我的個人意見！

温sir

我個人首先喺度向某些會員 講聲抱歉！
我好明白大家行到呢步嘅心情，始終唔煩惱都唔會諗破產，上得嚟"聯盟"嘅都係想得到幫助，唔係想被質疑或解釋。
但請明白我哋的確有遇過某些心態不正的"求助"，亦真係唔想被人誤解為教人破產。
我哋只係一班過來人，本著分享自已嘅所知所得，協助一些有需要人仕，幫助他們如何面對破產問題吧。
看到一個一個踏上破產之路，感覺不會太好的...........
尤其當看到些感覺上應該未致於要"破產"的個案提問，盡可能都不希望他踏上這條路，所以有時在回答上，未免偏激了點，語氣也可能重了點，勿怪！
其實，大家可以盡量寫清楚大家嘅情况丫，這可以讓大家更了解你嘅環境，也可分享到各自嘅經歷，且更可減少不必要誤解。是嗎？
真嘅！未到最後一步，真係唔好諗破產！但發覺已被迫到埋身，點計還唔清，而且開始嚴重影响生活與心情時，就真係唔好再拖，盡快申請破產吧。                                                        這是我的個人意見！

admin

做乜？有咩事？

温sir

無咩事！有感而發啫

EASYGO

迫人破產係香港政府財金官員！
如果要問點解，應該先問班狗官，點解容許信用卡收咁高利息？
裏面 d 所謂條款，仲細過螞蟻。有邊個會睇得明？
信用卡廣告誤導市民，每月最底還款額，實則係財務費用，根本沒有減少本金作用。還一世都還唔完。
經濟好時都可以還 min pay 頂一頂。經濟唔好時，冇工開，連 min pay 都冇得還，條數會愈滾愈大，於是更加冇力還。
發信用卡機構根本係有牌大耳窿，而且催生了一大批收數公司
政府成日叫人唔好買翻版，唔好同黑幫打交道，要斷絕黑幫財路。
試問收數佬係嘜人？唔通個個係著西裝打呔、好有禮貌果隻？
走投冇路下，唔係破產就係自殺，你話政府有冇責任？

roy

原帖由 EASYGO 於 2009-1-30 12:43 發表
迫人破產係香港政府財金官員！
如果要問點解，應該先問班狗官，點解容許信用卡收咁高利息？
裏面 d 所謂條款，仲細過螞蟻。有邊個會睇得明？
信用卡廣告誤導市民，每月最底還款額，實則係財務費用，根本沒有減少本金作用。還一世都還唔 ...

我都係破產人仕,亦係欠卡數破產,不過我絕不贊同你的睇法.

始終牛唔飲水,點襟得牛頭底呢?依個世界冇人拎住支鎗,叫你去用信用咭透支或賺物.如果你個個月有自制清數或不過度消費,量力而為,跟本乜事都冇.

依個世界,有因必有果,好多野係自己造成,吾好下下乜野都賴人啦.

一怒殺龍手

原帖由 EASYGO 於 2009-1-30 12:43 發表
發信用卡機構根本係有牌大耳窿，而且催生了一大批收數公司
政府成日叫人唔好買翻版，唔好同黑幫打交道，要斷絕黑幫財路。
試問收數佬係嘜人？唔通個個係著西裝打呔、好有禮貌果隻？
走投冇路下，唔係破產就係自殺，你話政府有冇責任？

咁我讚同你呢段啦  無能政府係咁架啦 同D收數佬一樣 響電話佢就惡 得把死人聲

對付收數佬千祈唔好比佢拋窒 唔好怕醜 其實都無乜好驚  

學某論壇 壇主話齋 你惡過佢 煩過佢 瘀又唔怕  其實佢仲驚過你