剛發現這論壇，請求大家幫忙

Waihorico

小弟2014年破產，當時人工月薪7500，批了生活費7千，每月上繳500！
過去3年均有加班及加人工，但冇即時上報，只係在年報時一併寫了真實收入和堆砌了支出（你們懂的）！
現在快過了4年，收到外判信件約見和重新計算收入支出，看了好多討論我估最後是要追回這些款項，我明白9成要嘔番出黎！
問題來了：我現在人工10400，正常生活費會加些少到8千，那我每月應該上繳2千左右，這樣冇問題，但如果要再還之前的大數，外判大多是怎樣處理的？
當然我冇可能也冇辦法拿到這筆錢出來，借也很困難，但按這數目，再看我人工（在冇任何加班情況下計算）就算分期也起碼講緊分50-60期我才有能力還清，如果我真的冇錢既話，將會面對些什麼情況？

Waihorico

今天對左數，由原本上繳500增加至上繳2千8，之前多出的欠款待會計師計算好再發信通知我，如果冇能力還款就到時電佢傾分期，如果加刑4年也無法清還就入紙申請我第二次破產

cl475867

冇錢還，冇得解破，直至清還全數欠款

先死後生

一次過比 外判就可發反對通知信，否則協議分期還，期數可同外判傾，例如分18期就變相加刑18期

sandysoso

外判可能有指引，分期超過幾多期的要加真刑

Waihorico

先死後生 發表於 3-10-2017 08:23
一次過比 外判就可發反對通知信，否則協議分期還，期數可同外判傾，例如分18期就變相加刑18期 ...

甘我想問如果加刑，甘除了生活費外的錢都要上繳，仲邊有錢去分期還大數？

sandysoso

我的理解應該唔使，加刑隻係補交欠款，若是加真刑就要跟夠程序

sandysoso

延期補繳欠款，清數就可以畢業，加真刑就跟程序，最多加多四年

sandysoso

唔知岩唔岩

先死後生

難聽都要講一句 呢樣野 又係自把自為！加左人工不告訴主任，到畢業前才知出事！外判最喜歡呢類人，因為佢地可以話太忙未有發現，而樓主亦沒主動申報，錯先在樓主，己經有位完全入晒！將心比己 外判大可以加佢4年刑，比佢分4年還，同時收入減開支再還4年，同期執行，呢個係最壞情況

先死後生

至於實質外判如何處理，係好睇樓主與外判既溝通及合作。建議樓主按自己能力還左條大數佢。例如分12期，由於這12個月係變相加刑未正式解破 所以係要還二條數的。

先死後生

當然以往亦有人五理外判拒絕合作，不工作，不還錢，不溝通，待4+4結束，同時亦不申請不反對通知書，即係4+4+5待TU底，而日子一樣係甘過。要行怎樣的一條路，其實係自己選，沒人幫到佢

flypig

有兩種,一係法庭判決,咁真係加刑.
聽講,加刑期內,都要上繳.
第二種唔算法庭判決的加刑,即到4年破已解.但外判死人唔出信.
要你清哂欠款先俾信你.

先死後生

sandysoso 發表於 3-10-2017 09:29
我的理解應該唔使，加刑隻係補交欠款，若是加真刑就要跟夠程序

如果可以一筆清 係不用加刑

先死後生

sandysoso 發表於 3-10-2017 09:04
外判可能有指引，分期超過幾多期的要加真刑

所以我說的是變相加刑。至於是否還二條數 樓主真係要好好同外判溝通

sandysoso

flypig 發表於 3-10-2017 10:57
有兩種,一係法庭判決,咁真係加刑.
聽講,加刑期內,都要上繳.
第二種唔算法庭判決的加刑,即到4年破已解. ...

延期或者加真刑的後續程序如何不清楚，呢度揾唔到資料，大家開左條line便冇左下文。不能自動解破的原因多數同欠款有關，其次是欠交年結表吧。

sandysoso

先死後生 發表於 3-10-2017 10:57
如果可以一筆清 係不用加刑

樓主欠款太多，一筆清的可能性不大。樓主最不不利的是供養父母外判冇批而開數供養，個人膳食和雜費加大左反而有得傾斜，就算上庭都可以用通賬的理由做抗辯。
樓主今天對數，結果好快知，希望樓主上來講返結果。

Waihorico

先死後生 發表於 3-10-2017 10:56
當然以往亦有人五理外判拒絕合作，不工作，不還錢，不溝通，待4+4結束，同時亦不申請不反對通知書，即係4+4 ...

這樣不會被控告嗎？

Waihorico

flypig 發表於 3-10-2017 10:57
有兩種,一係法庭判決,咁真係加刑.
聽講,加刑期內,都要上繳.
第二種唔算法庭判決的加刑,即到4年破已解. ...

如果我唔須要個封信是否可以在完破產後不理會那筆大數？有機會抽後算賬告上法庭？

先死後生

Waihorico 發表於 3-10-2017 11:43
這樣不會被控告嗎？

有無手尾跟我五知 但真係有呢類人