即時現況（11/5）高等法院排隊情況

M_E

0745到達，排緊第三行。
佢寫住「自行破產呈請除外」，只要同保安阿姐講你已經交咗錢宣咗誓，佢就會俾你排。
陣間入到去再update大家.....

M_E

0800有職員會喺隊到問係咪有文件，咁記得帶返份嘢同埋最重要帶埋已經俾咗破署的$8000收據！

cacawong

咁今日的安排唔錯。

M_E

0945搞掂歸家，晏啲再update返啲「行程」，同之前各師兄師姐嘅分享路線圖有啲唔同咗，係簡單咗嘅，晏啲再細講

痛苦

加油

hopebetter

呀。3姓仲未入到。兄弟，幫話上星期開咗啦。未有號碼，要交收數公司

月光族

我一路誤會拎籌係高院10樓，剛完成宣誓落去先知，明天又要黎過

痛苦

我而家都喺灣仔稅務大樓攞報稅表

痛苦

如果今日離開灣仔嘅同學仔順便去稅局攞埋份稅單，之後外判可能會問你攞有用嘅順便攞埋吖嘛

kumho

請問是什麼報稅表要俾外判?

痛苦

初次見面要好多文件嘅又要稅表又剩

M_E

月光族 發表於 11-5-2020 11:03
我一路誤會拎籌係高院10樓，剛完成宣誓落去先知，明天又要黎過

應該話一定要喺外邊排（即平時由PP行去電梯上，宜家要係喺電梯嗰個位，跟住啲粉紅色A4告示再繼續向前行），喺高院LG4外邊大門口排。

所謂嘅籌係入到去先會俾，我今日拎K026
聽啲職員傾計話好似有80個起碼，但court啲counter姐姐做到有少少燥，對啲人有時都好惡

snakeming06

我也是今早申請，排期到21/7才正式入學

M_E

M_E 發表於 11-5-2020 09:47
0945搞掂歸家，晏啲再update返啲「行程」，同之前各師兄師姐嘅分享路線圖有啲唔同咗，係簡單咗嘅，晏啲再細 ...

好....有時間可以講下今朝情況啦！！

我就0745到嘅
落地鐵大家如果已經去咗破署宣誓，識路到會行到去PP外邊嗰條通道到扶手梯就上去啦！
但今日去到嗰個位就會見一張張粉紅色A4紙有個大箭咀及寫住「高等法院登記處xxxxx」，咁大家就跟住啲粉紅色紙行去前邊....
咁就會見到已經有一行行隊set咗喺到架啦！

我去到嗰時排緊第三行就寫咗「自行破產呈請申請除外」喎，咁有啲保安哥哥姐姐就問你做咩架，咁你答佢就係破產呈請，佢就會問你交咗錢同宣咗誓未，咁大家都搞掂，佢就會叫你照排
（後來我先發現原來最埋邊嗰行就係寫住俾「自行破產呈請」嘅人排，只係太多人，所以排埋人地嗰行啫）

咁到0800就會有職員逐行行逐個問你齊唔齊文件，就係份表格3同28C，同埋最重要已交破署嘅$8000收據，咁大家就繼續企定定到0830就可以分批入去

嗰到環境都有啲焗，易暈嘅記得食早餐同帶水帶扇，我見到有人帶埋櫈仔，超勁

好，驚有字數限制....大家繼續睇下個msg

snakeming06

我是先拿籌，然后才去交錢，宣誓，最后才回去lg4排期，跟住去稅務局拿埋3年報表

M_E

M_E 發表於 11-5-2020 15:58
好....有時間可以講下今朝情況啦！！

我就0745到嘅

好....咁0830入去，就會入咗去大堂咁嘅地方
會有啲臨時counter set喺到
拎住頭先講嗰啲文件，俾個職員
佢就會俾張黃色紙你
（上邊嗰個所謂「籌」嘅number其車無乜人理，最緊要有呢張紙先會繼續俾你做啲手續）
職員俾呢張黃色紙你，佢會同你講「上LG2會計部交錢之後落返嚟去xx/xx庭到交返啲文件啦」
咁你就上LG2去會計部交$1045（記得帶$1045，無得找）會計部開0845，我上到去等5分鐘就得啦

之後我死蠢唔記得人地叫我返返去LG4, 跟咗之前師兄師姐交落去LG1,點知就錯咗啦！俾個職員即刻彈走我叫我落返去LG4! 咁大家記得交完錢係去LG4，張黃色紙會有寫去幾多號庭到繼續交文件

咁我今日就係去45/46號庭
45號庭嗰到就有兩個counters職員幫你貼label
嗰兩個超串，要小心
淨係俾表格3、28C成份、$8000破署收據同埋你張身份證俾佢
交$1045嗰張白色收據仔就唔好俾佢（一俾就鬧人）
咁佢會貼咗你嗰file number
之後就叫你過隔離個庭到影印同埋排期啦！

M_E

M_E 發表於 11-5-2020 16:13
好....咁0830入去，就會入咗去大堂咁嘅地方
會有啲臨時counter set喺到
拎住頭先講嗰啲文件，俾個職員

咁去到46號庭
又係有兩個counters
咁就跟藍色A4紙嘅箭咀去「排期」嗰個counter到
嗰個職員就會幫你排期啦！個日期都會印咗上去你份文件到架啦！
之後佢俾返啲嘢你，你就要做大家覺得最麻煩嗰個步驟啦—影印
不過唔駛驚，入邊有個好好人嘅哥哥仔職員會幫你
所有嘢印兩份就可以了，有人會自己印定28C後到H表，咁就可以慳返少少錢，但你如果怕亂就去到先印啦！（影印記得要帶有錢嘅八達通！今日排我前邊嗰個得迷你版八達通係唔得架！結果我幫咗佢，佢俾返幾蚊我）

咁枱面有釘書機同打窿機（好多人都唔識用，唔識就叫哥哥仔職員幫你或者睇下人地點用啦！）

將啲文件疊返好釘好打好窿就可以去返「排期」隔離嗰個counter去seal份文件啦！

Seal完佢會收咗份正本俾返兩份副本你

咁你去返破署交返中一份俾破署詢問處個職員就得啦！

成個過程一個鐘搞掂！0945走人

所以疫情下路線圖係簡單咗嘅！
大家加油啦！

M_E

snakeming06 發表於 11-5-2020 16:01
我是先拿籌，然后才去交錢，宣誓，最后才回去lg4排期，跟住去稅務局拿埋3年報表 ...

佢俾你攞籌先就最好啦!今朝要check有文件先竹俾排嗰一行

M_E

snakeming06 發表於 11-5-2020 15:55
我也是今早申請，排期到21/7才正式入學

我14號

M_E

月光族 發表於 11-5-2020 11:03
我一路誤會拎籌係高院10樓，剛完成宣誓落去先知，明天又要黎過

太晏？無哂籌？