半年一次的報表。

俾心機

上個月收到半年做一次的IVA報表（其實係咪間間都要做呢）。

佢都係叫我填下O的收入，睇下有無多O左收入。。但係今年無加人工，所以照寫返舊人工。如果多O左就要供多O的，佢寫可以供多幾多，我寫「暫時未能」。我寫O左返去，無收到CALL 即係無問題啦。

但係我見份表又唔見佢寫支出的增加的部份喎........，咁我下次可唔可以寫返落去？因為無可能只會收入多而支出唔會多O左嘛，但係支出都會多O架嘛。因為使費多O左，如車費加、屋租加、小朋友要補習....ETC，咁下次可寫返落去？

我下次再收到時，再附上張圖供大家看....今次唔記得影低。

redlion

份IVA報表係一定要填，因為半年申報一次收入係IVA既必要條件，你唔填，佢地可以取消你既IVA安排。

IVA係唔駛報支出，你同債權人既協議係每個月供款幾多，如果收入多左，你必須供埋多左個D俾佢，但如果你收入少左，你可以同佢傾，但唔一定批。總之，呢樣野唔係相等既。簡單D講，收入左就供多D, 收入少左你想供少D? 佢地實兇你話如果唔批就停你IVA，即做破產。

俾心機

多謝指教。

但係如果真係加O左租。咁支出真係大O左唔少的話。咁唔加IVA 供款佢又會唔會詐型呢？
因為之後都都仲有排填呢份表.........多謝賜教

redlion

hmmm... 我唔敢答你衣個問題，因為無試過

俾心機

嘻.........THANK YOU 師兄。我下次再要我填時問下先。

問多個問題呀，因為住緊公屋，咁遲O的可能有機會調大少少的單位。咁都要用錢裝修啊。咁有無人試過停供一期，順延。

四季鹽焗雞粉

如果係失業就可以申請順延,但如果係個人開支增加就難講D,不過我個間試過俾我遲D還,不過都要係佢出信後既28日內還(短暫失業)。不過我建議你都係問番幫你搞既公司!

redlion

我就唔建議喇，講真，如果要錢裝修，一期或2期供款絕對幫唔到手

俾心機

多謝各位。