贊唔贊成申請破產的費用減半?

gpo4074

as title

bb_q_888

雖然我贊成申請破產的費用減半,

但到時破產期可能又會被(債權人)要求增加,

如果破產得咁容易;社會經濟會失平衡.

我相信政府同d銀行都唔想d債囝自殺/走佬,

所以先有破產呢條法律.

温sir

支持！但有個人意見﹕
其實政府可唔可以成立....類似...破產前資詢組織？
協助有需要人仕，詳細些了解個別狀况是否真需要破產？若真有需要，又可否協助申請減半或減免申破費用？

roy

支持,因為我個陣都好辛苦籌個筆破産費.

catina

原帖由 温sir 於 2009-2-4 17:54 發表
支持！但有個人意見﹕
其實政府可唔可以成立....類似...破產前資詢組織？
協助有需要人仕，詳細些了解個別狀况是否真需要破產？若真有需要，又可否協助申請減半或減免申破費用？ ...

我同意溫sir ge意見, 記得我想搞破產前, 真係十五十六, 唔知點好, 想搵人問, 又唔知搵邊個, 睇到d電視廣告, 又唔知是否可信... 而且講真, 搞得破產, 揀得呢條路, 邊度仲會有萬幾蚊去比律師費?  想唔搵律師, 但政府d申請文件複雜度, 又易錯又難明, 想話慳少少 (唔搵律師, 自己攪都要9千幾) 都唔得...

仲記得o個時為左呢萬幾蚊, 又唔比得屋企知, 搞到我要向晒d至好ge朋友講話要搞玻產而同佢地借錢, 後黎仲要過澳門同個朋友借, 4個鐘頭來回... 而家回想起, 搞破產條路已經唔易行, 更唔好話搞左破產之後...  好在身邊一直仲有班知我破產又冇離棄我ge好朋友支持我咋, 當然有d朋友知道左之後離我而去, 但係就當睇清楚邊d至係好朋友囉~

bb_q_888

你地有冇睇"幾年前"有個破產人士(電視節目---新聞x視)幫人填寫破產表格($500一份),

當時佢話一個月都二三千收入...唔知佢重有冇做,好似佢係高院等d拿表格(問人),要唔要幫手代填.

gpo4074

原帖由 bb_q_888 於 2009-2-4 20:43 發表
你地有冇睇"幾年前"有個破產人士(電視節目---新聞x視)幫人填寫破產表格($500一份),

當時佢話一個月都二三千收入...唔知佢重有冇做,好似佢係高院等d拿表格(問人),要唔要幫手代填. ...

呢門生意有得諗.

可以考慮吓做網上收費諮詢的收費服務,網友可享有折扣優惠.

bb_q_888

哈哈

你要分紅比我.

温sir

我就唔多贊同嘞，收得人錢就一定要專業，啲法律文件真係唔可以錯，錯就累到人

bb_q_888

你咁講都岩...不過填二.三份表格就會熟手...而且破產人士自己填都有好多野唔清楚,

起碼有個人比佢問下,教佢下要d咩文件....跟住程序係點行.太多債權人太復雜,

自知無能力幫佢都可以拒絕(唔收錢),提供意見...

未申請至完成申請破產,基本都會感到前路汒汒,唔係單纯為錢...有心做都應該幫到人.

hic2008

原帖由 gpo4074 於 2009-2-4 21:48 發表


呢門生意有得諗.

可以考慮吓做網上收費諮詢的收費服務,網友可享有折扣優惠.

破產處門口大把這些人.

bb_q_888

咁...你有冇幫親.

問心...你覺得呢D服務有冇用?

hic2008

我用IXXXX, 我覺得好好, 只收了我$2850, 比到意見, 仲會講下笑, 吹下水, 不過不會替上庭.

[ 本帖最後由 gpo4074 於 2009-2-5 19:49 編輯 ]

bb_q_888

我用律師...最平個位...同你收費差唔多,

填表...包上庭.,跟哂D法律程序.

yancy

當你入紙法庭時,有冇收過一D寄去你屋企ge信,係話會幫D破產人事代辦四年內的一切要報ge文件.費用好似係1,500.有冇人記得呀?

gpo4074

果4份文件(每年交一次)好易填,最重要係你平時有記低每月開支,及有儲單據的習慣.

如果你想平d,可以幫襯我.

admin

原帖由 gpo4074 於 2009-2-6 16:56 發表
果4份文件(每年交一次)好易填,最重要係你平時有記低每月開支,及有儲單據的習慣.

如果你想平d,可以幫襯我.

admin 按： 凡經本聯盟而促成的任何商業活動，需抽水 20%。並需簽約時全數交付。

嘿嘿嘿嘿

bb_q_888

喂~我話過$88/四年,等你回覆中....

另加回饋(四年內幫留意下,有冇後生女朋友介紹比你)

gko

yancy
初級市民

      點解該公司可以連準破產人的地址都得到既，破產處會公開的嗎？

gpo4074

法庭門口會有你的大名在名單上.