追數公司

kumiko1030

做下調查，其實大家怕追數公司啲乜？請列明原因。

我嫌佢地低智商，講嚟誁去都係話我唔還錢就上門。我一句答佢：「你搵我就要聽電話？咁個個打嚟我就要聽我咪好唔得閒。你夠膽咪上嚟追，我入咗紙有number，你上嚟追，我報定警等你，你話嚟唔好唔嚟，唔嚟就正衰仔」我衰仔都未講完，個死仔就cut阿姐線，幾冇禮貌，仲話我冇禮貌\。/

kumiko1030

佢嘈住阿姐瞓覺，我已經好客氣對佢。個追數仲話我冇禮貌又話我唔理銀行信，我心諗你嘈住我瞓晏覺想點有禮貌，同佢玩咗陣就自己cut線，好心啲追數公司就請啲好似農夫咁高轉數的人先好打嚟啦，講未夠一陣就cut人線幾冇禮貌

kumiko1030

真心，無牙老虎唔使驚。我當年由宣誓到入紙都係飛線去A仔到用小熊來電過晒啲電話，有number咪飛返條線出返I仔，佢地實會打嚟搵我，咁咪知有邊個未收到我張破產證明書，順便問下佢傳真號碼再叫律師fax返俾佢，真係力水都慳返，使鬼逐個打咩，等佢打嚟好過。

佢係咪都係做主動，收數佬都係人，使乜驚佢又唔會走嚟淋我紅油，怕乜？

orewa_j

入左紙出左no.就係，拖緊時間等申破的人感覺唔一樣。仲有，啲友打去公司或踩上公司，又點會唔擔心？唔係怕佢淋紅油，係怕影晌到其他人或份工作。師姐，每人身處的環境不同，擔心的事亦不一樣。

boeing747

C 姐入左紙出左no. 唔一定唔可以追債,一日未頒令,債權人可以在這時間追債

orewa_j

冇錯呀，視乎班收數落唔落力。

flypig

緊係怕喇!!!
我同屋企一齊出,招惹D收數,將我掃地出門都似...

我其實唔係怕收數,係怕屋企.

如果未破之前我一條友住,真係未驚過喇.

bbb123456

我黎問一句,驚唔可以嗎?

無論係男定女,第一次遇到總會驚吧,係,你借錢唔還就預左,但真係唔可以驚咩?

老實講,到今日我都總會驚接到D人既電話

joe爸

如果得我一個人係唔驚，小返佢轉頭tim，60里息唔還係正常，但係有份工有屋企人嘛

orewa_j

係呀，如果唔影響他人，又真係冇咩好驚

kumiko1030

真係同屋企人一齊住我都未驚過= =

kumiko1030

做嘢嗰到，就算冇收數，公司都遲早會知

kumiko1030

boeing747 發表於 11-12-2015 09:03
C 姐入左紙出左no. 唔一定唔可以追債,一日未頒令,債權人可以在這時間追債

做埋啲咁唔化算嘅嘢？追咗都唔還得，追嚟做乜

macbrush

點會唔驚？ 怕搞到屋企人，怕搞到鄰居，更怕無左份工！

我雖無破過，但十幾年前果次一晚輸到第二日要跑山，當年未有 TU， 真係可以去沙田中心一日跑哂所有銀行同財仔，當然跑完無錢還，日日比人追，真係好L恐怖。 到我還哂幾年都會對啲唔識既來電有啲神經過敏唔係好想聽。

kumiko1030

bbb123456 發表於 11-12-2015 10:36
我黎問一句,驚唔可以嗎?

無論係男定女,第一次遇到總會驚吧,係,你借錢唔還就預左,但真係唔可以驚咩?

冇話唔俾驚，只係唔使咁驚姐。

我由十幾歲開始都未驚過，以前讀書爭上網錢，佢地啲顧問公司打嚟屋企，我阿媽聽都係咁。到宜家有啲打嚟追我阿媽，我阿媽自己同佢講話自己死咗唔使追。

嗰時我前度爭香港寬頻錢，佢地嚮小額錢債簽埋還款方案，但後來寬頻電腦出單有出入，追數成日打嚟追，我打去同香港寬頻嘈，叫佢地好停唔係我搵律師告佢。

宜家我現任同佢八十幾阿媽一齊住，佢爭咗x打十個冇還，成日有收數上屋企，佢阿媽話冇呢個人唔嚮到住，咪一樣。

kumiko1030

joe爸 發表於 11-12-2015 11:30
如果得我一個人係唔驚，小返佢轉頭tim，60里息唔還係正常，但係有份工有屋企人嘛 ...

屋企人我就唔驚，公司多數唔係現任嗰間，所以都唔驚

yeoui

我而家去宣誓喇，幾時先可以唔駛怕佢地?幾時先有no?請各位指教

orewa_j

頭先兄弟打來問我幾時入數，我反問佢「你唔係話交俾收數嘅咩？」

kumiko1030

yeoui 發表於 11-12-2015 15:03
我而家去宣誓喇，幾時先可以唔駛怕佢地?幾時先有no?請各位指教

快就星期一

flypig

yeoui 發表於 11-12-2015 15:03
我而家去宣誓喇，幾時先可以唔駛怕佢地?幾時先有no?請各位指教

唔一定。預3/5/7日。。。。