求教..完左破產期突然收到受託人一封信件

eeetc

內容如下...
我個名(已獲解除破產之破產人)

請注意,受託人擬根據香港法例第6A章 破產規則 第169條及第202條向法院提出申請免除職務及申請將閣下破產案相關的簿册、文據、及文件銷毀。現附上就擬申請免除職務而發給債權人的通知書(表格152)及附於免除職務申請書的報表(表格137)之副本閣下參考。

跟住就係話有咩疑問就二十一天內通知受託人,如21天內未收到我回覆,就會向法庭作出有關申請

但我有疑問就係..我係23年12月尾夠4年破產期..搵左律師幫我搞解除破產書...
咁我就上星期先收到我個外判RSM(好似話改左名而家叫Acclime)一個女既打電話黎話收到我申請不反對通知書..叫我答返佢啲問題.
咁我答完之後又約左16/5上去傾傾話有咩數唔多岩又乜又成(我交足4年報表的)
但今日又突然收到封咁既信我就唔知係咩意思..係咪代表已經ok搞掂佢會批不反對通知書我呢..
事因我上網搵左好耐答案見個個都話收到呢封信應該係件開心既事..
但我又唔明佢一時約左我下個月傾數一時又寄左呢份信比我到底係咩一回事..
而封信叫我話有咩疑問可以搵乜生同乜生..而又唔係叫我搵返打電話約我個個女人..
求各位好心人士解答

欠一百萬

你搵律師幫你搞解除破產證明書, 咁多個月你請律師個邊無左下文?

eeetc

欠一百萬 發表於 23-4-2024 00:47
你搵律師幫你搞解除破產證明書, 咁多個月你請律師個邊無左下文?

我3月有打去問過佢...佢話2月尾個陣先幫我上信去破產署申請解破..
真係上禮拜先收到外判電話

frankie2022

你個主任同你分手

欠一百萬

eeetc 發表於 23-4-2024 07:17
我3月有打去問過佢...佢話2月尾個陣先幫我上信去破產署申請解破..
真係上禮拜先收到外判電話 ...

你話你係外判跟, 個公司係ACCLIME, 而你比錢律師代你申請不反對信, 你律師就寫去破署申請, 都唔係破署做你的受託人, 根本唔應該寫去破署.
比幾千人寫封簡單信, 搞左幾個月都未有. 何苦呢.

現在你收到外判呢封信, 就係受託人寫比債權人, 佢對於你個CASE的職務已完, 提出解除受託人的職務, 簡單講就係大家分手, 佢再唔會係你受託人, 不再理你個CASE. 對於此, 你只得個知字.

你最好問一問你個間6C樓, 佢地幫你申請解破證明書做到咩步驟, 有冇收到你的不反對信.

一般情況, 我地自己申請不反對信, 如果外判受託人的, 都要1個月至幾個月不等才收到信. 如果係破署跟就好快收到信, 快到幾個鐘就收到. 有信後自己去高院搞埋張解破證明書, 過程只要個幾鐘, 再等3星期就返去高院取張證書. 原全無難度.

eeetc

欠一百萬 發表於 23-4-2024 16:29
你話你係外判跟, 個公司係ACCLIME, 而你比錢律師代你申請不反對信, 你律師就寫去破署申請, 都唔係破署做 ...

老實講..係..我都覺得好流..我搵既係葉謝鄧6c樓
因為當初破產搵佢地搞...諗住完左都係搵佢地搞...
而家覺得浪費錢又浪費時間...唉
因此我點解上黎求教,事因我問過我6c樓進度如何,佢叫我自己打返去外判到問...
但我最好奇就係..佢上星期先話完我啲數點樣點樣唔對要約我下個月中再上去傾
但琴日我又收到呢封分手信..
咁我仲洗唔洗去同佢傾..係咪可以當佢已經無問題..
等呢個咩21日完左我就有不反對通知書...?
事因我今日返工唔多得閒..打幾次個外判又無人聽
6c樓又話負責我個同事放緊長假
呢獲真係叫天不聞叫地不靈

欠一百萬

首先, 你要著緊的係問外判幾時比封不反對信你. 自己問外判啦拎信啦. 拿拿聲.
唔係呢封信的21後, 你會有不反對信,
呢個21日, 如沒有債權人反對, 21日後佢就解除職務, 會存檔入高院, 佢再唔係你CASE受託人, 之後佢應該無效力出信比你啦.

eeetc

欠一百萬 發表於 23-4-2024 21:50
首先, 你要著緊的係問外判幾時比封不反對信你. 自己問外判啦拎信啦. 拿拿聲.
唔係呢封信的21後, 你會有不反 ...

明白哂,唔該師兄