覺得人生玩完，破唔破好？破左係咪做唔到護士管理層

ccmyfuture

小妹2x欠60萬左右，淨還min pay都要萬4蚊
仲讀緊書，仲有幾年先畢業。又冇正職，得幾千蚊兼職錢。d數都係數蓋數
搵左3姓氏律師樓就話一定要破，自己唔願相信
又搵左間會計師樓，本身係想問IVA, 但佢都話要破，父母又準備退休，要為自己人生負責任。佢話如果要做IVA, 起碼都月入2萬幾，你供款50%都合理呀。但依家得幾千，就算屋企人俾零用錢，債權人都唔信啦。破左專心讀書將來做護士，好過又要打工、兼顧學業，仲可能唔洗上繳添。
但我係度諗，我應唔應該唔讀書，搵份2萬幾既工，避免破產。
定係破左佢算？但將來係咪做唔到醫管局管理層同難升職？ 加上又未結婚、買樓，點同屋企人同男朋友講要破產，講左實分手，真係唔想破…..

天意玩弄人心

點解讀緊書都可以負債60萬？ 我諗你要好好改變下自己理財方法先。

重新開始625

如果唔破，你會捱得好辛苦，每月出糧，只係為生存，而唔係為生活，你重後生，無為孭住個債。

天意玩弄人心

搞唔掂就需要去解決。我就唔會建議你唔讀書去搵工還錢，亦唔好講到將來做咩管理層。依家都比搞掂 咁快諗返將來既事？

mkc3

後生女大把方法解決啦

jerryw1997

破咗反而係解脫，醫管局管理層你估咁易做咩？屋企人&男朋友方面，奉勸講咗先，或者佢哋會同你一齊面對。

Yuyuyuu

仲讀緊書，唔洗諗自己還得起。一係破產當俾個教訓自己，一係同屋企人坦白問佢地幫唔幫到你還。

missbeautyfox

我依家唔讀護士將來會後悔，專業人仕幫你計過揾幾千蚊真係還唔起不如

ccmyfuture

天意玩弄人心 發表於 9-6-2024 22:23
點解讀緊書都可以負債60萬？ 我諗你要好好改變下自己理財方法先。

唉，因為自己一時貪念，借左d錢買JPEX ,點知入完冇耐佢就冧左。

square3207

入學 唔洗諗。你入學讀書都唔洗點還。讀完出黎做野都隨時解破

John2628

ccmyfuture 發表於 10-6-2024 07:39
唉，因為自己一時貪念，借左d錢買JPEX ,點知入完冇耐佢就冧左。

JPEX 買來仲咩？ 點解唔買正路的BTC ETH? 仲要借錢？ 睇你的對答已經知道你係不腳踏實地好高騖遠的人。未讀到護士諗住做管理層，買加密貨幣已經係高風險投資但仲要衝入去已經係人都知既騙局嘅平台。如果你屋企人幫你解決咗這個60萬債務反而係害咗你，令你僥倖自己係一時唔好彩，相信將來會有更多問題發生。

mirror0822

將來男朋友都接受唔到破過產要來做咩。

bjerrykmc

其實，還唔到就舉手好合理！

一個傻人

還minipay都萬四，正常還款都難頂落去啦
你屋企人有冇可能幫你還到？
如果冇就真係寧願揀入學啦
你自己都話仲有幾年先畢業
而家申請入學唔使上繳又唔使還款
可以專心讀好書
如果你揀放棄讀書去搵嘢做
過後你可能會後悔

bjerrykmc

破產其實好閒，唔好諗到世界末日咁，只係名義上比普通人多左個名，有啲人話做唔到按揭或者借唔到銀行，其實到你銀行儲到時萬二十萬有埋定期到一定時間大把銀行做你生意，重要你做埋醫護人員更加多機會翻生，過來人同你講，還唔到還唔掂破產啦，唔好聽埋某啲心地唔好既人講

cutespaddy

破產啦

cutespaddy

書照讀～唔好唔做護士～你十畫都未有一撇～咁快想做mgt...

JOJONES

一係搵屋企人幫手,一係就破產
IVA真係唔使諗,1.你未出黎做野2.就算你依家出黎打工,你確定IVA期間你唔使比人炒/減人工?(依現時香港咁既經濟環境)
仲有幾年讀,姐係破產期完晒都畢業/準備畢業

shin122

除左破產無其他方法
唔同屋企人/男朋友講唔得咩

nakamura

樓主最終決定點樣