唉！唔敢開始.......

Stanyan1229 · 發表於 1-5-2019 00:08:13

其實由宣誓後，2月至現在，因為想自己正面D諗野，星期日去左做義工。一直同一個男仔好傾得埋，佢諗野好樂觀。
佢今日問我，可唔可以做佢女朋友！（我呆左）我諗起自己破左產，就唔敢開始！好sad

PoorGuy2018 · 發表於 1-5-2019 22:57:14

Stanyan1229 發表於 1-5-2019 01:48
你講得啱！我係有陰影，好難再相信人，好難再重新認識一個人. 有時出街多人既地方，我好似好驚，可能係 ...

咪話你去人多地方會驚，我入學左好一排到而家出街個心間中都會怯，雖然冇初期咁驚

講真，好既另一半難求，求其是我地呢d有故事的人，唔係人人都會無私咁諒解接納我地，同埋我好明白人生遇過一兩件pk蛋散之後好難同好驚再同其他人開始，就算人生總會撞到幾件pk蛋散，就算眼前果位有幾好幾有feel ，都會怯同有陰影

咪同目前果位做住fd先或同佢講想雙方再了解下先囉，之後熟到可傾心事至逐d婉轉講佢知睇佢乜反應囉

我地為愛傷過痛過既人，更不能急，更要睇定d，但不要放棄相信愛情，至少我而家仲相信愛情，只係睇得冇以前咁重了，同會更小心了

欠一百萬 · 發表於 1-5-2019 00:09:57

你即回應,我現在係破產人.

philip · 發表於 1-5-2019 00:12:20

睇你係因為咩破產啦,同埋人知唔知你破產先

Anmi2019 · 發表於 1-5-2019 00:13:16

唔好俾破產依2個字搞到自己無哂人生先得架，你坦白同佢講，睇吓佢點反應，順便知道埋佢份人嘛。

Stanyan1229 · 發表於 1-5-2019 00:17:36

我冇勇氣講！

失落的人 · 發表於 1-5-2019 00:26:47

唔想講咪唔講囉，拍拖之嘛

好煩2019 · 發表於 1-5-2019 00:27:17

樓主，破產唔係殺人放火，唔好令自己冇晒人生觀，應該樂觀正面啲面對，破產係比自己一個重生機會，要活得開心，活得比之前好。既然有男仔想追你，不妨比個機會大家了解吓先，可以遲一步先同佢講你背景，愛一個人會體諒及包容對方嘅過去，如果佢介意嘅冇左都唔覺得可惜。

philip · 發表於 1-5-2019 00:29:54

Stanyan1229 發表於 1-5-2019 00:17
我冇勇氣講！

介唔介意講我地知咩原因老破先,你覺得依家自己財政如何,如果叫做維持到正常咁唔講都冇咩問題啦

Stanyan1229 · 發表於 1-5-2019 00:31:10

好煩2019 發表於 1-5-2019 00:27
樓主，破產唔係殺人放火，唔好令自己冇晒人生觀，應該樂觀正面啲面對，破產係比自己一個重生機會，要活得開 ...

多謝你！但佢問完我之後，我真係好想搵個窿捐！

Stanyan1229 · 發表於 1-5-2019 00:33:54

philip 發表於 1-5-2019 00:29
介唔介意講我地知咩原因老破先,你覺得依家自己財政如何,如果叫做維持到正常咁唔講都冇咩問題啦 ...

我case係比以前條PK殘男呃呃氹氹，幫佢還賭債。攪攪下自己生活費都冇，自己都要問財仔借！

philip · 發表於 1-5-2019 00:40:05

Stanyan1229 發表於 1-5-2019 00:33
我case係比以前條PK殘男呃呃氹氹，幫佢還賭債。攪攪下自己生活費都冇，自己都要問財仔借！ ...

咁比以前條仔令到你破產又真係幾sad,你識左個男仔幾耐先,睇你地感情去到邊個位置啦

SISI0322 · 發表於 1-5-2019 01:19:06

Stanyan1229 發表於 1-5-2019 00:33
我case係比以前條PK殘男呃呃氹氹，幫佢還賭債。攪攪下自己生活費都冇，自己都要問財仔借！ ...

其實了解多d先再諗/坦白講囉，你都係因為個愛字而幫佢。學師兄話齋，其實破產又唔係殺人放火，咁若果係介意既咪算數囉 [個人認為]。所以我知自己好好彩，我男朋友除左知果刻話我之外，之後佢都係好似以前咁，仲反而係擔心我，幫我諗所有既問題。加油呀！師姐

Anmi2019 · 發表於 1-5-2019 01:36:16

可能你有陰影，唔想開始唔好勉強喇，繼續做住朋友先，時間可以証明到好多嘢，到時你先再決定啦

Stanyan1229 · 發表於 1-5-2019 01:48:49

Anmi2019 發表於 1-5-2019 01:36
可能你有陰影，唔想開始唔好勉強喇，繼續做住朋友先，時間可以証明到好多嘢，到時你先再決定啦 ...

你講得啱！我係有陰影，好難再相信人，好難再重新認識一個人. 有時出街多人既地方，我好似好驚，可能係情緒病！
好多謝各位師兄師姐回覆，看緣份決定吧！

Raykwk · 發表於 1-5-2019 01:51:52

加油，唔好放棄機會

Anmi2019 · 發表於 1-5-2019 02:04:09

隨緣啦

貓女 · 發表於 1-5-2019 02:16:54

Stanyan1229 發表於 1-5-2019 01:48
你講得啱！我係有陰影，好難再相信人，好難再重新認識一個人. 有時出街多人既地方，我好似好驚，可能係 ...

我明你感受，因同是天涯

好煩2019 · 發表於 1-5-2019 02:19:21

樓主，你暫時有陰影唔想接受新戀情，大家好明白你感受。如果你對佢都有好感，你可以從朋友開始慢慢了解吓先囉，或者大家相處後會有改變呢。其實我都是同你類似case，攪到自己要問財仔數冚數，諗住個pk好快有錢比返我時可以清數，點知一個月等一個月，終於攪到自己走頭無路。過左去就唔好諗咁多，當係人生中一個歷練，將來仲有好長路要行，唔好比過去嘅事影響你人生，識多啲新朋友，重新出發。但都要小心，講到錢就小心啲唔好再輕易信人。

bbbbbbb07 · 發表於 1-5-2019 11:02:23

破產只佔你人生的四年，但嗰個男仔可能佔嘅一生，其實破產唔係一件好咁大嘅事，

Fanfan12345678 · 發表於 1-5-2019 11:13:59

系，但有時侯也不需要交代過往，最梗要是喜歡，及对方是個正常人Y(＾_＾)Y

		自動登錄	找回密碼
密碼			註冊

唉！唔敢開始.......

點評