新手上路前一問

年少無為

小弟一路對金錢冇咩管理
返開散工 都係餐搵餐食餐餐清
人工大約13-22k不等
下個月準備轉工 去朋友公司做嘢

而家差緊兩張信用卡同供車
1.axxx $200k(冇找兩期轉咗去收數公司 變咗大約260k）*還minpay要$7500
2.mxx $70k(又係冇找兩期 轉咗去收數公司 要我即時找130k）*要即時找曬
3.供緊架車 有擔保人(而家應該剩$80k左右）*月供$2500

有幾個問題想問

1.冇找兩期，個兩間信用卡都寄信去我前公司/我屋企，追我找數。如果我老破，係唔係即時停止追數。

2.mxx個張卡轉咗去收數公司，要我即時找。打算搵三姓公司搞，咁mxx個到係唔係唔洗理。

3.父母離婚（有工作），我單身，住公屋。一個月會批幾多錢生活費。可唔可以報到啱啱好，一蚊都唔洗找？

4.架車有擔保人，老破後係唔係擔保人要找曬。如要找，要一炮過找定都可以好似我咁分期找。同埋，擔保人會唔會知我破產。

5.破產後可唔可以移民，因為未婚妻有加拿大國藉。

6.破產會唔會有保密令，前公司/屋企人會唔會知。

7.由我上律師樓起計，大約幾耐會凍結戶口，諗緊呢個月返唔返工，返工又驚出會凍結戶口，變到白做咁。（而家返緊地盤，7號自動轉賬）

後會有期

3. 單身多數一萬頭啦 5. 人地會審查你經濟狀況。唔係香港比唔比。係人地加拿大比唔比你過去。

Yuyuyuu

3. 兩老有工作，單身，住公屋又唔洗俾租，批你生活費過一萬都要偷笑啦，仲想一蚊都唔洗上繳。4. 擔保人既作用就係你唔還時佢要上身，要一炮過定分期就佢自己同債主傾啦。不過你破都要賣車，唔想擔保人知倒不如自己賣咗先，不過賣咗既錢都要拎去還債先。

a981142

1.兩間都係銀行/大財,有no就停
2.唔洗理,破產梗係唔洗還,有錢留返搞破產啦
3.單身住公屋,最多枇1萬至萬零生活費
4.車要變賣黎還債
5.無影響,枇到就得
6.都寄左信去前公司追數啦,破產唔會通知任何人,但睇行業有機會通知現任僱主
同埋破產處前後會寄幾封信比你,屋企收信見到就會知
7.有人好快有人1-2個月先凍結,叫公司出票先啦,一係拎解凍信