想試下IVA先, 頂唔順先破產, 會唔好傻???

rabbitki153155 · 發表於 8-10-2012 00:11:02

本帖最后由 rabbitki153155 于 31-10-2012 01:04 编辑

各位, 本人欠銀行大約32萬, 人工得9千, 可能遲D加到1萬.不過份工未稳定最少都有36倍. 揾律師行計過, 最少還$5400-5700x84期.
因為算係中左美容陷阱條數先咁大

, 仲揾緊方法試下追唔追討到. 所以想做IVA, 律師都勸我做破產, 不過諗左成個幾月,明知辛苦都要做, 過唔到自己, 會唔會太傻???
仲有有無人做過IVA既, 可以請教下, 因為係新手上唔到IVA版睇.
想知宣誓是否一定要親自去, 因為現在份工仲未過試用, 想盡量唔請假. 請告知. 謝謝!

如果現在計得29萬, 人工加到11K. 仲應唔應該做破產???

20202003 · 發表於 8-10-2012 00:31:32

人工 9000 仲試 IVA

温sir · 發表於 8-10-2012 00:43:00

唔能夠話儍.....只係妳唔太了解啫，個人意見！破好過iva,
(一)照妳數計，連本帶利，妳至少要捱8年......妳未必頂得住。
(二)妳預計還款都超過月入六成，仲係新入職，iva九成九唔批，得個搞字。
(三)銀行只考慮負面因素，唔會諗妳加人工，只會考慮妳可能失業，就算批咗都可能隨時取消，到時妳都係白捱，明白嗎？
其它嘅等其他兄妹答，妳認真考慮吓吧。

worldcat · 發表於 8-10-2012 00:43:54

我估 Iva 都未必受。
仲要係試用期。

同埋你覺得收入係未來7年會唔會有改善？

tk226 · 發表於 8-10-2012 00:46:22

如果你係專業人士就試下IVA. 因為你一破, 你嘅專業資格就會取消, 如果唔係專業人士, 我建議考慮做破產, 因為好多師兄師姐, 最初都係揀IVA, 但後來因為好多無法預知嘅因素而要做破產, 浪費金錢和時間 ....

20202003 · 發表於 8-10-2012 01:01:28

早兩三年前，曾經有位師妺又係俾人屈晒 D 信用咭額！！

係街度撞見個所謂星探！！！！一味贊佢有明星面孔..................... 哈哈............最後又話要美容....又話要上堂............... 就咁 60 萬咭數爆哂！！

算啦！！！！

唔好搞 IVA 捱 4 年老破好快過，之後就會聰明架啦 ~~~~

smallcat · 發表於 8-10-2012 10:23:54

師兄, 雖然我覺得破產係最後無辦法之決定, 但你人工不高, 咁樣還7年基本好難生活, 破產對你絕對唔係壞事, 一般你還款超過六年, 你都唔使想了, 時間太長根本係好辛苦, 破產變左你相對最理性既選擇!

smallcat · 發表於 8-10-2012 10:25:13

20202003 发表于 8-10-2012 01:01
早兩三年前，曾經有位師妺又係俾人屈晒 D 信用咭額！！

係街度撞見個所謂星探！！！！一味贊佢有明 ...

咁樣唔見左60萬破產都幾陰功, 邊有咁容易做明星呀, 橋唔怕舊, 最緊要受, 唉

flypig · 發表於 8-10-2012 10:52:06

你要想一下﹐好彩無幫趁個間DR.xxxx
都算不幸中之大幸。今次當係用幾十個上堂。
最近班女人搞到敗血性休克個間。
據我理解﹐醫番都殘殘地廢架﹐佢地5臟傷哂。
健康係人生最重要的。

另外﹐你賺個數﹐都係搞老破喇。
除非你覺得未來會大加人工

rabbitki153155 · 發表於 8-10-2012 13:20:42

多謝各人回覆.
其實明知依個唔係明智決定, 不過仲有幾重原因係未能即刻搞破產, 就係人工低, 加上身邊無人借到少少比我.\, 有錢既又唔肯借

連做破產都唔得. 先諗住做左IVA(擐明揼錢落海

), 再試下自己耐力, 不過仲比依家還min pay都儲唔到錢做任何野好掛.
依個海都唔想游

清風 · 發表於 8-10-2012 13:38:18

rabbitki153155 发表于 8-10-2012 13:20
多謝各人回覆.
其實明知依個唔係明智決定, 不過仲有幾重原因係未能即刻搞破產, 就係人工低, 加上身邊無人 ...

你仲有其他原因我就評論.........

但係攪iva貴過你攪破產..........

smallcat · 發表於 8-10-2012 13:42:07

rabbitki153155 发表于 8-10-2012 13:20
多謝各人回覆.
其實明知依個唔係明智決定, 不過仲有幾重原因係未能即刻搞破產, 就係人工低, 加上身邊無人 ...

攪 iva 貴過破產好多, 可能你唔清楚, 一般要3皮破產你自己攪只係政府費用9千幾

清風 · 發表於 8-10-2012 13:44:31

rabbitki153155 发表于 8-10-2012 13:20
多謝各人回覆.
其實明知依個唔係明智決定, 不過仲有幾重原因係未能即刻搞破產, 就係人工低, 加上身邊無人 ...

你可能講緊果種應該係IDRP,債務舒緩計劃

smallcat · 發表於 8-10-2012 13:44:53

清風发表于 8-10-2012 13:38
你仲有其他原因我就評論.........

但係攪iva貴過你攪破產..........

清風哥出手, iva 真係貴到嘔不過, 敏感職業既人士或想保住層樓先局住要做

清風 · 發表於 8-10-2012 13:57:19

smallcat 发表于 8-10-2012 13:44
清風哥出手, iva 真係貴到嘔不過, 敏感職業既人士或想保住層樓先局住要做 ...

其實我打漏左個字,我想話樓主仲有有其他原因我不便評論，我只知攪iva貴過破產，因為

我都攪過iva

worldcat · 發表於 8-10-2012 14:28:04

rabbitki153155 发表于 8-10-2012 13:20
多謝各人回覆.
其實明知依個唔係明智決定, 不過仲有幾重原因係未能即刻搞破產, 就係人工低, 加上身邊無人 ...

正如其他師兄講，Iva 貴過老破，仲要無得自己搞。
唔洗錢係drp/idrp, 但你試用期未過又欠 3x倍月薪,機會真係微啲。

smallcat · 發表於 8-10-2012 19:23:48

清風发表于 8-10-2012 13:57
其實我打漏左個字,我想話樓主仲有有其他原因我不便評論，我只知攪iva貴過破產，因為我都攪過iva ...

我知你打漏左個字, 因為意思估到

你係想講其它野原因我就唔評論
iva 就係貴貴貴

清風 · 發表於 8-10-2012 19:28:57

smallcat 发表于 8-10-2012 19:23
我知你打漏左個字, 因為意思估到你係想講其它野原因我就唔評論
iva 就係貴貴貴 ...

係係

rabbitki153155 · 發表於 9-10-2012 08:15:31

本帖最后由 rabbitki153155 于 9-10-2012 09:15 编辑

問左成日係電視賣廣告既黃XX律師行,要$23000, 但可以分4個月, 勉強做到.
自己都係見步行步, 算係比自己良心好過D, 睇返真係好揼既. 每個月仲要比$400做管理費.
如果人工加到$11000-12000係咪都係破產好D??
不過有冇人試過去整IVA, 之後轉頭轉工呀?? 請問會否有影響???

smallcat · 發表於 9-10-2012 10:33:38

rabbitki153155 发表于 9-10-2012 08:15
問左成日係電視賣廣告既黃XX律師行,要$23000, 但可以分4個月, 勉強做到.
自己都係見步行步, 算係比自己良 ...

老實講, 你既情況係最好破產, 無人想破產的, 但係, 如果你咁捱7年, 天天麵包加清水, 你就會發覺人生太痛苦, 仲有如果還左2, 3年先頂唔順, 仲慘, 雖然我一向建議人都係盡力還錢, 但iva其實係對D 敏感職業, 唔可以無左個專業資格既人而設, 如果你唔係呢類, 破產其實絕對係最佳選擇, 因為你還款期超過6年, 時間太長, 同會嚴重影響生活! Iva同破產其實分別唔係好大, 當然, 唔破產係好事, 但7年後你都係零存款, 只係為左唔破產呢個虛名, 其實值唔值得?

無人係想破產, 但當你發覺如還款期太長, 破產反而是比較理性既選擇

希望你能選擇都合適你自己既路

		自動登錄	找回密碼
密碼			註冊