準備申破，有關在內地定居問題，希望各位師兄師姐解答

hsbc903

Bill,  唔等得啦，聽日一定要搞，就照你咁講啦，保險應該已經取消左，唔填啦，支票收到到時再討論，基金就照寫，因為我都未寄信去取消

bill0828

甘照Alex講保險，基金全部要填上去，要寫價值銀碼。

hsbc903

好啦，咁多位，訓啦！聽日再傾

bill0828

我在睇返，Alex意思係你要保險，基金都要報上去，但你可以在頒領前用呢筆錢，以後解釋用係生活費。我都覺的甘有講的通。

hsbc903

Bill, 係啊，我後來臨訓前都睇得番我哋嘅對話，我都同意所有野都如實報，支票如果到先過頒令，就照樣當生活費用，所以Alex佢強調我先開永窿準備收支票，雖然我同我用開嘅匯風無仇口。

YANNY

我同HSBC冇仇口,頒令後3日先凍,我頒令當日都仲提到款,當然我唔知係咪個個都會係咁...但係有人講過...一日未頒令銀行都無權凍你戶口,當然前題係你本身冇欠佢地錢啦!

bill0828

我都覺你唔使在開戶口，無仇口實用的到。有仇口驚人地會扣數。

hsbc903

頭先去匯風發生左件事，話說其實我係雙重國籍，我除左係香港人外其實我都有另一個國家嘅身份，原來當初我開匯風個時我無用香港身份證開，結果我用香港身份證search 我係無任何戶口，用我第二個國籍嘅護照就有，加上我黎唔切去永窿，我決定申破時我唔寫任何銀行戶口，實際上香港身份真係無，如果到時問起，我就話無銀行肯開俾我，應該ok 呱？

hsbc903

請問如果我大概2pm 到破署，今日可唔可以做得晒啲野呢？

bill0828

好似開到4點，今日實趕唔切。甘你香港身份證無開到戶口，信用卡怎俾到你？

hsbc903

Bill,  我照去啦，做得幾多得幾多，而家最大問題係我好多銀行嘅總行地址都唔知點揾，係 Yahoo 都 search 唔到，例如 花琦

bill0828

信用卡月結單下面就有銀行公司地址，銀行網站也可以查的到。

Alex2233

花花銀行係測魚涌果個，
打電話去拍檯問，我要你地香港總部地址電話，要總部office果隻，唔係分行

你今日實做唔切，永燶你開左未？

你當而家上去拎份sample望下，望得完都5點

一定係聽日9:00再搞

hsbc903

Hello 各位，我已經搞點晒啦！宣左誓，俾晒$9040,排好期上庭，七月頭

hsbc903

已經影印兩份，交番正本去 LG1, 另外copy 俾番 10樓，自己keep 一份

hsbc903

而家去食飯，夜啲再交代詳情，好彩有呢個群組幫手，就係提醒帶八達通已經夠公德無量

Alex2233

份表填得咁急，真係預你七成有錯漏，
你要預左頒令當日會叫你個名，佢會同你講有野填錯（其實每次頒令都有10-20%人會咁）

不過，冇野既，按番佢要求修改就得！之後再排下一個星期頒令




最緊要：申報資產值同欠債果一part冇填錯.......一陣聽下你回顧

hsbc903

大家好！開始回顧下。話說我確定左我匯風銀行唔係用香港身份證開之後，我已經把心一橫唔申報任何銀行戶口，我真係諗唔到咩理由俾一個其他國籍嘅銀行戶口破署。我大概兩點去到10樓，問亞姐姐要份sample睇，跟住就開始填

hsbc903

都未開始填就已經有個男人問我洗唔洗幫手，我就知道佢咩事，我話唔洗啦咁我就繼續自己填，其實份表同 Alex 講嘅都一樣，只不過間房完全收唔到訊號，我無得開番破聯睇，又search 唔到啲銀行地址，咁就唯有填左啲識填嘅先，我覺得最辛苦係填中文地址，好多字要填。我比較特別係我無 mpf,  無銀行戶口，無收入，無車又無樓，跟本上tick 得最多就係「無」。咁我最終都決定連保險都唔填，既然都取消左，所以唔填。欠債個到其實我無咩特別，6張卡數，跟sample 咁填，因為電話無訊號所以我落樓下填。填完後俾亞姐姐睇下，加番啲小小野，佢又係問我有無銀行戶口我話無，有無mpf 我話無。跟住俾八千再入房宣誓，之後落LG2 俾 1045, 再上 LG1 整啲野再去 108B 排期，排左七月頭就去影印兩份，好彩八達通夠錢，之後就還番份俾 LG2, 再還番份俾破署，咁我問清楚姐姐fax 邊份俾銀行，佢就話 3 張個份就得，好多版個份唔洗，咁我就走啦。完！

Alex2233

外國戶口唔報，合情不合法

現實根本好多人都係咁，但不過度批評，你自己都應該深思過

至於匯x，隨時凍結，換言之，冇得用永燶接票再提款生活，

張票可以視為無左，頒令後破署亦9成會叫你交出



Anyway，祝你頒令後，回內地愉快生活