人生真苦 求教咁多位

chenryzzz

本人想入學 上年欠債連本帶利近90個 當時人工2萬中 都係衰賭 到走投無路嗰陣 盲中中上網搵到間香港xxxx協會 唸住佢地可以幫我解決到難關 上到去傾完 話可以做破產後呈請

每月還債方便確有改善 大約減少咗一半 但當時俾人食咗十幾萬中介費分期找 仲搵咗佢地借幾萬蚊清哋2線數(類似電話數咁 借咗幾個月 以為自己還緊本息 點知只係還息冇還本) 其實計埋還哩間野咪又係用咗人工7-8成去還 好痛苦 我都知自己岸鳩

捱咗半年幾 到最近轉咗新工 人工高咗一大截 身痕返賭番 以為自己可以贏得番 其實咪又係輸晒應要找嘅錢+借朋友錢 仲輸埋身邊人對自己嘅信任 自己確係好錯 想洗心革面 亦都想透過入學反省自己 想請問有冇師兄姐妹有咁類似嘅情況 如果債權人填埋哩間協會得唔得架 因為佢唔係持牌放債人

自己單身寡佬搵3萬中 同嫲嫲 老豆 住公屋 (佢地拎緊老棕) 老豆有精神病 番唔到工 所以佢地拎老棕 我就一早寫過衰仔紙 不供養佢地 但平時都有負擔屋企部份開支

請問有冇類似case可以分享 唔報佢地拎老粽會唔會查到 到時生活費可以大約傾到幾多 爬文睇過人工嘅30k-40k 係大約上繳30-35% 但唔知我單身 會唔會要再交多人哋

感謝

最後生還者

嘩，你都真係想lam到盡。本身簽衰仔纸兩老食政府，之後又唔想还錢，仲想.keep住3-4萬收入報供養2老，實際冇供養。有冇攞埋公屋添？

一個傻人

嫲嫲同老豆拎綜緩如果跟外判主任，未必會批供養
個人生活費批11-12，家庭開支全部你負責可能批6–7

greatmoment

睇到呢個post 忍唔住開個acc….

greatmoment

你話人生苦，啲苦係你自己攞黎架喎，仲要唔供養兩老，學樓上師兄話齋想lam到盡，其實你上黎搵人幫手之前，有無好好反省自己？仲想借頭借路還少啲？

chenryzzz

greatmoment 發表於 7-5-2024 21:49
你話人生苦，啲苦係你自己攞黎架喎，仲要唔供養兩老，學樓上師兄話齋想lam到盡，其實你上黎搵人幫手之前， ...

係 哋苦真係自己攞黎嘅 我亦都想改過自新 深切反省 唔係想lam盡 只係請教下大家 其實計過入學後如果 批一半人工嘅生活費 4年內交嘅錢差唔多等同於負債 哩樣野會唔會係一d樣有利因素俾主任批多哋 感謝

Yuyuyuu

既然都選擇破產，又話想透過入學反省自己。咁就唔好再諗埋啲度縮數，實際搵幾多開支幾多如實申報啦，到時批幾多生活費就幾多，好好用呢四年反省。

最後生還者

Yuyuyuu 發表於 7-5-2024 22:34
既然都選擇破產，又話想透過入學反省自己。咁就唔好再諗埋啲度縮數，實際搵幾多開支幾多如實申報啦，到時批 ...

根本唔想还錢，又想多生活費，講咩反省自己。唔好懶清高啦…

一個傻人

chenryzzz 發表於 7-5-2024 21:59
係 哋苦真係自己攞黎嘅 我亦都想改過自新 深切反省 唔係想lam盡 只係請教下大家 其實計過入學後如果 批一 ...

唔會囉，四年邊個保証份工一直穩定？
如果因為可以上繳多啲生活費就批多啲，到突然失業上繳唔咁點？
入學只不過將欠債攤開四年嚟還
四年內還清欠債自然係好事
但還唔晒之後亦都唔會再畀人追數

外判嚟講
供養一般都係講父母，好少聽到批供養嫲嫲
加上有生果金所以供養父母都唔一定批

CEEPO

樓主你六根未淨就諗定咁多走小路嘢！你入左紙先再上黎問喇！咁快就計嘛D屎忽數，當你入晒紙，我可以直接話比你知問題如下: 1) 無得講話要上繳大約幾多成，要睇你每日返工個人開支返工遠近車費，需唔需要三餐都要係出街食。 2) 供養方面，主任或外判都好只會係接受父母，亞嫲亞爺亞公.....等等一率不會接受，如直屬父母有拎緊政府錢（你唔好當政府低能，破處一樣會check到，如你選擇虛報，嚴重者監都有得你坐，輕則就加監（延長破產期） 3)  睇你而家情況就算你唔申報破產，你想像中諗住可以準時呢四年內有返呢個固定收入同供款，咁就唔需要選擇破產！，你會唔會太天真呢？你敢保證自己呢份工往後幾年日子如何？你又敢保證自己唔會再續借拎啲錢出嚟再去賭或博番身？

CEEPO

你呢D人見得多，根本係輸到唔見底（係要比D債主追上門招呼下）先會識寫“後悔”兩個字

Nicklaickck

都算係一個傳奇

Incfhbvf

腳踏實地戒賭

mirror0822

最搞笑又賭返，即係好易心雄好難戒。

前路茫茫

唉。其實都明白既。邊個人唔係為自己爭取最大既著數。就算入學我相信好多人都一樣平衡咗好多因素先去選擇呢條路

a981142

而家加左人工,供唔供到?
而家總共欠幾多?