被申請破產!!

beleba

人如其名 everything lost

everything_lost

Sorry, 因首次發貼,現再公開全文,請各師兄比點意見。你好,本人98年欠20萬多間銀行卡數,一直無歸還,搬屋後亦一直無理會,過去幾年一直用女友銀行戶口接工程往來,最近有新工作到銀行開戶時先知2006年被申請了破產,上網係破產署比$85CHECK過已延長破產期至2014年,受託人為破產署署長,我亦有付責主任之聯絡資料。我日內會到國內工作,其實應該可申請國內戶口出糧,我應否聯絡主任,同可否解除延長令?今天到TRANSUNION CHECK 個人報告，發覺自己由約１９９９年起無還款，仍有２０多萬欠款，如「自手」前有什麼準備？想問環聯的REPORT為何沒有提及我破產的資料,有否可能是過去做生意時,欠一員工薪金而被申請破欠呢?而我及我女友現在亦無任何資產,如我自首,要幾耐署方才發信給我開戶呢?因新工作可能要香港戶口出糧!另有人話如申請我破產的不是銀行或財務,我的破令完後他們有權再追討我,我現有點迷網,請給意見,謝!!

diyhard2002

你被申請破產,可以慳番萬蚊,我諗呢道好多人羡慕.其實呢道""被申請破產""無幾多個

beleba

Sorry, 因首次發貼,現再公開全文,請各師兄比點意見。你好,本人98年欠20萬多間銀行卡數,一直無歸還,搬屋後亦一直無理會,過去幾年一直用女友銀行戶口接工程往來,最近有新工作到銀行開戶時先知2006年被申請了破產,上網 ...
everything_lost 發表於 2011-5-19 13:09

應馬上联絡負責你個案啲主任, 了解清楚現在所耍面對情况
1, 你共有多少債權人, 誰申請你破產
2, 有可能耍向主任交代你失踪及為何联絡唔到你, 亦有机會懷疑你計劃走佬而進行借貸, 可能會被起訴
3, 要交代由2006-2010收入支出記錄, 因你4 年破期都冇出現, 破期最高可延長多4年, 你現正處於最長破產期
樓主唔好再拖, 就算破處放你一馬唔告你, 就算到2014 解破後, 你想正正當當在香港開銀行戶口都唔得
記住坦白從寬, 唔錯都錯咗, 誠懇啲去揾主任商量.

diyhard2002

5# beleba

呢個方法最好

301

破產係民事非刑事,
否則你已破被警方通輯及已在過關口被截.

你搬屋後被申請破產,實不知情係無可厚非,
事實已刊報紙及刊憲.
破署一定已盡辦法找你,
香港內失蹤找不到你實不可思議,
(或你自己清楚 d.)

**實數點止欠20萬卡數(仲係多間 !)
  某人申破你,都先要蝕俾萬二蚊啦.


環聯(TU)報告祇保存公開資料六年,
你破產頒令日起,已超過6年.

你既有破署主任資料,
當然應即聯絡投案...
債項了結當然可解除破產令.

破署係有權可延期你破產令,
因一直找不到你,
甚至將民事(破產)轉為刑事,
(好簡單:藐視法庭)
呢個行動將會你限期2014年後用.

如破產令在身休想自己私自開銀行戶口作出糧,
到糧期被充公就喊都無用.

的確有可能在你而家情況解破後,
再被其他債權人追數.


現在你應該點做你自己清楚啦.

301

嘩,你"失蹤"o甘多年而家至知大禍 !

你最後一句:
"另有人話如申請我破產的不是銀行或財務,我的破令完後他們有權再追討我",
我相信你係咨詢過法律意見,
係律師話既...
你係已問過律師,而家至知驚 !

cc4321

咁就可以慳返萬幾蚊,真係想知邊個債權人會咁傻仔出錢同你搞破產
有哂主任聯絡資料,最直接都係打比主任睇下下一步指示係點

everything_lost

多謝師兄指點,其實我無問過律師,只係網上其他人的一D提示。但想問為何我的TU報告無寫我破產資料?點都好,我明天會聯絡主任,謝!

admin

你好,本人98年欠20萬多間銀行卡數,一直無歸還,搬屋後亦一直無理會,過去幾年一直用女友銀行戶口接工程往來,最近有新工作到銀行開戶時先知2006年被申請了破產,上網係破產署比$85CHECK過已延長破產期至2014年,受託人為破產署署長,我亦有付責主任之聯絡資料。我日內會到國內工作,其實應該可申請國內戶口出糧,我應否聯絡主任,同可否解除延長令?今天到TRANSUNION CHECK 個人報告，發覺自己由約１９９９年起無還款，仍有２０多萬欠款，如「自手」前有什麼準備？想問環聯的REPORT為何沒有提及我破產的資料,有否可能是過去做生意時,欠一員工薪金而被申請破欠呢?而我及我女友現在亦無任何資產,如我自首,要幾耐署方才發信給我開戶呢?因新工作可能要香港戶口出糧!另有人話如申請我破產的不是銀行或財務,我的破令完後他們有權再追討我,我現有點迷網,請給意見,謝!!

想問
1. 你當時做邊種生意？
2. 有限定無限？
3. 離場個陣點？
4. 樓主點樣搞掂員工？

everything_lost

2. 有限？
4. 因由舊拍當負責,當時有收過勞署的信,期後舊拍當話已SETTLE,但回想當時可能比舊拍當老點,極有可能仍有欠員工人工後清我公司盤及破我產？

everything_lost

sorry, 係我自己名的無限公司!!

admin

2. 有限？
4. 因由舊拍當負責,當時有收過勞署的信,期後舊拍當話已SETTLE,但回想當時可能比舊拍當老點,極有可能仍有欠員工人工後清我公司盤及破我產？ ...
everything_lost 發表於 2011-5-19 19:29

有D野還想再問，不過都是算了。

1. 無限公司，無錢。爭員工錢，(還有無其他？)。而樓主就交比 partner 搞掂佢。樓主又再無聯絡 partner 點樣搞掂。
2. 如果員工有汗出，無糧出。我想，200% 員工會搵勞工處。而勞工處同你 partner 唔知點搞。又搞得掂的話，只有幾個方法，你 partner 比晒。或者有個無名氏比。最大可能是由請公司破產，由政府用錢比員工。
3. 最過引，就是 partner 無通知樓主，而勞工處又唔知點解，一路唔搵你講數。最大可能是…
4. 即是話，一般情形，公司是員工申請法援，去破公司產。公司是無限，所以老闆會上身。而係個陣時，唔知點解搵唔到樓主。
5. 因為樓主一路無現身，簡單的說，從來無同破署合作過，所以順利地加刑。

我其實有 D 個人觀感。不過就算了罷。大概，樓主都應該明白當日情形。

dopod123

唔知樓主知比邊個申破未?
伙記??,定係你生意伙伴??
無意質疑..十多年都用女友户口.用多14年又如何..相信當年你冇想回來.......

everything_lost

首先多謝你的宝贵意見，其实我已經破產，重点会介意其他人点看自己呢？有問題請問吧！但我想答你一樣野，我既舊拍擋係我前女友，色字頭上一把刀，唔好提啦！我相信你地都感受到既，我依家只係想正正常常生话。

everything_lost

我係接一D FREELANCE 工程來做的,收現金, 明天先CALL主任, 到時再報告比你地知..

dopod123

16# everything_lost


其他人點睇自己破產,我覺得你自己介意那就人人介意,你自己放開那就人人都不會在意

個個破產都有自己問題.有失敗肯改進必會再成功

sammel

[quote]我係接一D FREELANCE 工程來做的,收現金, 明天先CALL主任, 到時再報告比你地知..

無須多講，祝你好運。

admin

首先多謝你的宝贵意見，其实我已經破產，重点会介意其他人点看自己呢？有問題請問吧！但我想答你一樣野，我既舊拍擋係我前女友，色字頭上一把刀，唔好提啦！我相信你地都感受到既，我依家只係想正正常常生话。 ...
everything_lost 發表於 2011-5-19 23:08

唉…

1. 樓主知唔知員工羅法援去申請公司破產，到政府代你比錢要幾耐？
2. 樓主知唔知員工可以羅得番幾多錢？
3. 樓主知唔知搵唔到你，又要拖多幾耐？

如果樓主爭員工 20 個，我估都拖左個員工成大半年錢。

如果係咁，樓主知唔知個員工有可能要成年之後先羅到錢？重要最多得個 90%，一般情形是 70-80%，有D情形得 50%！

你覺得人地應該點睇你？