31歲的我

Paka6701

由唔知幾時開始，一路借錢還錢續借，一路都無好好去理財，不知不覺孭住條債十年，一直以為供得掂供得掂，到要周圍問屋企人，朋友借錢，連最放唔低嘅面子都放低埋，有時，真係唔認衰唔得，係你最衰嘅時候，你就會睇到邊d人會幫你，邊d人會奚落你，今日終於宣誓完，仲未入紙，唔知幾時入，呢排，每一日都有電話打黎追我入數，我無覺得佢地煩，淨係一句一句一句對不起，掛在嘴邊，我無同父母，老婆講我頂唔順了，要入紙了，有次無意中發現有呢個論壇，發現係呢度有好多唔同嘅故事，有俾人呃，有衰爛賭，有幫人孭債，而且仲有好多師兄師姐會解答你嘅問題，鼓勵你，邊d唔應該做，係黎緊呢四年，我會好勇敢去面對未發生嘅一切，希望我四年後翻黎望翻今日我嘅留言

square3207

我18歲就開始差卡數。到最後30歲疫情人工大減就入紙。上個月岩岩夠4年。屋企人老婆我全部都無講過。連朋友都無講過。自己死捱死慳都要迫自己頂住。

pandaz00

加油,四年好快過~

前路茫茫

四年話長唔長話短唔短。 其實應該同身邊人坦白。 枕邊人又點會隱瞞得到佢四年呀。只係差咗幾時爆煲。 樓主諗下點樣同佢坦白好咁

mirror0822

我都唔駛四年，已經兩年半可以申請解破了。只係上繳過2300塞住李周。

一個傻人

入學都需要勇氣嘅
加油師兄
最緊要知道自己錯喺邊
唔好重蹈覆徹就得
不過真係應該同太太坦白
總好過到爆煲時候太太先知

最後生還者

31歲真係令人羡慕

CEEPO

最緊要通知親人，始終紙都係包唔住火，將來破產管理處嘅大信封寄到比你，唔使講乜嘢....個信封會大大隻字寫住破產管理處的,

Leoon

追數果d唔聽好過⋯

CEEPO

31歲時的我而經完結左人生第一次破産好幾年時間多，人生無常十常八九，最緊要跌低咗識得爬返起身，唔需要理周邊人點樣睇，要學會關關難過關關過（咁如果衰賭嘅就一要戒甩佢，唔係神都幫你唔到）

最後生還者

CEEPO 發表於 10-5-2024 03:12
31歲時的我而經完結左人生第一次破産好幾年時間多，人生無常十常八九，最緊要跌低咗識得爬返起身，唔需要理 ...

早破早享受

放下自在

哎我34歲2個月後都申請了，需要好大勇氣，最緊要之後生生性性做人，還有幾十年人生，人生係自己，唔係介意人地點睇！共勉之

sosadnow

破產唔係偷呃拐騙，只怪自己理財不善，好好同屋企人坦白，4年好快過，最緊要屋企人支持

Hang822

mirror0822 發表於 9-5-2024 22:12
我都唔駛四年，已經兩年半可以申請解破了。只係上繳過2300塞住李周。

點解可以咁快就解破

抬起頭

加油

破定唔破

4年好快過，最緊要入左紙個人夠堅定，我都34 仲有2年半先畢業，多餘錢就無架喇，不過叫做開始番d, 最緊要身體健康過每一日，睇淡D

前路茫茫

其實入咗學往後好多時都仲要面對。 即使畢業後。我相信往後好多麻煩同影響帶來不便。 始終呢個紀錄真係會跟一世。 不過都係冇得選擇先要行呢條路

Jjai

Ching,可以加Tg傾,情況相同

CEEPO

簡單講句，破咗冇乜大不了，自己承擔返個責任同後果，總好過睇唔開自尋短見一走了之，無謂牽連朋友同令到屋企人傷心之餘，兼且仲要令佢地無辜受返你自己種下嘅惡果！呢樣點講都唔同！！

a981142

幾錢人工?欠幾多?
10年都解決唔到?錢去哂邊?

最後生還者

CEEPO 發表於 11-5-2024 03:24
簡單講句，破咗冇乜大不了，自己承擔返個責任同後果，總好過睇唔開自尋短見一走了之，無謂牽連朋友同令到屋 ...

舉手>入册>最後一步