岩岩自己申請左破產..等上庭

man3x

大家好..想大家比小小意見我..
我岩岩係..8月7日入左紙..等9月11日上庭..全程都係自己攪..

簡單講下我個case...
其實我欠幾間銀行既卡數..加加埋埋應該唔過30萬...(2000年既時間)
另外...就係欠房署..47萬幾.
呢d數..其實都已經係2000年個時欠落...十幾年黎..銀行都追唔到我..因為我已經搬左2次屋.
當時層居屋係按比恆生..因為2000年老公走左去..掉底爛灘子..而我一個人又要養個女..唯有走去租房住..
而層居屋當年比銀行收反..銀主拍賣...賣左..
一路以黎我都以為..係欠銀行既錢...咁佢又搵我唔到...就一直都無理.
2004之後再向房署申請上反公屋.直到上年8月.房署掛號信比我地..追反個層樓既差價..
咁我先知道.原來房署當年幫我地還左差價..再加埋利息.行政費..一共欠佢47萬幾.

呢d數.一直都係我好擔心既..因為.我一直都有工作..強積金有..20萬.我怕到我退休時..會被房署或銀行一筆過攞晒去還.到時真係臨到過唔到世...所以我就計劃左一年..係7號就去申請左...

咁想問下..係咪入紙開始...全港銀行都會凍結晒我既戶口呢?..因為到今日..我仲可以用中銀既網上理財..自己過數($1)去自己另一個戶口...我係無欠中銀錢的.
我個女...黎緊9月會讀副學士...我當然無錢比佢交學費啦..都係諗住佢自己同政府借錢讀書...咁..呢筆學費..可唔可以當我既開支..到時係主任度報左佢呢?

smallcat

你入紙開始, 就唔好再攪任何銀行戶口, 其實應該要在入紙前拿晒d錢走, 入紙後你雖然可以動戶口, 但你入紙就代表你知道你已經申請破產, 申請破產既原則係將有餘下錢用來還債給債權人! 銀行知道後會開始凍結你戶口, 所以, 凍結係遲早既事!  到時你只可以開一個戶口或解凍一個戶口作出糧之用

學費應該可以當你既開支的, 但理論上你係說你在人工上,  給一部份作個女做學費, 實際有無支出, 無人會知你, 但囡囡學費都應該可以申請的, 至於最終批唔批或批幾多比你, 睇主任或外判!   

smallcat

強積金應該動唔到你的  

joetang

但欠房署錢.可能都要還

man3x

smallcat 发表于 13-8-2012 12:18
你入紙開始, 就唔好再攪任何銀行戶口, 其實應該要在入紙前拿晒d錢走, 入紙後你雖然可以動戶口,  ...

我無諗住攪任何野...
只不過因為工作既關係...係每個月都會幫公司買日用品...公司用既野..而呢筆錢..唔係我既人工黎
咁...依家排左..11號上庭..
但呢d零用金...係每個月月尾入反去我既銀行戶口的...
我又有聽到破署職員同我講...我一入左紙申請....公司黎緊9月頭既糧..已經入唔到比我..到底係咪真?

man3x

joetang 发表于 13-8-2012 15:25
但欠房署錢.可能都要還

我有同房署職員傾過..佢話..只要我申請左破產..佢地就唔會再追我..只會追我老公..
房署職員仲暗示叫我唔使攪...只要每年去見佢地一次..申報反入息..同無力還錢..就可以了..
只係我自己擔心...如果到我65歲都仲唔攪...到時想攞強積退休...咪仲衰...

siesiuy

如破產後毎年交的年報表支出一欄有一項是 (學費及書部支出).
咁當然可以報開支.

joetang

man3x 发表于 13-8-2012 15:54
我無諗住攪任何野...
只不過因為工作既關係...係每個月都會幫公司買日用品...公司用既野..而呢筆錢..唔係 ...

最好唔好搞到個戶口,愈籣單愈好,出糧就用嚟出糧,同公司買野只用現金交收,一係叫公司擺放多少備用現金.盡量唔好用自己戶口過數 (我都係咁做)幫公司買嘢都係現兜兜比返我

man3x

joetang 发表于 13-8-2012 16:20
最好唔好搞到個戶口,愈籣單愈好,出糧就用嚟出糧,同公司買野只用現金交收,一係叫公司擺放多少備用現金.盡 ...

唔得...因為公司一定要...自動轉帳入戶口...唔會用現金比反我...而且係..個個月都要買...比多都無用...我正打算叫公司寫封信証明...我既工作需要...到時比個主任睇

wahtung

man3x 发表于 13-8-2012 16:22
唔得...因為公司一定要...自動轉帳入戶口...唔會用現金比反我...而且係..個個月都要買...比多都無用...我 ...

如公司PETTY CASH 經樓主戶口是較為大額都頗為複雜,叫公司列証明信件,公司咪知你老破

man3x

呢度有無人係自己攪咖...
由8月7日到依家..表面好似無咩問題...只係等上庭..有無人可以提供一下..有咩野要注意?
我當日仲即時申請左解凍一個戶口...(其實我只有2個戶口..都係中銀.)..仲排左期..8月24日上庭..
同埋...係咪...上左庭之後...見主任...要向佢面前寫第一份年報....同解釋一下自己有咩開支呢?

301

man3x 发表于 13-8-2012 16:27
呢度有無人係自己攪咖...
由8月7日到依家..表面好似無咩問題...只係等上庭..有無人可以提供一下..有咩野要 ...

梗係有人自己攪喇.

"破聯"人材濟濟;
各方專長(不是磚牆)一呼百應.

301自己又搞過;
律師代辦又做過.
你既已入左紙,
又水静鵝飛,
全部唔成問題.
你自己都熟悉程序喎.....
祇係靜待頒令日而已.

man3x

我其實係咩都唔識..只係膽粗粗試下自己攪..
因為問左..葉謝..佢收..$14500..一d細行都..$13000.
而如果要申請解凍..又要比多$1500.
依家自己攪..$8650 $1045....可以慳成..$6000幾.

都好怕報開支度...唔識報..
只不過..我月入只係岩岩$10000左右...根本點報..都係唔會過啦..因為我要養個女...
所以都無擔心過...佢會諸多留難...
我依家只係諗緊...我老公個方面...我應該點同主任講姐...

佢依家自己係大陸同個女人住埋..仲生左個仔..我同佢分居左..12年..
間中都會上去佢媽度食飯..因為係佢媽幫我臭到個女...16歲先正式搬反黎跟我住..
之前租套房..個女又細..唔方便比佢跟我住..後尾上反公屋..先可以接反佢.

我有諗過攞左破產令就順手攪埋離婚...不過..如果暫時唔攪離婚..係咪可以報死佬都無野做..當我要養埋佢?
因為佢已經長居大陸...根本都無係香港做野...
定係照同主任講.我打算攞左令之後攪埋離婚..
因為怕佢要求我..家庭開支個度...要我同老公一人半..分擔佢..
我每個月入唔過..但怕雙糧花紅...,要報時就會過囉..

smallcat

wahtung 发表于 13-8-2012 16:26
如公司PETTY CASH 經樓主戶口是較為大額都頗為複雜,叫公司列証明信件,公司咪知你老破 ...

D公司好奇怪   會唔會係3傻貿易公司?
買野點解員工唔可以揀拿翻petty cash?

man3x

wahtung 发表于 13-8-2012 16:26
如公司PETTY CASH 經樓主戶口是較為大額都頗為複雜,叫公司列証明信件,公司咪知你老破 ...

我諗住同會計講..我黎緊個女讀書要同政府借錢..因為怕超額.希望佢比封信我..証明我既工作需要..公司每個月尾會比反petty cash我...咁樣係咪應該無問題呢?

smallcat

man3x 发表于 13-8-2012 15:54
我無諗住攪任何野...
只不過因為工作既關係...係每個月都會幫公司買日用品...公司用既野..而呢筆錢..唔係 ...

可能佢地覺得你解凍唔切戶口, 其實你要求公司出現金, 咪肯定無問題咯? 不過, 你公司肯唔肯出現金比你又另一個問題

至於買野, 最好唔好入你戶口啦, 咁鬼煩又要解釋, 你公司唔可以出petty cash比你買先 ? 怪

wahtung

smallcat 发表于 13-8-2012 17:00
D公司好奇怪   會唔會係3傻貿易公司?
買野點解員工唔可以揀拿翻petty cash?
...

係有啲怪怪哋,出咗錢買公司日用品,公司會計應該係出張現金票攞現金比番啲員工,公司petty cash一般都係咁運作,況且老破後咁搞法好麻煩,都係果句,簡單就是美

301

man3x 发表于 13-8-2012 16:59
我其實係咩都唔識..只係膽粗粗試下自己攪..
因為問左..葉謝..佢收..$14500..一d細行都..$13000.
而如果要申 ...

啊 ~ 原來樓主有咁複雜背景,
但已自己申辦左都好叻,
待各會員"消化"下先,
定將有人回覆你.

總之,
一切隨遇而安.

man3x

因為我公司算係跨國公司...一定要經戶口轉脤...呢樣係一定無得變..
公司唔會為左我一個人而去改變做法..
唯有自己想辦法...

wahtung

man3x 发表于 13-8-2012 17:02
我諗住同會計講..我黎緊個女讀書要同政府借錢..因為怕超額.希望佢比封信我..証明我既工作需要..公司每個 ...

但公司係過數你戶口,況且樓主將來頒令後未知是主任跟或外判跟,如外判跟的話,你每個月都有呢類數過戶,都頗繁複,如有啲外判較為奄尖可能要每個月fax你幫公司購買日用品單據