債務重組48期 還咗18期 頂唔住準備老破

KC3112

衰賭返轉頭 （本來應該還得掂）
人工29400 未扣強績金
重組還款每月10148 （最近3個月未交）
私人欠朋友及親戚15萬左右（但冇追過我，大家都好支持我還哂重組先還都未遲）
自己衰返轉頭，心情好低落，令身邊當初撐自己嘅朋友親戚跌眼鏡，最心痛。
想問我如果系搞破產，系咪最好遲咗份工先？

EWB

C HING, 其實你搵成 3萬咁多, 月還 10148 既話, 仲要親友街數冇比人迫還, 應該好易還仲有成差唔多萬5蚊用, 攪咩反轉頭, 如果你月入有成 $25000 (扣左MPF後), 只係冇還 3個月, 可唔可以再問家人借3萬元左右, 先還個3個月, 之後真係生性做人呢???  
另攪破點解要遲份工呢???

補充內容 (31-5-2017 13:27):
C HING, 其實, 如果唔係衰返轉頭, 咁你本身要還幾多年, 現在仲有幾多年要還呢??  可以立即還番3-4萬, 真係唔建議行老破

補充內容 (31-5-2017 13:31):
C HING, 唔好意思, 睇內容冇留意主題, 已見到你要還 48期, 還左 18樓..

richardchow

瀨哂野仲賭

KC3112

自己衰，想破產後搵過份工，聽人講出現金嘅工可以避，甘我可以用現金嘅人工還比朋友親戚，避咗銀行條數，因為父母早前幫我還咗好多街數，已冇哂老本，眼見父母年紀越尼越老，到我還哂銀行數，再還朋友親戚，我唔知點回報父母，所以比咗個借口自己行返舊路，依家個心好乸痛，十級內疚

cl475867

唔過諗出現金既公可以避，僱主幫你報稅你就奶野

阿三妹妹

搵咁多錢個月、可怕惜了！可以就唔好破、同iva講下一出糧就還兩期！超過3個月債權人會呈請你破。如果到要破要先寫信去取消iva先。如果唔係就會有兩個法律案件啦！有冲突。

阿三妹妹

才欠人工的十倍，同埋搵咁多錢起碼要還12000出來，唔抵

KC3112

依家問緊，債務重組果面，睇吓可唔可以，重新做過還款，做每月5000左右，但傾成機會唔大，如果唔得，我只好老破

KC3112

依家嘗試同債務重組傾，睇吓可唔可以，再將餘下欠款再做重新還款，每月還5000，機會唔大，但都試吓，如果傾唔成，我都有哂心理準備辭工破產，休息吓再作打算，好過依家甘，做尼做去得個還錢，一唔甘心又踩返落去，其實債主都系想我還錢，我希望傾得成，但當初重組時簽哂合約，應該機會唔大。

KC3112

都想响尼道甘多位過來可比吓意見我參考，欠債的生活尼道應該大家都有一番感受，睇到有好多過來人老破反而做人輕鬆咗，重新上路，我真系有試過努力去承擔，但個包袱好大，令我又賭返轉頭，反而老破後，多咗爪爪住自己可能重好

ccwa

破左個人輕鬆左, 可能賭得仲勁.......
戒賭啦 ching
供左18個月iva 先破即係將18萬幾倒入咸水海, 成3皮收入先供1皮其實已經好合理, 傾還少1半應該冇可能,個個係咁仲得了既
如果份工穩定一切正常,唸下辦法清左個3皮野,再斬手指戒賭

ccwa

仲有30個月,好似好耐實數仲有2年多D , ching 賭引冇10年都可能有8年啦

airmax

我睇你應該仲好後生。

KC3112

啱啱30歲，份工前境唔錯，上司門都幾睇好自己，16歲出尼做嘢，20出頭1個月搵25000-30000 ，未出事前24歲，生活精彩有10萬儲備，年輕得來容易，一吓子因自己性格自制能力差，到今日處境，冇法面對身邊朋友親友家人，系最難受，冇得再叫人信我，尼幾日家人要作出決定，十時間，我都未知點處理。

KC3112

家人想我破產，斷咗銀行條數，再搵返現金工作走小路，只還返朋友親戚10幾萬，4年後重新尼過，我自己都唔想放棄份工，但我尼一刻已冇得揀，因傷害家人太深，想跟佢哋想法去做，我亦冇資格去再諗自己將來。

KC3112

ccwa 發表於 31-5-2017 16:22
破左個人輕鬆左, 可能賭得仲勁.......
戒賭啦 ching
供左18個月iva 先破即係將18萬幾倒入咸水海 ...

我系指嘗試傾餘下嘅欠款，再分長還，減少每月還款，唔系傾還一半。

KC3112

單身，一個人，只系父母年經大咗，尼幾年兩個老人家，為咗我老得仲快，我居然仲為自己唔甘心，行返轉頭，尼一刻先識驚將來失去兩位至親，全因一句說話，樹慾靜而風不息，子慾養而親不在。

ccwa

你自身能力唔差, 好好同家人商量再決定點行
老破辭職為戒賭非常唔合理 ,iva 仲要供左年半, 如果心態唔改破左產一樣可以照賭
一個賭錢一個吸毒 係對屋企人最痛心

KC3112

家中有哥，有家姐，他們已有家庭，家姐同哥都有財政出過事，當時佢哋有事我有能力幫屋企撐住，所以我出事先有朋友，家人，親戚，撐返我轉頭，點知到頭尼寄望最好嘅我，系傷得人最深嘅果一位。

KC3112

响道講吓自己經歷，希望減到壓，其實最想比人打幾巴，等自己真正清醒。