求救，出糧問題

受騙的混賬

排左期今個月月尾頒令，今個月出糧情況未知係點，因為今天出糧但昨天已凍結，搵左6c申請一次性解凍但未處理好。
但係月尾頒令，我估計公司都應該入唔到錢去原本出糧個戶口，所有戶口都凍結既情況下，下月出糧應該點處理？公司不能出現金或現金票，我依家去開過個戶口比公司出下月份糧應該都不成功，月尾如果成功頒令如無意外都要時間去申請開過個新戶，但係又趕唔切去公司改出糧戶口，真係2頭唔到岸唔知點算好，感謝甘多位師兄師姐一直以來的解答

Anmi2019

鎮定d先，為咗出糧有錢生活，咩辦法都要試，唔好未試先放棄。

先同公司講，銀行通知你個戶口俾人盜用咗，依家凍結咗，唔知銀行會點處理同幾耐。今個月嘅糧應該入唔到，希望公司幫幫手，就今次突發情況安排其他出糧辦法。會計有心幫手，實會有辦法。如果真係唔幫，會計點都要出噃張票俾你，到時再諗吓點樣兌現佢。

月尾頒令姐係27號啦，當日下午應該收到律師通知頒令情況。希望你係暫時主任跟(如直接外判，要等見外判時先可拎到開戶信，可能要等佢1至2個星期先得閒先你)，如成功頒令即打電話約主任拎開/解戶信。最快用到戶口，係直接開個新戶口。其他同學經驗，恆X同獅子係最快，即日開到戶。8號先出糧，8月份糧應該趕到無問題。

受騙的混賬

之前已經打左成個月電話去公司追數，公司應該唔會幫手

受騙的混賬

直接開戶係等頒令後開定我今日拿拿聲去開？如果依家開左戶，頒令後呢個新開既戶口會被凍嗎？

受騙的混賬

麻煩你了^^

欠一百萬

你現在去開個新的戶口，可能解決到今期糧(如你會計快手幫你入數)，但係呢個戶口呈請時冇申報，而又有$進帳，你要自行向破署主任再申報。另外，頒完令這個戶口又凍過。想繼續用這新戶口要取解凍信，想開另一個新要取開戶信。
話時話，你有欠中狠$？所以未頒令就凍左你個戶口？正常冇欠佢，佢係未會咁快知。

受騙的混賬

冇欠中銀錢呀，但之前係用中銀自動轉帳的，我之前已經取消左自動轉帳的授權

受騙的混賬

我依家都問緊公司有冇彈票

欠一百萬

受騙的混賬 發表於 8-8-2019 15:42
冇欠中銀錢呀，但之前係用中銀自動轉帳的，我之前已經取消左自動轉帳的授權 ...

下，你取消左自動轉帳就更係入唔到數。

Anmi2019

自動轉賬係還卡數/乜費物費果d呀

受騙的混賬

戶口自動轉帳係還財務公司d數

欠一百萬

你睇下公司有冇票開比你啦, 無就只有之前提過的做法, 你自己再考慮下點做.

如果你等到頒令後再開戶, 你今期糧公司再入數或你公司比票你入, 都不用擔心, 因為都係你的收入. 用來生活係冇問題, 但係年報點計法就真係唔知.

Anmi2019

欠一百萬 發表於 8-8-2019 18:31
你睇下公司有冇票開比你啦, 無就只有之前提過的做法, 你自己再考慮下點做.

如果你等到頒令後再開戶, 你 ...

一百萬師兄，你又係依度回佢，暈喇@@

欠一百萬

Anmi2019 發表於 8-8-2019 18:39
一百萬師兄，你又係依度回佢，暈喇@@

我叫左佢集中

忘記我自己

Anmi2019 發表於 8-8-2019 18:39
一百萬師兄，你又係依度回佢，暈喇@@

Anmi2019師兄/欠一百萬師兄你好，
小妹新入學剛已宣誓，有些事情想請教一下，
請問如果剛已宣誓等下個月盼令
中x戶口是否可以保留再用？(已取消所以自動轉賬，只是最普通的出糧戶口)
公司今月底出糧時會否連入都入唔到？(看你們回答好像是入都入唔到-_-)
我6c已幫我做埋解封令(解封中x的戶口)，但還是有點擔心...
因看你們回覆解封令只能解決"出"的問題，不能解決"入"的問題，
那我現在應該點做好？想一take過諗好晒應該每一步點做，先再同公司會計果邊講
萬分感謝~(公司不會出現金/支票)

欠一百萬

忘記我自己 發表於 8-8-2019 20:32
Anmi2019師兄/欠一百萬師兄你好，
小妹新入學剛已宣誓，有些事情想請教一下，
請問如果剛已宣誓等下個月 ...

總之就係中狠一凍結就不入不出. 無人知佢幾時凍. 除非係凍之前入左數後才凍, 你個解封令才有用.

一係等頒令後, 申請解凍或係再開過新.

欠一百萬

忘記我自己 發表於 8-8-2019 20:32
Anmi2019師兄/欠一百萬師兄你好，
小妹新入學剛已宣誓，有些事情想請教一下，
請問如果剛已宣誓等下個月 ...

如果係我呢，公司問到，我先會同公司講，個戶口號碼唔利我，所以我停左，過幾天我開左新戶口再比資料你。

咁你一到頒令個日即找主任取開戶信。

若然你堅持要用現時個個就取解凍信。(解凍信有可能要你去印當天戶口結存)

lumimi

最快捷是頒令當天完, 即刻去主任度拎解凍信去解凍現有出糧戶口
去開新戶口, 公司未必可以做到下一個月出糧去新戶口到
最好要預先約定主任時間, 拎解凍信亦都要準備文件