新居屋按揭 半成功

worldcat

好耐無上嚟，以前係到搵到好多資料都好有幫助，所以分享下。
經過差唔多一個月嘅擔憂，早幾日銀行終於批左新居屋按揭，利息等等都同一般客戶一樣。

2012 破
2016 解
2017 取不反對通知(等左9個月)，之後再交俾tu。

白表核心家庭交表。
之前都擔心按揭問題，所以太太係申請人，萬一自己做唔到按揭，都可以太太單名。
好彩抽中再揀樓，業主係聯名。

因為太太收入低，想保留佢的借貸額以便將來有需要再用。因為太太收息較低，有按揭係身好難再借。(自己好難做普通私貸，做到都唔會平息。)

所以試下自己一人名做按揭。當日係房署俾完首期同簽好文件，就拎住張約同其他文件過痕生。
職員見到破產紀錄，有游說過由太太做按揭，但俾我哋推左後都幫我照正常做。填好文件後，職員講話正常一兩星期有結果，但我呢類特別case就唔知。
最後等左差唔多四星期，中間補交左一次咨詢人資料(原本寫太太，但按揭部唔接受。一定要第三方咨詢人，同正常居屋按揭要求唔同。)，最後成功批左。

**新居屋擔保人係政府，正常係免入息審查。無/低收入者，一般搵一位資詢人即可，可以係配偶父母。但我今次被要求的咨詢人一定要係第三方，配偶父母都唔得。但因為唔係擔保人(其實咨詢人嘅責任只係擔保我提交嘅資料係真實，對樓按係無責任。)，所以都好快搵到親戚幫手。
***其實太太單名做按揭同業主都無問題，所以萬一自己衰左都唔太擔心要撻訂。我名做按揭主要係唯一機會大額低息借款，萬一將來要急用錢，太太做私貸都易啲。

worldcat

補充，標題寫半成功係因為自己有後備方案。如果單人申請，請自行考慮風險，始終就算有政府做擔保但銀行都未必一定批。

vicfre

感謝樓主通知，好多人都想知結果，有好消知請再通知我們啊！

nevergiveup

係咪都25年9成按？咩rate?2.38?

worldcat

nevergiveup 發表於 11-4-2019 13:09
係咪都25年9成按？咩rate?2.38?

Yes, 2.375%

nevergiveup

worldcat 發表於 11-4-2019 16:45
Yes, 2.375%

恭喜哂，又抽到又按到，安心哂

admin

哇！好耐無見啦。呢排真係有好多驚喜。見番唔小舊人番來探下我地！

點樣呀？而家上埋樓啦。

真心公喜你呀！

我覺得居屋有政府包底，其實銀行風險唔大。

worldcat

admin 發表於 12-4-2019 17:41
哇！好耐無見啦。呢排真係有好多驚喜。見番唔小舊人番來探下我地！

點樣呀？而家上埋樓啦。

當日係呢度都搵到好多有用資料，今次叫做分享下啲經驗。

據身痕職員講，解破人仕居屋按揭係有人得有人唔得，呢樣真係由佢哋審批部決定。

買左樓，又係一個身開始，一齊由零蚊出發。但之前咁難捱都捱到，相信供樓對我哋呢類人反而無咁大壓力。

Kamenkong

你好，想問如果我自己單人申請，但錢男朋友付，會不會做不到

flo

worldcat 發表於 18-4-2019 14:53
當日係呢度都搵到好多有用資料，今次叫做分享下啲經驗。

據身痕職員講，解破人仕居屋按揭係有人得有人唔 ...

恭喜你，

因為政府擔保，有兩年回售同5年打折回售
如果供唔到或者任何原因要搞回售，因為已用了房屋資助，就依世人都唔可以入表申請公屋，所以一定要好好理財，加油呀師兄