新人求教，希望大家幫幫手比細佬意見

K98757

我借左18間扣底財數冚數頂唔緊啦，總數大約18萬左右，大部份供左1-4期有d一期都冇供過，全部半月數，可以話係一個月30日差唔多20日都要供數壓力好大，我唔賭唔嫖只係因為一單工程做衰左泥足深陷，都冇得怪中介人地冇攞刀逼你攞，我而家開始好吃力開始玩數冚數，我好十五十六破唔破好，我好驚頭家散我個女4歲好驚冇左佢，我有諗過唔理佢由佢地追數但驚佢哋會搞我個女，當然如果我唔還由佢哋追我知道實會搞咨詢人我擔心會搞佢地鋪頭，我而家唔知可以點行條路，會唔會因為我走數財仔告我？希望各位大哥大姐比小小意見細佬，等我可以參考下，疫情嚴重希望大家都身體健康 早日脫苦海

candyhung92

我同你情況一樣，去申請左先啦

K98757

candyhung92 發表於 9-3-2022 23:01
我同你情況一樣，去申請左先啦

而家申請法庭唔開期間我仲要唔要還錢？

欠一百萬

係唔係打少左個0呀, 18萬

intime

啲人通常係去到月薪40倍，還唔到先破產，樓主先得18萬，最多咪借一線銀行啲loan一筆過還清，疊埋心水還一條數重好，無謂留個破產記錄，跟一世的。

mirror0822

破產紀錄其實無咩所謂，只不過唔可以問銀行借錢買樓

mzrx7hk

mirror0822 發表於 10-3-2022 01:03
破產紀錄其實無咩所謂，只不過唔可以問銀行借錢買樓

居屋係咪都唔得？

K98757

欠一百萬 發表於 9-3-2022 23:32
係唔係打少左個0呀, 18萬

冇阿，堅18萬左右

K98757

intime 發表於 10-3-2022 00:54
啲人通常係去到月薪40倍，還唔到先破產，樓主先得18萬，最多咪借一線銀行啲loan一筆過還清，疊埋心水還一條 ...

我TU唔得，細個走左條Ux數1萬蚊

CA奮鬥士

K98757 發表於 10-3-2022 09:27
冇阿，堅18萬左右

18萬好少數咋wor，有無銀行肯幫你結餘轉戶

airmax

K98757 發表於 10-3-2022 09:27
冇阿，堅18萬左右

你係公務員或者可以

K98757

CA奮鬥士 發表於 10-3-2022 09:39
18萬好少數咋wor，有無銀行肯幫你結餘轉戶

我問左幾間都唔得，一來我Tu衰左，二來我收入好多時係比現金，而家真係好頭痕，好似就黎死但又死唔去

David1128

K98757 發表於 10-3-2022 09:52
我問左幾間都唔得，一來我Tu衰左，二來我收入好多時係比現金，而家真係好頭痕，好似就黎死但又死唔去 ...

你搵唔搵到屋企人幫你係銀行借18萬？ 如果銀行借分60個月還一個月還4000 左右，當然如果你收入唔高同唔穩定就會害咗屋企人

Chau0622

mirror0822 發表於 10-3-2022 01:03
破產紀錄其實無咩所謂，只不過唔可以問銀行借錢買樓

邊個話
你解破後 做返靚自己TU又有穩定收入 過到壓力測試
銀行有生意會唔做?

K98757

David1128 發表於 10-3-2022 10:18
你搵唔搵到屋企人幫你係銀行借18萬？ 如果銀行借分60個月還一個月還4000 左右，當然如果你收入唔高同唔穩 ...

我老豆70幾好難借到，一直都靠自己當然搞到今时今日咁都係靠自己

死左十成

破產都要令成萬出黎
你先係18萬破左好唔抵

問下老婆肯唔肯幫你出去銀行或1線做分期啦

David1128

K98757 發表於 10-3-2022 09:52
我問左幾間都唔得，一來我Tu衰左，二來我收入好多時係比現金，而家真係好頭痕，好似就黎死但又死唔去 ...

其實依家咁環境如果冇左份工都唔知點算，我有的朋友之前做幫人book機票酒店生意依家要轉型做的散工，收入來源都好難穩定。再者你仲有個女你真係諗下點行落去，18萬講真話多唔多話少唔炒。18萬破產又好似唔值，但你搵左老婆借左銀行錢，你都要確保收入唔可以減少先好行落去。因為小朋友有的開支冇得少，所以你有同老婆商量下點計劃行落去。祝你早日搵到出路！

欠一百萬

18間, 18萬, 一間一萬, 大部份都係新數. 最長個間都供左4期, 即係4個前開始至今, 一共4個月, 一共18萬, 咁你借左D錢去左邊呀?

K98757

欠一百萬 發表於 10-3-2022 22:09
18間, 18萬, 一間一萬, 大部份都係新數. 最長個間都供左4期, 即係4個前開始至今, 一共4個月, 一共18萬, 咁 ...

前面要黎找伙計人工同料錢，後期開始要數冚數愈玩愈大，講真冇人逼你借只係慌不擇路自己亂黎

K98757

David1128 發表於 10-3-2022 21:37
其實依家咁環境如果冇左份工都唔知點算，我有的朋友之前做幫人book機票酒店生意依家要轉型做的散工，收入 ...

好多傾開既野都因為疫情停晒，而家打算做翻老本行出翻去做扎鐵，而家都唔知點好破又唔係唔破又唔係，直接走數實比人追數，又唔知收數佬會點做，期望疫情快d過去可以做翻又唔現實，我都搵翻以前d工友想出翻黎做扎鐵，而家想面對都冇錢去面對，至於師兄話叫老婆出去借但佢咁多年都冇做過野問左做銀行朋友都話唔會批咁大數出黎，早上問左6c都係猛咁叫你上去做最後都係話而家唔開庭做唔到咩，自己一手做成唔怪得人，我唔會怪中介始終人地冇攞刀夾你借，都唔知下一步點行好