*急*想問2,3線財仔既破產問題!!

zbridgehead

用"俾人追數"呢個理由"向房署能申請掉屋" 我相信無乜可能成事！

所謂"黑財" 就好似蒼蠅一樣揮之不去..................

waiman123

20# 301

明白!!多謝板主意見!!
若有違法行動追數,就直接報警求助或到牌照那邊投訴!!

想問點解板主會話到房署申請掉屋一事會非常渺茫呢??
但我和媽媽也正在商討梗呢個問題
究竟我地應該話因為欠債問題而想掉屋
還是板主你覺得若然我地講因為追數問題而掉屋房署大多不接納呢?
如果係咁,我同媽媽可以說其他原因而想掉屋會唔會比較大一點機會成功呢?

麻煩曬各位師兄師姐既回答!!

waiman123

21# zbridgehead

明白!!多謝師兄既解答!!
因為用追數呢個point去房署話掉屋係個police提議架
我聽完之後都一直同媽媽講咁樣講人地仲會比我地掉屋咩
所以先想問下各位既意見咋!!

呢家我明白明天應該點樣向房署講啦,唔該曬師兄!!

zbridgehead

23# waiman123


近排屋企附近有無發生的"自殺""跳樓"案？會唔會半夜聽到"聲"..........

pppw

樓上係 弦外之音 呀，收唔收到呀waiman123 ？

waiman123

黑財..
自從聽到各位師兄講出原來我阿哥借呢8間全部都黑財既時候
我同媽媽呢刻都好心酸
又知道呢d黑財即使破產後亦都會追既時候
我地真係唔識點去處理呢件事
雖然呢家打算同媽媽去房署傾下可否掉屋既事宜
但始終即使掉走了
都好怕會連累我地既親戚
因為原來阿哥真係衰到留左2個親戚既地址同電話黎做果d咩資詢人
我同媽媽真係本身幫佢申請破產果陣完全唔知道架
直至有親戚打比媽媽既時候我地再問阿哥佢先肯講肯認
我同媽媽真係比佢激到真係非常非常之怒氣呀
如果我地知道呢件事係會拖累埋親戚既話
咁破產果萬幾蚊就寧願用黎供住頂住d數先喇
呢家破產又呈請左,但律師又反轉豬肚叫我地供數
現在從各位師兄口中得知呢d黑財數既麻煩
呢家同媽媽真係覺得進退兩難,真係唔識走呢條路
儘管房署掉屋比我地
但一陣d親戚仲會以為我地一走了之
跟住d黑財又唔知會點樣搞佢地
如果呢家先話想還番數,
大多都要全數清仲要計利息呀收數費上門費等等既雜項
避得一時,又避唔到一世咁
就算破產令頒左之後儘管佢地唔追,
重番屋企之後又唔知會邊年邊月邊日又再興致起又來過上門追數
媽媽同我講我地2個周圍住周圍落腳都唔係問題
至閉就係搞到親戚
佢今日同我講,定係諗下辦法去還左d數佢呢
如果係咁,真係無可奈何我地要想盡辦法去借呢畢錢來還數啦
但係,到左呢家,條數一定已經越滾越大
所以係度想問下各位師兄...

(問題)
如果行到呢家呢條絕路想還數
黑財呢d有冇得傾架呢?
我意思係只還番本金,唔還d利息呀上門費等等..
因為如果咁樣我同媽媽想盡辦法都可能會借到
但如果係無得傾的話,必定要連本帶利咁我諗我地都無計可施了
因為現在條數一定已經滾到好大了!!
又或者變番之前咁一期期供,又會唔會有機會可以呢?
不過媽媽最想知道既係呢d黑財,
呢家佢地知我地搞梗破產跟住比佢地追下用下d手段我地就肯還番
咁如果真係還番錢比佢地
佢地又會唔會玩番我地轉頭呢?
你知啦,如果真係咁辛苦搵到錢還番條數諗住過番d安落既生活
但都話明黑財嘛,會唔會過左數到時又話收唔到
跟住係電話到傾就話可以只還本金唔洗交番利息跟住又到還曬本金果陣到時又上門追番d利息呀上門費咁
我地真係最最最擔心呢個問題呀
請問或者如果還錢又有D咩安全既方法黎保障我地呢
唉,我同媽媽呢家真係進退兩難..
請問有冇師兄可以幫忙解答一下啊

小妹真係感激不盡,只求可以幫到我同媽媽走出現在呢個困局!! T_____T

waiman123

ZBIRDGEHEAD + PPPW :

明白^^多謝師兄提供意見給我!
但我果條村同住果座最近真係無自殺,跳樓案發生,
咁若然有呢D案發生咁房署其實都應該會知道架喎,係咪架? @@"

roy

27# waiman123



有冇嘗試找區議員協助?

waiman123

28# roy

你好roy師兄!!
恕小妹愚昧,想問下找區議員可以幫助什麼呢?
還是找他們將整個case講給他們聽令他們能給我們提供意見應什樣做嗎??

豬公

28# roy

你好roy師兄!!
恕小妹愚昧,想問下找區議員可以幫助什麼呢?
還是找他們將整個case講給他們聽令他們能給我們提供意見應什樣做嗎??
waiman123 發表於 2010-3-1 00:42

搵區議員將成個 case 話俾佢聽，希望可以幫妳向房屋署爭取搬遷。

不要再想去還錢了，妳阿哥現在等同借左大耳窿，還極都還唔完，與其頂至山窮水盡，不如留番自己用，寧願用呢的錢出去租屋住，避開幾個月好過。

1) 頒令前盡量小回家，必要時出去住幾個月，只間中回去收信及睇吓就算，如發現有刑事破壞就報警。

2) 所有收數電話都唔使理，最好轉埋電話。

3) 破產情序一定要照做，等法庭頒令後如果有人追數就向破產處投訴，有非法行為就報警。

要有心理準備長期抗爭，一定要及早處理，不可退縮，香港始終係法治地區，覺得人身安全有問題就報警。

301

我阿哥8間財仔總數大約8萬,
因為佢係做散工加上呢D細財仔每間都唔會批好多
同埋全部8間都係借幾多錢都只可以拎到總數既一半再小D
即係借5千拎2千度,借7千拎3千度
我聽完都覺得好唔明點解咁唔著數咁樣借法都仲要去 ...
waiman123 發表於 2010-2-28 01:31

係咯,雖然話共8間,
但每間唔會做多俾你,
每間一萬或幾千...(貸款$10000.祇攞走 $3000~4000.).
不過到清數還款真係唔知要幾多,
可能係無底深潭.
唔係呢 d 有背景既黑財古惑仔,
佢地日日去 wet 個 d 錢係邊度來!
簡直係社會寄生蟲.



而家似乎治標未治本,
問題出自你阿哥,
我地過來人好清楚...
佢連續借8間財仔必係急用,
用係邊度?
原因未明....?
失業 !

呢度好多會員皆失業,
都未致借黑財,
請你搞清楚你阿哥要借"貴利"既原因 !
(賭博 ? 揩草 ? 女人 ?......)

要對証下藥架 !

zbridgehead

你阿哥做散工，黑財唔會借得多，"電話數" 還極都還唔完......................，你唔聽電話棧攪到的親戚(資詢人)

先了解下你阿哥做乜事要借黑財，佢應該唔止咁小數..................

宜家的年輕人好多都有腦殘疾，外面正常，內裡智障.................

WATER

睇到你的cass我到鄧你心酸。你想同黑財傾數還錢！你唔好咁儍咁天真。佢首先會哄你話天大事可以商量，到你阿哥浮頭畤可能會有乜嘢事發生你我都不可以保証！至於揾區議員希望可以俾壓力房署可盡快掉屋






心同威受   祝大步襤過

waiman123

搵區議員將成個 case 話俾佢聽，希望可以幫妳向房屋署爭取搬遷。

不要再想去還錢了，妳阿哥現在等同借左大耳窿，還極都還唔完，與其頂至山窮水盡，不如留番自己用，寧願用呢的錢出去租屋住，避開幾個月好過。

1) ...
豬公 發表於 2010-3-1 12:31

豬公:
好多謝你提供既意見呀!!
我琴日本身同媽媽去搵區議員架,但點知佢病左無番到呀,我地真係咁黑仔><
之後行行下我地就走左入明愛去搵左個社工傾訴
個社工仲寫左封信比我地去房署
今日我地約左個區議員個秘書(因為個區議員唔知請左幾多日sick leave)
希望佢個秘書都可以協助到我地啦
跟住同佢個秘書傾埋就會過去房署喇
希望可以有大d既搬遷機會啦 T__T

另外亦多謝你既意見呀,我同媽媽呢家都無番屋企喇
因為比人用AA膠痴住左度門匙孔同匙孔我地都唔知可以點溶到D膠呀
但係諗住如果有方法溶到D膠可能會搵日一早番去執多小小衫同埋拎番D重要交件呀果D出黎
之後無咩野都唔番住架喇,因為呢家都係好危急既環境
都係間中番去信箱拎下信既時候順便睇睇屋企門口有冇咩問題啦

唉,呢家唯有暫時避避睇下破產令出左之後個情況點樣啦
事到如今,真係要長期抗戰喇!!

301

34# waiman123

AA膠,有溶劑賣架,
細細支,五金舖有架,
平時買定看門口嘛.

waiman123

係咯,雖然話共8間,
但每間唔會做多俾你,
每間一萬或幾千...(貸款$10000.祇攞走 $3000~4000.).
不過到清數還款真係唔知要幾多,
可能係無底深潭.
唔係呢 d 有背景既黑財古惑仔,
佢地日日去 wet 個 d 錢係邊度來!
簡 ...
301 發表於 2010-3-1 13:10

板主,
係呀呢D公司每間佢都借唔多過一萬,
全部都係幾千幾千咁樣
但實際拎到既就只得好小
咁又係既,到左今時今日呢個地步
就算想清數,已經係無底深潭
一陣還左到時又再加呢樣果樣
根本就無得傾既,佢地亦都唔會同你做D咩既協議

我同媽媽迫過佢好多次
佢都只係因為佢做呢份散工之前失業左好耐
跟住就開始借呢D錢
之後做散工果度又唔知識左個咩人
幫到佢做份假既工作証明出黎
佢就用呢份野周圍去借錢
我諗佢初初借既錢一定關於條女既問題架啦
同佢出街洗費又要比家用佢阿媽果D
根本佢做份散工邊得咁多錢
所以走去借啦
之後又因為散工又有時有得開有時無得開
佢又填唔到D數,就又去第2度借錢黎供住果幾間啦
唉,我都唔知點解佢會搞到今時今日咁呀
食毒品佢又唔係,賭佢又唔係,唔通真係板主既所謂女人?
因為我同媽媽其實一直到尾都係覺得自從佢同左呢條女拍拖之後就變成咁喇
佢出左去住,我地都睇唔到佢咁多,都唔知佢究竟變成點
真係無諗過成年無番來屋企到今時今日番黎就搞單咁大穫既野出來比我地嘆呀,唉

其實點解佢借黑財知,我諗我大概都知道原因既...
其實我阿哥之前已經破過1次產仲係岩岩係佢借呢D錢之前完左4年令
但佢上一次破產完全係唔關佢事架
係因為我個衰老豆,佢係嗜賭如命,佢唔只欠財務銀行數,仲欠埋D大耳X呀,
跟住又去MACAU賭錢之後有人係果邊打黎要幾多幾多萬咁
阿媽已經唔知幫佢過左幾多十萬喇,其實總數真係還左應該有成百萬(我真係唔係誇大架)
所以先搞到我媽媽呢家無曬錢,個衰人走左佬,
但佢果陣次次去親財務公司就會叫我阿哥做佢擔保人
所以佢走左之後d人就黎係咁搵阿哥啦
果陣條數仲勁過呢家好多,但因為果d都唔係呢d黑財,
係UA,promise呀果d都仲有d名氣果d,
所以果陣佢做破產之後就真係無人再追數喇..

唉,我諗就係因為佢係曾經破產者所以根本唔能夠從銀行呀,一線財務果d借錢
即是二線都未必得,又加上佢無固定工作,咪成為呢d黑財既打獵物啦,唉

我同媽媽每日都嘆息點解佢要走番阿爸條路
點解屋企一個又一個都係咁....唉 T____T

waiman123

你阿哥做散工，黑財唔會借得多，"電話數" 還極都還唔完......................，你唔聽電話棧攪到的親戚(資詢人)

先了解下你阿哥做乜事要借黑財，佢應該唔止咁小數..................

宜家的年輕人好多都有腦殘疾 ...
zbridgehead 發表於 2010-3-1 17:48

係呀,你講得無錯呀
所以話就算房署肯比我地搬遷
但佢地一樣會搞我地既親戚呀
唉,所以同媽媽日日都係度諗進退兩難
就算呢家想還錢都一樣係咁難
佢地鍾意話幾多就幾多錢
還完一樣可以話你未還完
唉,我地都唔識走呢條路呀 T___T

waiman123

睇到你的cass我到鄧你心酸。你想同黑財傾數還錢！你唔好咁儍咁天真。佢首先會哄你話天大事可以商量，到你阿哥浮頭畤可能會有乜嘢事發生你我都不可以保証！至於揾區議員希望可以俾壓力房署可盡快掉屋






心同威受  ...
WATER 發表於 2010-3-1 20:52

多謝你呀!
唔係阿哥呢件事,我真係唔認識咩叫黑財呀
呢家搞破產又可能追,還錢條數又唔知加到點樣
就算還錢佢地一樣還完可以話你仲有數
又或者好似上次消房員件事咁
我已經同阿哥講左佢呢家傻下傻下咁
唔好人地打比你同你講條數有得傾你上黎公司同你傾你就上呀
一陣無得傾無錢還不特止仲無啦啦自動送上門比人丙一餐呀
唉,所以聽完你地咁講之後,我同媽媽呢家都決定暫停呢個念頭先
一陣約左區議員個秘書傾之後會去房署
希望搬遷果度解決得到先
呢家唯有一步一步撐下去,見步行步喇!!

真係好多謝大家既意見同教我點樣去行呢條路呀!!
小妹真係感激不盡!!!!! T______T

301

38# waiman123

原來你阿哥已破過一次產,
o甘佢其實好有經驗處理,
你應該去問佢多 d.

bb_q_888

36# waiman123

你家真係不幸,

好明顯你哥根本冇係上次破產汲取教訓,反而失去左上進心,

本來收入少都唔係咩問題,不過佢都冇諗過"冇咁大個頭唔好戴咁大頂帽".....又去借錢,

冇法啦~為有破左產先,唔係都唔知佢欠幾多 同 止數.

雖然有手尾,都係要行第一步.