會員領令過程 (2013 年 12 月)

admin

今日終於頒咗令，過程係下面.....不過，有樣好有趣既野想分享下。

係個法官頒令之前，佢同我地講下我地有既責任同注意事項。其中一點我覺得幾有趣。

......法官﹕「知道在座好多破產人都聘用一些顧問公司辦理破產呈請，但呢D係非專業人士，沒有監管機構監控。本官成日都因為收到債權人延長破產人既破產期都係因為破產人比左錢呢D顧問，而顧問聲稱4年都會幫破產人士遞交年報表，但最總係什麼都沒有做.....損失的只有破產人......

我見到當場有D人面色一沉

上庭過程......

1. 係高院正門入，經過詢問處...經過電視顯示機.....去到個告示板到。
2. 係告示板搵自己上庭既時間...再搵自己個名....記住名之前既號碼。如﹕32
3. 個人名表上面有幾多樓同幾號法庭。
4. 搭LIFT上5樓(要睇下個告示板指示)。
5. 上到去，見在有人排隊就攞定身份證排隊。
6. 排到法院職員面前講出告示板個號碼及遞出身份證。
7. 因為太多人遲左25分鐘先入去。
8. 入到去睇到有椅可以坐就坐，人太多有好多人要企。
9. 開始領令之前，法官讀左二十幾個人名。呢D人係因為文件有錯漏所以今日唔可頒令。要一個星期之後再上庭.....
10. 以上二十幾個不獲頒令就要出去書記到，睇下自己錯D咩。
11. 呢二十幾人出左法院之後，法官就講破產人士既注意事項同責任。
12. 講完就分排講名，聽到名就嗌"到"，之後就行出去法官面前一字排問。
13. 法官就會話"現在頒布破產令"。
14. 之後就可以離開法院。

因為我係上庭前幾日就打左比主任叫佢出保留戶口信比我，咁就我過返隔離破產處搵主任。
我之前都已經準備左糧單副本，上庭前又打左銀行簿，仲有工公合約副本。見到主任既助手比哂D文件佢，
佢又比張FORM我，填好咗就好快出到信。

之後去埋銀行，打埋去律師行約星期六交文件，食埋LUNCH就叔反工......請左半日假....就過關了。

admin

多謝會員 heihei 提供
原文：
http://hkiva.org/forum.php?mod=viewthread&tid=11093