請問有關完成債務重組後，聯名買樓申請按揭問題

四季鹽焗雞粉

本人計劃與另一半聯名買樓，另一半信貸紀錄良好，而本人將於17年完成債務重組(iva)。想請教一下如本人完成重組後與另一半聯名申請按揭，能做到九成嗎？
本人係還款過程中是準時的，亦有自行申請提高還款額，請問這樣的還款表現能令環聯信貸評級的分數提高番嗎？

redlion

基本上回答你的問題，答案是可以的

等我分享下我之前既經歷:

基本資料:

1) IVA完成日: 2013年
2) IVA期數: 83期
3) IVA 期內並無任何遲交或欠交記錄
4) 2014年，個人購買物業約300萬
5) 九成按揭
6) 按揭銀行: "痕身"
7) 本身出糧 / MPF 戶口都係 "痕身"

2014 年購買300萬單位一個, 做9成按揭，最後無問題...... 衣家供緊

最後無問題 >>> 但係當中出現可大可小的問題, 真係膽汁少D都死在 >>> 事原:

去銀行問做按揭, 佢地初步話無問題，咁我就去睇樓落訂啦。(我無同佢講我做過IVA,因為佢無問)

去銀行簽名攪手續，然後等批，唔駛一個星期就批左，然後等收樓。

然後： 收樓過數個曰就好似過山車咁.......

朝早Check, 銀行話無問題，到我律司樓話未收到銀行錢，叫我聯絡銀行。

Call 銀行，銀行話 做九成按揭既按揭保險公司check 到我做完IVA 無耐，唔肯放錢....

又話保險公司無話唔批，但係要再搵人做估價....

我同佢講，大佬呀，唔得唔係今曰先講呀，買唔到我無所謂，但係可能俾業主殺訂,咁點算....

佢無答我, 淨係話佢會同保險公司傾。。。。。

我另一方面就即Call經記,叫佢幫下口同業主傾遲3曰交 (因為收樓日係星期五)

經記終於同業主傾OK.......

但銀行到6點都無覆我......

個晚我真係想死.....................

星期六一早, 銀行打黎話保險公司話ok woor....但要即刻去律師數補簽文件..... 好彩律師樓星期六開門.....最後ok,  星期一過左數，收左樓。

同律師講開,佢話保險公司慣牲check 破產記錄, 但通常銀行ok 佢地都ok... 唔知點解今次會咁....

須然上上落落，但好彩最後都攪掂。。。。

gringoire

我都想知, 有冇人可以解答一下?

admin

redlion 發表於 17-11-2014 16:59
基本上回答你的問題，答案是可以的

等我分享下我之前既經歷:

已加入破產需知。謝謝會員提供資料。

http://hkiva.org/forum.php?mod=v ... 219&from=portal

gringoire

redlion 發表於 17-11-2014 16:59
基本上回答你的問題，答案是可以的

等我分享下我之前既經歷:

唔該晒寶貴的經驗分享!

admin

gringoire 發表於 17-11-2014 21:48
唔該晒寶貴的經驗分享!

G 哥，去燒住先！你的 DRP 經驗好多。分享下麻！http://hkiva.org/forum.php?mod=v ... 204&from=portal

gringoire

多謝admin哥邀請, 但我星期六都要返晏! 預祝你們盡慶而歸,燒得開心d! ^_^

redlion

另外關於環聯信貸評級問題：

據我所知，早D還完會有D幫助，但係(如果無記錯)環聯職員同我講，時間係最重要：

1) IVA 一開始就花哂, 但係個IVA記錄會係5年後無咗(IVA開始計).... 我IVA一完左即刻去check (83月后)... 係無show "IVA" 既
2) 但係欠款記錄仲有, 佢地話4年(5年?)會無左 (由個別户口完咗計 - 每户口最後一期供款)

另外，可分享下：

我完左IVA之後4個月試申請"痕身"信用卡, 無問題, 仲批左2張俾我 (我之前無爭佢錢)
另外試過申請稅務貸款，都批
年中按揭都OK.......
按揭仲送多張  信用卡
**但試過其他銀行,信用卡唔批(以前爭過佢地錢)

所以我諗最重要係點樣  build up 返自己既 credit.... 我衣家只用一間银行, 所有數都次次清，準時清。

仲有，我剛完成IVA 環聯信貸評級係H >>> 做按揭前check 係 E (在申請信用卡及稅務貸款之後)

俾心機

多謝C兄分享寶貴的資訊！

四季鹽焗雞粉

真係十分十分感謝redlion的詳盡解答!!!!!!!因為真係俾左好大信心我,我初初以為個帖吳會有人回覆,所以冇入黎一排.....感謝!!!!!

四季鹽焗雞粉

另外想問下redlion師兄,理論上你既首期係於還款期間儲番黎的,咁假設你有個戶口儲錢,你既債權人冇要求你把你多於一期供款既錢拎去還??
事源我問過幫我搞iva個間公司,佢話我可以同另一半開聯名儲蓄戶口,又或者自己開戶,但係建議我吳好擺太多錢(不多於幾萬蚊),原因係如果佢抽查到,有10多萬既話,債權人會要求將筆錢拎晒去還.....
另外半年一次既報表又需申報我名下所有戶口,咁即係佢都會睇到有錢....
請問師兄有冇遇到呢個問題呢?

redlion

我諗我用另外一角度答你問題：

1) 理論上，如果你收入多咗，你應該要將多咗既交俾會計師再交俾債權人，如果你跟據呢個理論去做，又点會有太多錢係户口?
2) 就算你真係有多錢係户口，如果佢要交俾佢，你可唔可以唔俾?
3) 如果俾佢，你既供款期會少咗
4) 如果唔俾佢，佢大你話你唔跟據協議，取消你既IVA... 咁你會点?
5) 如果你有多餘錢又唔想俾...... 我聽有D人話係大陸開户口好易........

我填報表係無問我戶口既野，只問每月收入幾的，有冇花紅或者特別收入....

四季鹽焗雞粉

大概明白,多謝回覆!