# macauranger


fax入數紙的確係超紙擾民... 仲要填埋份form 先煩... 次次都要寫返底薪.. 扣減左mpf 幾錢... 其他扣減又幾多... 實際收入幾多... 入數幾多... 嘩... 黐孖根... 我公司唔會個個月準時俾糧單 (有時幾個月先一次過補返)... 咁我次次都要自己計... 你知啦... 唔可以錯架嘛... 煩到嘔...

queenielamok

303# queenielamok
每間外判都會有寬限期，我果個俾兩星期。我覺得妳同佢講得，唔講亦可以，反正妳個外判都唔會理。但妳要記低每個月出糧日期同入數日期，証明妳冇刻意拖延！ ...
macauranger 發表於 2010-10-4 12:22

我今朝已經同左佢講啦... 我話我月尾最後果日出糧... 但佢都係話我係截1號... 要1號前入數... 佢根本就係按佢本子辦事... 話知我做唔做到... 問佢最遲要幾號入... 佢又係跳線咁話我係截1號... 話遲少少都可以... 問佢可以遲幾多... 佢又唔講實... 話叫我盡快... 所以我都費事再問落去...

queenielamok

309# boro211


似乎係我呢間特別煩咋喎... 我見你地好多都唔洗次次填表... 我呢間真係好鬼煩... 又要入數紙 (每月數 及 分期數又要分開2張入數紙)... 又要簿仔... 又要糧單 (我公司無定期俾糧單)... 又要填表寫清楚底薪/扣減數/實際收入/實際入數金額... 煩到爆... 不過我會照做... 鬼叫我黑仔跟著間咁既PK咩...

queenielamok

311# macauranger


好明顯佢咁做係要杜絕 "人工大於生活費 = 要供款月份" 補貼 "人工少於生活費 = 不用供款月份" 啦... 因為年結的話... 我地就可以真正拉上補下... 佢要我地月月清楚list 返實際收入... 咁佢就可以收足每個月生活費以外的錢囉...

呢樣野我費事同佢argue... 雖然對於我呢個數學白痴來講係好煩... 但我係可以做到的... 最多計多幾次先send... 我唔想再拗... 我只係想fight for我真係無能力做到的野only...

queenielamok

310# queenielamok


你係因為人工唔係fixed salary定係外判煩要你月結﹖

我黎緊又要傾生活費喇...
boro211 發表於 2010-10-4 18:22

我係fixed salary 的... 但因為公司制度... 我要下年先有有薪年假... 所以平時請假就要扣人工囉...
我估唔關我係咪fixed salary事... 係外判一定要月結填form... 因為佢一次過俾哂幾份唔同的form俾我... 佢話總之每個月都要簽果份供款form+簿仔+入數紙咁俾佢... 佢應該係個個都要咁做... 方便佢地囉...

你個外判都有d人性的... 我估你就算再傾生活費... 都應該好似佢上次咁講... 你人工多左... 都會俾多d 生活費俾你... 所以你唔使太擔心...

queenielamok

315# queenielamok
其實有冇其他師兄師姐都係王+石跟又要填月報表？只想証明呢樣嘢唔係必須要做！
macauranger 發表於 2010-10-5 10:12

我都想知喎...

queenielamok

呢個外判唔只絕,仲幾聰明....d野老破做哂,佢就等收錢.
bb_q_888 發表於 2010-10-5 15:15

如果我地做少左... 到時又搏我地搵唔到record... 咁又可以搏大霧話無收到錢...
再唔係就最叻果招... 又話我地唔合作囉...
呢d 陰濕野佢地最叻架啦...

queenielamok

323# ericwkc


算啦... 我亦無意惡形相向... 但真的不吐不快...

希望你明白... 你跟著個 "似返個人" 的外判... 我係替你開心... 但請不要以你個外判做標準... 以為個個都係咁囉...

你個外判批得好俾你... 唔代表 當你遇著我個外判時... 就算你態度幾好... 佢都未必會對你一樣好... 你見我同外判扯哂火... 亦唔代表我一開始唔係態度好好喎... 亦唔好咁天真以為你對佢好... 佢就會對返你好... 你個外判對你手鬆... 就代表個個外判都係咁好相遇... 無錯... 佢地都係打工... 但你要知道... 從我地身上榨取"合理"供款數目... 呢d就係佢地既工作... 我只知道我第一次上到去... 我個pk外判已經係黑住面咁對我... 佢對我絕對係好似對住仇人咁... 我都唔知係咪我前世殺佢全家... 又或者佢可能見我之前果晚啱啱俾女飛... 我又係果日佢見的第一個... 所以搵著我來發洩啦...

總之佢地根本係無一個好清晰的guideline的... 好明顯... 你睇下批個人/家庭雜項就知... 我同macauranger 師兄都係單身... 我果個話佢係批"公價"每項$500 無價講... 無論我講咩理由佢都唔會理... 亦唔會批多俾我... 但macauranger 師兄呢... 佢係可以批到每項千幾2千蚊... 所以真係好睇你遇著個咩外判... 我亦可以好肯定咁講... 個外判對我咁差... 絕對絕對絕對唔關我態度好/壞的問題...


其實你一路都無答過我... 如果你遇著我相同待遇... 當外判乜都say no... 批著個比你預期少成截的生活費... 又唔會同你有商有量... 一定要你在12期內還清之前幾個月d 錢... 銀碼仲要唔係細... 咁你係咪都可以逆來順受呢？... 我相信每個人的容忍係有限的... 故勿論我EQ高定低... 但當你俾人踩到上心口... 擺明gum住搶... 咁係咪都要聽命於佢地呢？... 如果係咁... 咁使乜要上去傾呢？... 佢出正文件 "通知" 我地跟住做就得啦... 上去傾就係要傾出一個佢接受... 我亦接受的方案嘛... 係咪？


要知道互聯網係一個公開的平台... 你寫乜野... 好多人都會睇到... 唔好諗住人地覺得唔啱睇... 就可以當無睇過... 睇左就係睇左... 唔可以當無睇過囉... 所以請出post 明示/暗示人地EQ低 或者 態度差 之前... 請了解左成件事先下判斷... 有時好多野唔係你諗咁簡單囉...

queenielamok

真係覺得你好慘. 我當初都同外判講左三次數. 都係攪到心力交瘁. 我好明白你既感受. 外判佢批個數ok. 夠錢駛仲邊想再傾呀! 好多時間咩..
... ...
BB5555 發表於 2010-10-7 17:57

BB5555師姐... 想問下你... 你係咪3次都係外判主動搵你傾... 即係每次上去傾唔掂... 佢即日叫你再約時間上去... 定係點呀？...

queenielamok

330# BB5555


咁你都好呀... 佢係出正信俾你... 我宜家有關之前7個月d 分期數... 佢又唔批我攤長來還... 又無出正封信俾我reject 我... 只係電話話唔批... 我無簽accept... 但佢又無再搵我傾... 又無出信俾我... 好似我無再反對就當我默認接受左咁...

我覺得佢地好奸... 佢要我乜都出正文件申請... 但佢接唔接受就全部電話confirm就算... 好保障佢自己... 而我又無電話錄音... 真係只可以憑個"信"字... 好無保障...

queenielamok

咁你月頭係咪入左24期個數﹖外判都無聯絡你﹖

我同外判傾左新既生活費喇...
boro211 發表於 2010-10-8 14:15

我暫時只係入左今個月(每月果個數)... 分期數仲未入... 因為月頭啱啱交左電費... 今個月未必夠錢交分期數... 所以可能要等一排先睇下俾到幾多佢...

你的新生活費應該好過原本的吧... 先恭喜你先...

queenielamok

差不多一年了,大家認為外判有無改變呢.............?
小林林 發表於 2011-9-26 19:51

我都係咁啦... 幾難過都好... 一年時間... 乜都已經適應哂lu... 人始終都要向前望... 守行為守多唔洗2年半... 我就可以同佢永別... 話之佢死...