準備舉手 求解答

慘無人道

實在無力再撐落去了，準備舉手，
但目前迷惘中，希望大家可以比啲意見我。

1. 原本做Bank文職，舉手前需要先離職嗎？因為怕在職期間舉手，會搞到好難睇。
2. 公司今個月尾會出花紅，份花紅夠頂多啲一個月既開支（包括所有供款），按時間上係咪應該攞埋份花紅就Quit去申請破？
3. 唔想比家人知道我申破，有咩方法可以暪天過海？先生有病，唔想再添加壓力比佢。
4. 曾經攞過MPF，在疫情前計劃回國內發展，之後疫情無得翻上去，先生又發現癌症，所以就無左下文，會有影響嗎？

謝謝大家。

慘無人道

抬起頭 發表於 21-4-2024 17:20
加油！
相信以你情況，上繳應有限

謝謝你們，我相信申破是我唯一出路，但不是絕路，點都唔會比而加更辛苦，一定捱得過。

慘無人道

CKC 發表於 21-4-2024 12:51
妳屋企咁大開支，跟破署主任應該唔使上繳啦，但跟李周/石仔外判 1or2千蚊點都要妳上繳。

至於破產會否通 ...

就算要上繳幾千我都心甘命抵，比起每月還款兩萬，起碼唔洗再每個月大石壓頂咁跑數翻黎還，算好輕鬆了

CKC

慘無人道 發表於 21-4-2024 10:14
不好意思，仲有少少問題想請教，有關計算生活費申報，
我目前為一家四口跟家人同住（公屋，有我名的，已問 ...

妳屋企咁大開支，跟破署主任應該唔使上繳啦，但跟李周/石仔外判 1or2千蚊點都要妳上繳。

至於破產會否通知僱主，妳要留意破產署你有一條條例(以下第二十一條，⒝答案)，跟據<銀行業條例>，你要自己通知銀行，妳可以打去破署再問一問詳情，當然，如果我妳一定唔會辭職，就算要主動通知銀行，都係得HR知，同事唔會知，就算同事知，都無咩大不了，又唔係衰爛睹，樓主加油，祝妳一切順利。

https://www.oro.gov.hk/cht/faq_usefullinks/faq/faq_b.html


問 : 破產是否影響我的工作？

答：(a) 你或許不能在某些行業執業，例如律師、地產代理、證券交易商或出任有限公司的董事。你應該諮詢有關專業團體，求取進一步的資料。

(b) 如果你在銀行界工作，根據《銀行業條例》，你須通知你的僱主。

(c) 如果你在其他行業工作，你應該審查你的僱傭合約或公司其他文件有否就此作出任何規定。

欠一百萬

1. 唔怕比人知, 就唔使離職. 但如果銀行覺得你職責與破產有衝突, 可能會調你職.
2. 你現在去申請, 都要5月尾6月頭先頒令, 排期前銀行戶口都未凍結, 自己計下幾時去申請. 去左申請就無謂再還款, 都申請破產, 無力還款啦.
3. 自己爬文.
4. 有可能問你MPF的錢去左邊.

Kklo0060

做銀行無上牌不用處理現金的話無影響繼續做，無二三線財就可以過關，mpf拎過有機追返

Kklo0060

你有咩數，無爭自己公司先有得留，等埋花紅先舉

a981142

1.職位同破產無衝突就唔洗理
2.拎埋花紅,但唔好還債,留返個錢用
破產要錢,萬一凍結戶口開唔切,都要錢生活
3.無人追上門,就無人知,最多收幾封信,你去開信箱
4.mpf既錢呢?好多年前應該唔會追返

慘無人道

Kklo0060 發表於 18-4-2024 17:06
做銀行無上牌不用處理現金的話無影響繼續做，無二三線財就可以過關，mpf拎過有機追返 ...

咁就太好，只是普通處理文件的Position，不用掂現金也無須上牌。但仍然會通報僱主嗎？

慘無人道

Kklo0060 發表於 18-4-2024 17:16
你有咩數，無爭自己公司先有得留，等埋花紅先舉

無公司數，信用卡都無

慘無人道

a981142 發表於 18-4-2024 18:00
1.職位同破產無衝突就唔洗理
2.拎埋花紅,但唔好還債,留返個錢用
破產要錢,萬一凍結戶口開唔切,都要錢生活

其實MPF啲錢得嗰兩萬，都三年幾四年前

慘無人道

欠一百萬 發表於 18-4-2024 16:28
1. 唔怕比人知, 就唔使離職. 但如果銀行覺得你職責與破產有衝突, 可能會調你職.
2. 你現在去申請, 都要5月 ...

係唔係搵左6C搞，會好快出號碼？我所有數目前都係順供緊，信用卡都有依時還MinPay，無拖欠。
主要擔心工作上既問題，雖然話香港餓唔死人，但讀完書就開始做銀行工做左十年，始終覺得無方向

a981142

慘無人道 發表於 19-4-2024 11:22
係唔係搵左6C搞，會好快出號碼？我所有數目前都係順供緊，信用卡都有依時還MinPay，無拖欠。
主要擔心工 ...

不如講下點解會爭錢?
自己搞破,即日有no,銀行數唔洗擔心
份工無衝突應該唔會通知僱主,你擔心到時就問主任
就算真係通知,上司都未必會同同事講啦
就算會,大不了唔做

慘無人道

先是遇上詐騙，但一直順利供款兩年，然後先生患癌，失去工作能力，家中有兩個小朋友及工人，家庭、醫療、生活開支連供款接近4萬至，月入只有2萬，存款亦已用光，捱左一年實在捱唔到落去。

欠一百萬

慘無人道 發表於 19-4-2024 11:22
係唔係搵左6C搞，會好快出號碼？我所有數目前都係順供緊，信用卡都有依時還MinPay，無拖欠。
主要擔心工 ...

破產申請其實大部份都係填表, 你自己去搞, 填表, 宣誓, 入紙排期, 一日可以做哂, 當天你會來往破署office, 高院幾次, 辦理文件.

6C搞一般你去交資料一天, 到佢填完表準備好宣誓, 你又去簽名宣誓又一天, 之後佢又可能幾天後先會去高院排期, 整段時間可能用上10天 .

a981142

慘無人道 發表於 19-4-2024 13:42
先是遇上詐騙，但一直順利供款兩年，然後先生患癌，失去工作能力，家中有兩個小朋友及工人，家庭、醫療、生 ...

但破產後,就算唔洗還債,夠錢洗?

慘無人道

a981142 發表於 19-4-2024 17:09
但破產後,就算唔洗還債,夠錢洗?

如果唔洗轉工，勉強夠的，先生有傷殘津貼。

go2024

加油，明天會更好。

慘無人道

不好意思，仲有少少問題想請教，有關計算生活費申報，
我目前為一家四口跟家人同住（公屋，有我名的，已問過屋邨主任可當暫住case），
户主是我媽媽，但因同住，水電煤屋租食飯都要每月共同分擔，
每月會支付$8000，這項支出有時候會比現金，有時會以轉帳形式比，所以無實質的支出證明可以提供，如實同主任講就可以了嗎？
另外因為先生癌症治療已完結，但後遺症（手腳麻痺無力、經常抽筋、頸部硬等，
但無醫療證明，只有定期到醫院覆診及安排物理治療）導致無辦法找到全職工作，做一日散工便要抖兩日，
這情況同主任傾會有得傾嗎？

再承上情況，因為先生無能力照顧兩位小朋友，我要翻工，
可能有人說媽媽可以幫手照顧，但因為家中仍有一名嚴重情緒病的妹妹，基本上每星期都自殘/自殺一次，
警察救護上門已是常態，媽媽又痛症多，
所以我們有請工人照顧小朋友，
僱主是我，如若申破，主任批准我請工人的機會大嗎？

有朋友建議我遷出，因為一來與妹妹同住，對小朋友影響很大，而且有攻擊性，對人身安全也有威脅，
二來有租金支出證明就大機會不用上繳，
但實在沒有能力再支付租金這項咁大的費用。

希望各位能給我些建議，明白問題有點多，
但因為全家人指意我去生活，不得不考慮得完善啲。
Thanks so much!!!!!!

Vvxx2024

欠一百萬 發表於 18-4-2024 16:28
1. 唔怕比人知, 就唔使離職. 但如果銀行覺得你職責與破產有衝突, 可能會調你職.
2. 你現在去申請, 都要5月 ...

等頒令前銀行唔會凍結係咩意思？
因為我都準備入學，諗住還3個月Min pay
咁我即係要起第二個月申請？
還是係三個月？

抬起頭

慘無人道 發表於 21-4-2024 15:33
就算要上繳幾千我都心甘命抵，比起每月還款兩萬，起碼唔洗再每個月大石壓頂咁跑數翻黎還，算好輕鬆了 ...

加油！
相信以你情況，上繳應有限