頒令後破產官出信要解釋及俾證明

PoorGuy2018 · 發表於 27-1-2018 00:06:24

之前已頒令，剛收到破產官出既信要求解釋之前問卷中一些資料的詳細情況及俾證明，想問一下有冇師兄師姐試過，當中若有些沒能提供證明（如部分借錢還錢收據）可以點處理? 當時師兄師姐的破產官有冇進一步行動呢?
因我破了一排待業中，怕因未找到工被認為是存心老破失業唔還。。。

flypig · 發表於 27-1-2018 00:13:43

存心老破失業 !So what!!!合法的。張震完住豪宅，開靚車，無工番又如何??

flypig · 發表於 27-1-2018 00:14:55

借錢還錢無收據!! 親友嗎??銀行過數定支票。。。如果現金只有照講!!

PoorGuy2018 · 發表於 27-1-2018 07:21:22

並非存心老破失業，只係因破產而被離職後一直找工見工後冇回音，就算之後做到一份工，不到一個月公司就好似之前果份咁要求我自己辭職。。。借我錢的是我男友，所有借還都是現金往來。。。佢走佬後人也找不著。。。

Chung811 · 發表於 27-1-2018 10:16:52

係唔係初步問巷中，你填咗人哋借你錢？噢！係我就唔填啦！

PoorGuy2018 · 發表於 27-1-2018 10:35:46

問卷問點解申請破產同破產前3個月借錢用途，因係為左填那走佬男友的數。。。因此寫左。。。

flypig · 發表於 27-1-2018 12:19:27

寫左照去，唔通話當時亂填??男友走佬照填佢資料，到時政府搵佢仲好!!搵到佢就破署與佢的事，破署會追佢!!

PoorGuy2018 · 發表於 27-1-2018 13:45:07

可惜當男友拋下我走了果段時間, 佢同時留下不少好痛苦的蘇州屎俾我, 家中同工作亦同時發生了好多事, 令我當時心灰意冷....不但銷毀同佢既野仲自殺......之後死唔去.....去左報警2次搵人但因只得番名字年紀這些資料他們也不能開file, 未能幫忙.....而且警員都話過, 若佢有心要唔理我走左去, 佢用既都係太空卡查唔到.....所以我唯一只能做既只係將我所知的寫出來, 就算冇得證明...., 之後可能只能等發落了.....>~<

flypig · 發表於 27-1-2018 14:43:00

咁一識你就用太空卡??佢好靚仔??你好多錢俾佢呃??

Chung811 · 發表於 27-1-2018 15:07:51

Flypig，你係出哂名嘅橋王，我諗你都冇哂解嘍！果個男友仲勁過呃錢嘅中介喎，騙財騙色仲可以讓事主僅僅記得個名同埋年紀！而且為佢尋死！我覺得恐怖同埋不可思議，破產主任都撓哂頭！

PoorGuy2018 · 發表於 27-1-2018 16:48:23

可能我寫得唔清楚令大家誤會，因男友佢提及過工作需要有唔只一個電話，亦會間中轉電話，只係我報警時警方話佢走得佬唔會俾我搵到，最後期用既多數係太空卡，我當然不只記得佢名同年紀，但因冇哂d 相又冇佢Id, 就算認得個樣警方都唔肯拼圖開file...佢唔靚仔，只係我讀書時期在學校俾好多人欺凌冇人幫又同家人疏離時，當時未有駐校社工，得佢一個在我身邊冇欺凌我仲肯聽我呻，因為咁為左佢變到唔理智。。。當佢走佬果陣，我覺得我人生既支柱冇左。。所以想尋死。。。我亦唔係好多錢俾佢呃，只係我部份債項係為左同佢填數處理佢留下的屎而形成，我幾個月前因被滋擾報警時及在問卷也寫了。。。只是可以交給官的證明只有佢名同年紀，相已在之前想自殺時銷毀左交唔到。。。

Chung811 · 發表於 27-1-2018 17:29:27

PoorGuy2018 發表於 27-1-2018 16:48
可能我寫得唔清楚令大家誤會，因男友佢提及過工作需要有唔只一個電話，亦會間中轉電話，只係我報警時警方話 ...

走出来就好啦！以前地盤嘅道家人同我講，每個人都有不同難存在，有時會到咗生死邊緣！但係走過去，又係一條路！我同你差唔多，老婆走咗老，我又破咗產，依家反而冇咗好多壓力！

leesai133 · 發表於 27-1-2018 17:32:01

如果無欺偏，直接上去解畫，無事

leesai133 · 發表於 27-1-2018 17:36:02

破產官都係人，你自殺，報警有證據，佢吾會難為你，放心

PoorGuy2018 · 發表於 27-1-2018 19:07:21

其實後期身心捱到盡頭後要破產，除左冇左份工同定期覆診，仲要間中搵社工輔導。。。我怕冇證明交到上去。。。人又亂交待得唔好。。。俾官為難。。。因之前只有被滋擾警方有開file, 都怕官唔會太理會...其實而家有時會諗。。。個天點解俾個人在我學生期最苦時去支持我，點解又安排佢令到我而家咁傷呢。。。

flypig · 發表於 27-1-2018 20:47:35

其實佢開頭唔係存心呃你。即管將更早期的電話資料俾破署。老實講，警察當然唔想做，細case 做左無職升，上面怪佢接黎做。有心查，電話公司一個key可能就搵到佢個人資料!!!

flypig · 發表於 27-1-2018 20:51:07

至於ex 之前支持，可能當時無咩細藝，有女媾住先。後來走佬，可能周身數，你甩左身仲好，否則三更五時收數call 你話打緊條仔，你仲心慌。你又唔係Ada. 有大劉照住，無得撐!!早甩身無手尾!!好事!

sydney2000 · 發表於 27-1-2018 22:34:43

PoorGuy2018 發表於 27-1-2018 16:48
可能我寫得唔清楚令大家誤會，因男友佢提及過工作需要有唔只一個電話，亦會間中轉電話，只係我報警時警方話 ...

如果係你中學同學, 一定有人知佢全名架

Chung811 · 發表於 27-1-2018 23:27:40

Poorguuy，已破咗產，應該後面啲嘢小事麻煩！只希望你快點走出過去嘅陰影中，我睇，你都係沒睇穿緣起緣盡！如果唔係，未來，甚至一生都受到極大嘅傷害！

PoorGuy2018 · 發表於 27-1-2018 23:32:47

佢不是我學校同學，係學校外識的，我知佢全名，冇哂d相冇佢id, 最慘係我冇save佢更早的舊電話no., 因萬想不到佢會走佬。。。而我同佢的common friend, 已離港去他方生活多時早已失去聯絡，因此冇乜證明可交俾官了。。。

		自動登錄	找回密碼
密碼			註冊

頒令後破產官出信要解釋及俾證明

瀏覽過的版塊