|
Kitty, 我略講一下我翻按嘅情況俾妳參考一下, 我層樓原本係x新做樓按, 仲有50萬尾會, 諗住同自己按偈開呢間做加按, 原先分行經理話破過產冇問題, 但到最後另一個經理話最好係將我半層物業個業權除名, 因為銀行覺得我之前破過產有記錄可查, 唔排除會有下次破產可能性, 故此會影響批會, (我心打咗過突, 呢d銀行講嘢一時一樣, 火都起埋)。於是搵返一直幫我搞申破同解破case個6C, 佢話破咗十九幾年, 而家錢都還埋, 好多銀行都肯做曾經老破過嘅加按同翻按呢d生意啦, 你估而家銀行好好生意咩咁講, 於是介紹咗獅子銀行其中某分行俾我, 可做樓價6成按偈, 可供30年還款。Kitty, 有一樣銀行係好現實嘅, 佢一定會睇你層物業個估值(好彩獅子估值係好高), 如果係居屋是否已補地價? 層物業尚欠尾數幾多? 仲有最重要一環係加按或翻按後, 供款人果個還款能力有幾多, 過唔到壓力測試就要搵供款誓保人, 我同太太都冇收入, 所以搵咗個仔做擔保人, 所以都順利翻按咗150, 市場上都仲有其他銀行肯做, 但妳試下叫妳個6C介紹d相熟銀行俾妳吖, 佢地通常同銀行有往來, 應該可以幫到手, 有問題不妨問, 呢度好多朋友會給妳分享, 萬事都有解決嘅一日。 |
|