*急*想問2,3線財仔既破產問題!!

301

36# waiman123  

你家真係不幸,

好明顯你哥根本冇係上次破產汲取教訓,反而失去左上進心,

本來收入少都唔係咩問題,不過佢都冇諗過"冇咁大個頭唔好戴咁大頂帽".....又去借錢,

冇法啦~為有破左產先,唔係都唔知佢 ...
bb_q_888 發表於 2010-3-2 12:10

唔通桐油瓶真係裝桐油 !
有一次教訓(唔理你乜原因老破)係應該學精 d 喇;
係借都唔好借呢類黑財啦,
細路都知警訊有講啦.

我解破後都借過(借到)一二線正牌財務,
又唔好話老破過唔得.
(要看收入或擔保人咯)

waiman123

38# waiman123

原來你阿哥已破過一次產,
o甘佢其實好有經驗處理,
你應該去問佢多 d.
301 發表於 2010-3-2 11:38

係呀,其實佢破過一次仲岩岩係上年完左個領咋
不過老實講因為上次全部數都係我老豆欠架
阿哥負責簽名,而破產係媽媽拎錢出黎幫佢搞
佢果陣都係就咁上左1次律師度簽個名咁
之後4年都係律師搞掂曬
所以唔講其實我都唔覺佢破過產架
因為其實破左產基本上同普通人無咩大分別嘛!

waiman123

40# bb_q_888

唉,今次點計都係我阿哥唔生性架喇
都唔知點解佢可以借完一間又一間
借完第1間既時候知道借7000拎得2000但實還就係500呢d咁既數
都唔知佢點解仲可以再繼續去借另外果7間 @@"
唉,無辦法喇,呢家都申請左破產又加上呈情左
所以現在唯有繼續撐下去先喇 !!

waiman123

41# 301

因為我阿哥長期失業係最近先搵到份散工做
而且又唔係日日有工開果d
加上佢又破左產,所以我諗佢係咁既原因唔會借到1,2線財務喇

zbridgehead

咁你同你阿媽收入如何？你自己有無卡數呀？

301

順便問下你地既然報左警,
警方教左你點做?
報案室或 CID 落口供,
可否分享下.

另外,區議員聯絡到未?
係邊黨派架?

dopod123

44# waiman123

我好同情你地的事
唉,,,,,,,,等錢洗都唔係去借5000實收3000還10000呀,攞個1萬幾仟...

其實你亞哥先最應該去報警,因為佢先係第一身苦主

waiman123

45# zbridgehead

我同媽媽暫時都無收入架
我呢家仲讀梗書,暫時都未有信用卡

zbridgehead

48# waiman123

兩個都無收入？咁點生活呢？

waiman123

順便問下你地既然報左警,
警方教左你點做?
報案室或 CID 落口供,
可否分享下.

另外,區議員聯絡到未?
係邊黨派架?
301 發表於 2010-3-2 21:46

唔好意思呀板主呢家先覆你
因為呢兩日同媽媽都十分頻樸去左好多地方又做左好多野
所以岩先呢2日都無時間上網

我地去左警署到報案先架
然後佢地就好好車架警車去我屋企果度睇
睇左d大字報仲有aa膠痴左既門匙同鎖匙孔
之後上番警車cid再幫我地落份口供
後面果2個警察就話呢d數好麻煩架
你地好快d問朋友問親戚借錢還左佢啦
阿哥聽完都即刻好驚,仲立刻想叫媽媽幫佢添
至於另外個cid就反而好d
我媽問佢呢d數係咪真係好麻煩
佢就反而答話你地搞左破產啦嘛
搞左破產就唔洗還啦,電話都唔洗聽佢地架喇
我同媽媽都覺得呢個cid講d野就有d安慰
但另外果2個警察就有第2個講法
唉,其實我同媽媽都唔知應該邊個講既至岩
至於個CID就留左佢個手提比我地
話如果有咩事或者屋企有咩事就可直接聯絡佢!

另外星期一先同媽媽去左搵區議員個秘書先
因為我地個區議員入左醫院仲未可以出阮
個議員叫"區X成",佢個秘書就叫"X太"
X太好好人呀,佢幫我地打左個電話去房署先
講左大約個情況我同媽媽同哥哥3個就去房署做申請喇
個人話我地個case都好大機會可以搬遷
不過就係時間既問題啦,即係話例如呢家20個人等梗的話
咁我地就係第21個啦
但呢家個問題就係暫時我個區都未有屋遷出
所以就係話時間問題啦
不過我同媽媽都好安慰架喇,因為起碼有機會
等幾多都唔係問題,起碼可以令我同媽媽知道我地需要避幾耐
同起碼有個時限,我地總會有一日有間新屋過番d新既生活
之後房署叫我地準備警方既口供copy,同埋一封自己寫既搬遷既信,仲有阿哥d債務合約
就約左星期四,即係今日再去交申請既野,
今日交完之後個小姐就話佢會將呢d野交比佢個主任
如果主任ok佢批的話就可以幫我地直接交去掉遷果個部門進行分配同等候
個先生就話我地會獲主任批既機會都好大,點解呢?
就係因為今日去房署見個先生果陣,佢話我地果座個保安同佢講
星期二夜晚,有5個大漢拍我地屋企度門追數
仲貼上大字報,我同媽媽聽完都立即想像到個畫面
唉,可想而知阿哥d數真係好利害,要5個大漢黎上門!!
之後果個先生今日早上原來就去左我屋企果層度視察過
佢都見到曬d大字報果d
從佢口中我知道佢應該明白我地呢件事既重要程度喇
所以佢自己都同我地講話我地掉遷既機會都好大!
呢家就要再等房署既電話同消息喇.

至於區議員果度,雖然佢係醫院
但係佢個秘書真係好好
呢個係我阿媽深深感受到架
因為佢除左果次會見我地幫我地打去房署之外
佢差不多每日都會打1次比我媽媽問佢近況
仲有打黎話佢已經將我地整件事話左比區議員知道
區議員都托佢問候我地
仲有個秘書好好呀佢幫我地叫保安加強查我地果層如果有咩勢色唔對度門有咩事
又或者有咩大字報果d都會講我地知
咁我同媽媽就唔洗驚驚咁番去斯走d大字報喇

呢兩日仲有同媽媽去左搵社工傾訴同幫助
仲有帶左媽媽同哥哥番去教會
因為這裡有教友認識一位從事法律既朋友
希望能幫助我地去解決呢件事情
仲有希望能夠讓媽媽減低困擾既心境
同埋最希望係可以幫哥哥走番入正途,重新做人
雖然今次事件還未了結
但係暫時我地都開始知道面前條路應該點樣繼續去行
無之前咁迷網了!!

在此真心感謝各位師兄師姐提供既寶貴意見和各種提供給我既方法
我會繼續向大家跟進我既情況架
好多謝各位關心我們一家既朋友
希望我們這一家能夠盡快脫離這些黑暗的日子吧!!

waiman123

47# dopod123

有呀,我地報警果陣阿哥都在場架
CID就同佢落左份口供!!

唉,我都唔明白
我都成日問佢點解你借完第1間明知借7000得2000你都仲可以繼續去借另外果7間??

經過呢排帶佢番教會同d導師同個心理學家分析過後
大家認為佢有可能係病態

不過學板主咁講..
佢借咁多錢點都有個主因既
板主曾經列過話不外乎3個原因: 賭?毒品?女人?
而我地暫時最終探究出來都應該係"女人"涉及最大

唉,搞到今時今日咁樣
我真係好希望我阿哥經過今次之後真係可以醒覺,重新做人喇! T___T

waiman123

49# zbridgehead

我媽媽拎工援的 T_T

taktakmama

19# waiman123


waiman123,
唔好太担心,你住公屋你可以申請調遷嘅,只要佢啃淋油,封屋,貼大字報,你就可以去報警,同屋署講你哋2個女人仔好警,覺得生命有威脅,通常都可以,但要等,將來搬個日唔好出現(全家人不要出現),早幾天番屋企取走貴重嘢,交門匙比搬屋公司,其他嘢叫搬屋公司全部搬去新屋至慢慢執,左鄰右舍就算幾friend都唔好講搬去边,啲黑財會嚇到佢哋供你出來,親戚叫佢哋同財仔講一年見不到你一次,幾年前你亞哥借咗佢哋啲錢都未還,叫財仔有你亞哥消息通知埋佢哋,最緊要唔好同啲親戚見面免被人跟,只要佢哋唔係担保人,只係你亞哥隨便寫佢哋個名俾財仔就唔洗驚.

lalaeveryday

49# zbridgehead

我媽媽拎工援的 T_T
waiman123 發表於 2010-3-5 01:03

  你要生生性性. 人生都係個幾十年,盡力生活就得. 祝你好運,加油加油.

301

房屋署叫得你地寫申請信及備各文件copy,
真係好大機會.
祇是輪侯時間問題.
房署有無上門影埋你門口照片!

如你所述你該區係好陳舊既;
因各種問題而申請緊掉屋既應該係好多人.
要同區議員保持聯絡,
但你區唔單祇一個區議員喎.

但搬完一次,
你估"財仔"查唔查到你搬去邊呢 ?
你搬得幾多次!

講左o甘耐,
你阿哥做過 d 乜?
成日跟住你地出出入入咩 !

你話果2個警察都叫你借錢來還黑財...
嘩,呢個咩?世界 !
你有無記低佢老冧!

CID留左佢手提俾你,
佢應該係反黑組既探員;
好咯,有乜依郁即call佢仲好.

呢 d 黑財即使追數惡唔出樣既,
同樓下保安打多聲招呼啦.

301

係呀,
你既然接觸過區議員祕書,
o甘你每次可向房署施壓'撻朵',
希望佢地儘速幫你喇,

據知該議員腹膜炎,
入院做手術後最快要下月中才返來辦事;
你睇下同區其他議員可否幫手.

waiman123

19# waiman123


waiman123,
唔好太担心,你住公屋你可以申請調遷嘅,只要佢啃淋油,封屋,貼大字報,你就可以去報警,同屋署講你哋2個女人仔好警,覺得生命有威脅,通常都可以,但要等,將來搬個日唔好出現(全家人不要出現) ...
taktakmama 發表於 2010-3-5 01:18

好多謝你所提供比我既意見呀^^
我地已經申請左掉遷而房署果邊暫時都話有好大機會呀
你既意見好好呀,因為我同媽媽都有諗過如果搬果日應該點去處理我地屋企d野
所以真係好多謝你既提意!!!

waiman123

  你要生生性性. 人生都係個幾十年,盡力生活就得. 祝你好運,加油加油.
lalaeveryday 發表於 2010-3-5 08:12

好多謝你呀!
我一定會生性做人
讀完書會搵份好工
希望可以比媽媽有好既生活
亦希望同時哥哥能夠洗心革面,重新做人!

waiman123

56# 301

嘩,好勁呀,板主果然係板主
連區議員發生咩事入醫院同幾時可以出院你都知道!!真係勁呢!!
不過暫時佢個秘書都已經非常之幫得手喇
我媽媽仲超級鍾意佢添
其實鍾意既意思係佢真係好有心同好關心
因為當一個人去到現時呢d既環境同狀態
真係好需要得到一些關心同問候架
我知道媽媽承受既壓力同煩惱一定比我更多
秘書差不多每日或者隔日都會打個電話黎比媽媽關心一下個進度
我見到媽媽每次聽完佢電話都帶有一點安慰
所以我其實都好多謝呢度咁多位叫我去搵區議員既各位朋友
好多謝你地,令我地增加左可以掉遷既機會!!

至於板主你所提及既係咪搬左之後就可以一勞永逸呢個問題呢
其實我同媽媽並非一心諗住搬左之後就當係解決曬整件事架
我地其實係一直每日都係度諗梗解決既方法架
已經連續3日去左教會度同一位做法律既朋友見面同詢問下
阿哥亦拎曬d合約文件等等既野比佢睇
而佢亦都解釋左好多有關法律同呢件事既解決方針等等既意見比我地
所以真係好希望呢件事始終都可以得到一個真正既了結
因為即使我地搬走左,就好似板主你咁講
你估呢世d黑財都會找唔到我地咩
加上我阿哥仲有8間咁多添,
我同媽媽都唔想就算搬左新居之後每日都繼續處於提心吊膽既狀態
所以其實呢家都想梗解決既方法,希望能夠得到解脫之日!!

而我阿哥就好似真係知道錯咁喇
我暫時係教會都搵左一個傳導人黎輔導一下佢
希望可以幫助佢擺脫呢種病態既借錢行為
同希望可以搵到佢借咁多間財務既主因
對症下藥,希望可以幫到佢重新發奮做人!!
呢個亦係我同媽媽最想最想見到既!!

最後亦再次多謝呢度咁多位有提供過意見同關心我地一家既所有朋友
小妹衷心感謝各位既幫助 !!

lalaeveryday

59# waiman123


加油,祝好運及順心