|
隻龜係21年前有個朋友俾我既,佢好乖又細膽,不過養下養下佢習慣左我,肯俾我摸佢個頭同下巴都唔縮,但呢半個月佢開始不停掰大口抖氣,俾平時佢勁鍾意食既龜糧佢食都唔食,行路行得好辛苦,仲要係一邊腳完全冇力添,兩隻後腳仲腫左同有爛肉,我上相關網睇問過話我隻龜應係肺炎,跟住我問我個妹俾左兩百蚊我買左支黑藥同龜精靈幫隻龜滴,不過好似作用唔大,隻龜都係經常掰大口抖氣,後黎我阿媽買魚時就切D出黎起骨清蒸俾佢食,佢又肯食喎,而精神都唔係差喎,不過呢兩日佢胃口唔太好啦,連俾佢食既魚都唔食得多,然後網友叫我帶佢去睇醫生,但我真係冇能為力,我而家真係一分錢都冇,而且睇動物醫生真係閒閒地千千聲咁計,但我好清楚佢情況只會一日差過一日,我都有計劃,到佢真係連行都好辛苦時,我會問我個妹拎幾舊水帶佢去動物醫院安樂死..................真係好多謝隻龜陪左我21個寒暑,希望佢下世投胎可以做人,仲要係做富貴人家既仔女啦
% t2 t6 }$ n; [/ u3 m: c, r |
|