|
本帖最後由 samam2015 於 5-11-2016 02:20 編輯
【成功申請廢止破產令, 回購物業後翻按/轉按/加按分享】
小弟由04年申破、物業被釘契, 十多年接獲破署不斷要求拍賣變現本人半邊業權, 直至2015年獲得好友答允借出現金, 向債權人議價清還所有欠款及支付多年利息作回購業權, 到2015年5月田土廳物業起釘程序完成, 由於要償還朋友整筆借款, 開始要將物業重新向銀行作出“翻按”或“加按”套現。
【物業轉按】(首先小弟聲明明本人與分享中提及的6C並無任何利益關係, 每個人的個案都不同, 只作參考分享), 我的物業是用轉案方式進行(據C爺講係最常用又慳到利息), 是我當年買樓、搞老破嘅6C樓法律行政員(俗稱C爺), 我搵佢介紹d銀行俾我轉按, 經佢介紹咗獅子銀行進行轉按, 所以四月初已可以預早向獅子銀行申請批核轉按文件, 其實我想提出一點個人觀感, 師爺其實最熟識銀行中人, 人脈夠廣, 與其自己搵銀行做翻按, 何不搵師爺做介紹, 佢最清楚自己個case, 銀行都會搵佢地介紹按揭生意, 當然佢亦唔可以百份百包你成功, 但總有計諗。
【翻按條件】翻按/加按/轉按都係要將手頭上嘅物業價值重估再作套現(形式不作詳細解釋), 正如上面各位所問及的問題, 我係今次用轉按, 發覺銀行批核與否主要睇幾個共通點: (1)物業種類(私樓、已補價居屋、未補價居屋) (2)樓齡 (3)樓價市場估值 (4)未供會餘額 (5)按揭供款人年齡 (6)供款現時職業與薪酬 (7)若供款人年齡大、無業、低收入就要提供供款擔保人 (8)翻按/轉按/加按的銀碼 (9)供款年期 (10)每月供款金額
由於每一個人嘅情況有別, 每間銀行嘅審批準則不同, 愈吻合上面嘅條件成功批會機會愈大, 但不要灰心放棄, 凡事總有轉機, 打字打到手軟暫停, 如各位有問題可以提出, 大家再分享解答。
註: 我轉按去獅子, 都係要搵兒子做擔保諮詢人, 因我倆夫婦全無入息 |
|