究竟點計

king168

我friend同老公在00年聯名供一物業，其實是她老公從政府多方資助供樓，我friend於03年破產，到今天物業業權還未搞掂，咁樣她的資產是計到今天，還是計到03年計算呢！要是計到今天，豈不是要她老公代還錢嗎？請指教！

admin

唔明你想問乜。

重供緊？
當時破署點做？
破產後邊個供？

king168

我friend話屬破產署case外判，受託人律師拖延，至07年中才以07基準計算，要幾十萬贖業權，破產後由佢老公續供。破產署無介入！佢老公無咁多錢贖權，至今天還在供款。

admin

原帖由 king168 於 2009-4-19 23:52 發表
我friend話屬破產署case外判，受託人律師拖延，至07年中才以07基準計算，要幾十萬贖業權，破產後由佢老公續供。破產署無介入！佢老公無咁多錢贖權，至今天還在供款。 ...

所以我話要趁低價做。

你去同佢講，用番之前佢的原則，當時樓價升，但而家跌。

而家樓價跌左，而家我用市價同你講，用(當) 20 萬。當然你要 check 而家個價 (用埋銀主盤價)。

破產署唔會介入，因為佢只可以代表破左個業權。所以銀行會同你傾。傾好再會同破署講。

你要理解而家銀行欠水，趁呢個時機好做啦。唔係一升就煩。

當然，如果根本無能力，就唔駛理啦。

king168

非常謝謝，只是我想幫我friend問，她的資產是不是在2003年計算，因那個時候她們才開始供了不久，這個物業在那個時間還欠銀行五分四的樓款，約只供了三十幾萬，而且差不多是她老公從政府資助了大部份供款，所以應該不值什麼錢，受託人律師拖到今天，已經差不多供完，就當然值錢很多，況且她老公又還了政府的二按款項呢！

admin

你要留意，如果另一人已經供滿業權 50%，銀行是無你符。層樓只係永遠釘契。佢地都收唔到。

所以可以供晒個半先，咁就可以打死狗講價。

king168

多謝指點，而家我friend只是覺得對他老公唔公平，好似要佢代還錢，因破產令已解除了差不多兩年。