新人 and My case分享

OCO1582

本人因欠二十萬Ploan。
三問銀行，有兩間係3月時申請的loan來。
每月還12xxx，我人工只有103xx。
七月頭時有做reloan，因為真係無能力還，所以數還數，但HSXC的loan七月仍欠。
現在真係無力賞還啦。我深深明白家人的附擔，唔想再拖累家人。所以申請破產
下星期預備申請入紙破產(顧問行來，好貴，但已交佐錢)
現有問題一問。
因本人的出糧戶口為HSXC出糧和Ploan的其中一間都係HSXC
我了解由入紙一刻起，我的所有資產/戶口都會被凍結。
公司係月尾自動轉帳的。
現有問題想搞清楚。

1.戶口凍結公司是否還可順利被入數？
2.如七月尾入數，HSXC會否自動扣埋條Loan的錢(會否可以通知HSXC本人已入紙申請破產而停止扣數！)
  因如扣起本人生活會嚴重成問題。
另本人不希望，公司知道本人破產，所以希望清晰了解清楚。
如可行，本人希望使用原有HSBC戶口作破產中的出糧戶口，如可以想了解程序。

301

多謝分享;
俾d時間待各會員過來人消化下,
稍後自有回覆.  

worldcat

第一，你間顧問無話你知點做？咁近期借貸都照叫你申請？

如果你有欠h錢，但係佢到出糧。如果申請左臨時解凍，佢有權有錢係戶口時扣數。
但有啲師兄無事，但有啲有事。但就算申請完臨時解凍，頒完領都要再申請一次做出糧戶口。

如果唔想有機會俾債權銀行扣數
1. 一係轉銀行。
2. 一係唔申請臨時解凍，等公司過唔到一期數。等頒領後同主任／外判先申請解凍，但亦都可能俾信你開新戶口。（如果用開綜合戶口，9成9係開新戶口。）。咁公司等你開返戶口先過數，公司問係就扮唔知，話查下先。之後話有啲問題，查緊／處理中拖一個月。

都係提一下，有近期借貸要小心處理。我都係咁嘅情況，所以宜家都未申請。過下冷河先。

bb_q_888

1.戶口凍結公司是否還可順利被入數？
照你情況...你欠佢錢,所以多數入到數....但有機比銀行扣起條數.


2.如七月尾入數，HSXC會否因如扣起本人生活會嚴重成問題。
自動扣埋條Loan的錢，可能性極大,只要佢知你破產即刻計數.所以借錢(優惠息口)睇你係咪出糧戶口.
銀行為左保障自己有權咁做.反而你破左仲有法律保障(生活費).

另本人不希望，公司知道本人破產，所以希望清晰了解清楚。
如可行，本人希望使用原有HXXC戶口作破產中的出糧戶口，如可以想了解程序。

如果繼續原有戶口,都係打比破署主任講聲,你一頒破令即盡快要求佢開解破信.
一攞到解破信就去總行解凍.
不過如果(破產前)戶口內既錢一被扣起(還欠款),你絕對攞唔返.
假若頒令後你戶口有錢,而又跟外判....佢地會幫你CUT戶口.D錢....嘿嘿~全部上繳.
又假設你投訴D錢係生活費,外判會係三個月後退比你.(有個會員係咁講過)

所以破產....個戶口最好無錢.

OCO1582

咁如果我轉用恆X銀行(此銀行無欠債)
各位師兄姐覺得OK嗎？
但我恆X銀行有網上理財同一張消費卡的。
或者我聽日同公司講轉戶口
但我怕轉銀行自動轉帳未必轉得到。
再講會計問理由我又唔知用咩理由來講
近排已經好負能量啦....唉

worldcat

OCO1582 发表于 15-7-2012 13:39
咁如果我轉用恆X銀行(此銀行無欠債)
各位師兄姐覺得OK嗎？
但我恆X銀行有網上理財同一張消費卡的。

恒生應該同匯豐有簽互聯協議，如果欠債唔還，佢地可以互相幫另一間鈤行客戶嘅錢。我自己就唔博。
轉唔轉得切要睇你公司會計，因為出糧轉賬都有兩大類。
細公司一般用普通轉賬，你公司個個月交申請轉賬到邊個戶口。咁會計ok就ok.
第二類大公司常用，授權轉賬。同銀行申請戶口資料後，以後俾錢碼就出糧。呢類唔計會計，銀行方面都要約5個工作天處理。

試下同會計吹大啲，話h發現左啲大尋常交易，就求你轉賬戶。咁你自己覺得轉賬戶不如轉銀行仲安全等等。但今次轉左，頒領後都有機會要轉多次，到時再諗解釋。

都係提一下，你顧問點會無解釋？如果咁都無解釋，你又有近貸真係要小心。我自己5月頭drwan過錢，5月尾想破，但問過幾間都話最好唔好。

OCO1582

worldcat 发表于 15-7-2012 13:13
第一，你間顧問無話你知點做？咁近期借貸都照叫你申請？

如果你有欠h錢，但係佢到出糧。如果申請左臨時解 ...

顧問有睇過我的貸款文件。
話最近的都係3月的。
其他都係reloan。
我問多聲申破會唔會拒絕，佢話肯定得。
果時仲話用返HSXC出糧。
仲話如果我人工係萬八以下，就生活費應該全數係自已。
聽日，我一朝就打去問我case的staff，幾時要宣誓，同出糧個問題。

師兄我係第二個論壇都有PM過你架早兩日。
我記得你個username

smallcat

d 顧問係咁, 但實際呢, 佢地係可能覺得告既機會唔大, 因為事實好少會咁樣比法庭告, 但律師就肯定唔會叫你咁做, 所以, 最近有借錢其實係最理想唔好破住, 不過, 如果真係頂唔到, 咁你唔破比人追數咁一樣係無得揀!

smallcat

至於唔想比公司知, 問題係你轉戶口可唔可以, 如果可以當然公司好少會知, 但其實你有心理準備, 就算知道又點 ? 好少老細因為破產而炒你, 除非你比人追數追到上公司, 否則一般都會隻眼開隻眼幣, 同問題係面子而已!

OCO1582

我或者聽日打去問清楚顧問先。
顧問果邊又無講我有問題。
現在知道個情況，就會著緊D問。
我係本論壇追post見，好多師兄姐話永X銀行適合申破用。
另外想問下永X銀行，如果申請個帳戶，使唔使放錢入去開戶架。
如果唔使，我開定，再同公司講話原先果個HSXC銀行因為信用卡比人X用，所以暫時要凍結幾個月。

dopod123

OCO1582 发表于 15-7-2012 14:07
顧問有睇過我的貸款文件。
話最近的都係3月的。
其他都係reloan。

你都睇過其它論壇同我地破聯，點會仲幫襯顧問。

而家重要係你要準備好解釋最後的貸款如何用了

申破時唔一定會凍結户口，在你破前如果由銀行自行凍結的户口一般是可以入錢，不可提款。

當有NO後就9成不可用，要解凍代正式頒令後申請。

OCO1582

dopod123 发表于 15-7-2012 15:19
你都睇過其它論壇同我地破聯，點會仲幫襯顧問。

而家重要係你要準備好解釋最後的貸款如何用了

果時，上去查詢時未清楚個申請程序，以為自已做好難
但我現在都交佐錢，騎虎難下啦。唉...................................
最後的reloan係用來還貸款。
但始終都頂唔住。

如果我星期一,二去宣誓後，有文件的話會否可以通知HSXC唔好扣我錢呢？

worldcat

OCO1582 发表于 15-7-2012 14:07
顧問有睇過我的貸款文件。
話最近的都係3月的。
其他都係reloan。

Oh, 原來係你， 係果邊太多無謂人所以無覆。sorry!

顧問真係信一半半，但你已經俾左錢無謂諗太多。我自己都俾左訂律師，但呢個月尾先開始搞。
你顧問收幾錢？我律師基本全包15k連代上庭。

自己上個月轉去創*，佢無最低結餘，$50提款卡年費。呢間都有師兄講過。
永*要$5000最低絳餘，唔夠要$30一個月。但好多師兄話啱用。，我屋企附近兩間都有，所以揀左創*.

siesiuy

OCO1582 发表于 15-7-2012 14:51
我或者聽日打去問清楚顧問先。
顧問果邊又無講我有問題。
現在知道個情況，就會著緊D問。

我當年申破時都是用X隆, 不會立即凍結.
開户要$100蚊.

dopod123

OCO1582 发表于 15-7-2012 15:34
果時，上去查詢時未清楚個申請程序，以為自已做好難
但我現在都交佐錢，騎虎難下啦。唉................... ...

銀行唔會理你啦！不過係可以的，你叫佢地幫你攪信，可能要另再收費（但有會員講唔得），
但頒令後要再向破署正式再攪。

因為第日必會問最近條數點用所以你要想定點回。如你情況一般6C都會叫你等多個零月先申破。
但又唔一定會有事嘅，大數唔係大。

有交件意思？ 你星期一二先去宣誓，星期尾至下星期一定有NO出，出左理論上所有銀行你都暫時不可開户。

估計8月低頒令，到時去申請解凍或開户信，再交比公司。可唔可以叫公司出現金票或CASH2個月先？？

OCO1582

dopod123 发表于 15-7-2012 16:04
銀行唔會理你啦！不過係可以的，你叫佢地幫你攪信，可能要另再收費（但有會員講唔得），
但頒令後要再向 ...

文件意思係，我宣誓時會唔會有文件作證明架，如果有我意思即係果份文件。

想問下各師兄，係唔係出了no，就連創X同永X銀行都會凍結架。
咁係唔係要等見到破產官先可以解凍？

另外我聽日返去同公司講，我個HSXC戶口銀行發現比被人非法使用。
銀行凍結我個出糧戶口 同公司講一定要停自動轉帳。
點出糧就另外公司處理，我就盡快開多一個永X或創X 戶口
之後呢個星期內比公司會計轉返用新銀行戶口做自動轉帳。
咁樣會唔會係暫時最好的應對方法。

worldcat

講個兩間就係話未頒令前，係可以繼續用。但呢啲係師兄師姐們分享經驗，唔保證一定係。但大行就9成9係你宣誓入紙後會即停。

所有銀行係你頒令後，都會凍結你戶口。你要攞開戶信或解凍信去銀行做手續，呢封信係破處／外判出，唔關法庭事。

OCO1582

worldcat 发表于 15-7-2012 16:50
講個兩間就係話未頒令前，係可以繼續用。但呢啲係師兄師姐們分享經驗，唔保證一定係。但大行就9成9係你宣誓 ...

咁其實假設我咩都唔做。
星期一，二宣誓。
當銀行收資料慢，咁星期三/四已經凍結我所有戶口。
咁即係我本月尾果幾日先出糧，正路都應該入唔到錢 / 入到錢但我唔提取到？
咁仍然顯生一個問題就係果時我自動轉帳，假如成功入數，銀行會否仍然會扣數作還Loan？
定因為，我已經係破產申請人，並已進入申請程序而我的全部債權銀行已經停曬我的Loan還款設定？



對各位講聲唔好意思，我都怕煩到各位，但我好擔心。
希望各位見諒。

smallcat

OCO1582 发表于 15-7-2012 16:56
咁其實假設我咩都唔做。
星期一，二宣誓。
當銀行收資料慢，咁星期三/四已經凍結我所有戶口。

其實你已經想出理由, 話戶口比盜用, 叫公司出住cash先啦, 呢樣野唔會太難!  出cash比你就唔使考慮咁多銀行會唔會老粒你d錢既問題!

你搵顧問做破產,佢地做好將文件交左, 你有number, 仲未係真正破產人士, 正式係你交文件有number後, 1個半月後法院正式頒令破產先係破產人士!

當中1個半月係空窗期, 當銀行或債權人發現你脫期時, 佢地就會打比你, 你有 number 就同佢地講, 你已申請破產, 問翻佢地fax機號, 你話律師會fax翻d文件, 咁佢地知你有number及收到你申請破產既文件, 一般都唔會再攪你了, 明唔明?

smallcat

OCO1582 发表于 15-7-2012 16:56
咁其實假設我咩都唔做。
星期一，二宣誓。
當銀行收資料慢，咁星期三/四已經凍結我所有戶口。

你盡量將複雜既問題簡單化, 咁就唔使擔心一樣又一樣問題的了!