破產聯盟

標題: 大家點睇 idrp [打印本頁]

作者: peter9225 時間: 19-7-2015 17:44
標題: 大家點睇 idrp
小弟已向Hxbc做idrp
欠h  15個(卡)
Dbs  8.3個(卡)
Boc .  12.3個易達錢
小眾銀行visa卡 5k
月入17500
匯豐已批
已發信去其他銀行投票
感多位C兄  比D意見
成功機率高5高?

作者: peter9225 時間: 19-7-2015 20:41
好擔心

作者: smallcat 時間: 19-7-2015 22:56

做乜咁擔心機會高唔高問銀兩店了不過你肯還佢地會有機會接受反而35個加埋息還4, 5年都唔係短時間了

作者: 301 時間: 20-7-2015 08:30
牽頭銀行最大份已首肯，
仲擔心乜 ?

收入不錯，
其他銀行莫非想多條壞賬!

成功率高，但辛苦你了。

作者: peter9225 時間: 20-7-2015 09:47
多謝301 師兄

作者: peter9225 時間: 20-7-2015 13:06
師兄但我想問萬一失敗可以點搞
揾定係條後路俾自己

作者: Yuequ520 時間: 20-7-2015 16:40
千奇悟好，好似我甘拖得耐佐悟肯幫我搞現在為有破唉

作者: peter9225 時間: 20-7-2015 18:58
即係點?

作者: bbpen 時間: 24-7-2015 04:53
想問下你入紙申請到而家等左幾耐匯豐先答你肯批~??

作者: gringoire 時間: 26-7-2015 11:56

bbpen 發表於 24-7-2015 04:53
想問下你入紙申請到而家等左幾耐匯豐先答你肯批~??

上次大概一個月左右

作者: mingchungkiu 時間: 23-8-2015 22:40
我都剛弓申請了idrp，依家好擔心唔批，想請問銀行覆左你批左未？

作者: mingchungkiu 時間: 23-8-2015 22:52
我剛申請左idrp，依家都好擔心唔批！想請問銀行覆左你是否成功？

作者: 重新戰士 時間: 26-8-2015 21:03

mingchungkiu 發表於 23-8-2015 22:52
我剛申請左idrp，依家都好擔心唔批！想請問銀行覆左你是否成功？

你自己搞真係睇運氣，有人批亦有人唔批。但你自己搞左就算銀行唔批，你都唔可以再去律師都搞DRP，一定係IVA 或者老破。我已經係其他版都有提到，搵律師係貴但是成功機會高！
祝你好運！

作者: jjjjj 時間: 21-9-2015 16:29
師兄們，小弟最大債主刀係c子，想問做idrp係咪要落分行搞？

作者: 重新戰士 時間: 21-9-2015 23:10

jjjjj 發表於 21-9-2015 16:29
師兄們，小弟最大債主刀係c子，想問做idrp係咪要落分行搞？

你有錢，搵律師搞啦！如果你好多時間又英文冇問題仲要一世夠運就自己搞啦！

作者: abc2046 時間: 29-9-2015 13:33
匯豐接受左機會大好過破既但唸過是否可以有能力還冇就破吧

作者: matthew6 時間: 8-10-2015 00:17
樓主有消息未???

作者: gringoire 時間: 11-10-2015 23:41
以我經驗,之前找過律師、會計師等的經驗, 做idrp,找律師的成功機會並不會較高! 直接找銀行先係最佳的方法!當時幫我做idrp的銀行職員都係咁講!
講真,我英文唔叻,根本直接找銀行不用英文叻,銀行職員會幫你搞晒所有文件! 亦會直接問你的財政及欠債情況,及同你評估你能否成功過到其他欠債銀行,如果ok,在經你同意下,才通知其他銀行!所以根本不存在在進行正式申請idrp後, 會被其他銀行追債的情況!

大家上來,係希望得到真正的幫助!
千萬記住: 做idrp, 一定唔好經律師等收費的機構! 直接找銀行做, 才是正道!

作者: 重新戰士 時間: 15-10-2015 23:31

gringoire 發表於 11-10-2015 23:41
以我經驗,之前找過律師、會計師等的經驗, 做idrp,找律師的成功機會並不會較高! 直接找銀行先係最佳的方法! ...

之前都有研究過。

你自己有時間又會可以處理到文件又可以同到銀行傾，你咪IDRP
你冇以上條件，都係搵人搞比較好！最少...你搞DRP由律師出信俾銀行，收數已經要停啦！

IDRP有人成功，亦有人失敗！
DRP亦有人成功，亦有人唔接受太長還款方案而放棄！
你問既銀行職員我都幾肯定係前線人員。前線人員唔係決定人員！
所以有D保留好！

作者: admin 時間: 16-10-2015 22:21
搞 DRP 要找律C定自已搞，就由樓主決定。

我地都有唔小會員自已搞，都成功。

我在想，律C搞DRP，IVA定係老破，點解數字上成功機會大呢？

其實有個好主要原因，就係，律C會睇你個 case，有 90% 把握先至做。個中原因，大家明白，不用多談。

倒轉本說，我覺得銀行其實一睇你個 case 就知得唔得。佢都有精數C，有一套保守的風險計算程式。

所以如果銀行睇完你個 case，覺得 OK，基本上無問題，…因為佢地風險控制較嚴。如果 marginal case，銀行唔肯做，咁律C為左保持佢地專業形象，我估做的機會都唔大。

------------------------------------------------------

當年，我就試過問過 IVA。

阿3姓一口就拒絕。

結果呢，會員有心樣就找下舊文睇。就知我點搞啦。

-----------------------------------------------------------

好多年之後，我就問過都知下內情的人。

老實講，銀行批唔批，會從實際數據入手。

你有幾多收入，爭幾多等，有幾多人養等等。

其實根本唔會理你話你還到幾多錢！唔係你話我用1000/1 個月，佢就信你。佢地有自已formula 計！

-------------------------------------------------------------

正如好多會員，開頭話老破，找律C，上左來睇，見到搞老破其實好易，就自已搞，有D會員，就都係找律C搞一樣。當然律C搞就因為佢地搞得多，就熟手，自已搞就多D煩野。

-----------------------------------------------------------

所以自已搞定找律C搞，就自已睇下自已想點。無話好唔好。

當然，個人意見。

作者: 重新戰士 時間: 17-10-2015 01:00

admin 發表於 16-10-2015 22:21
搞 DRP 要找律C定自已搞，就由樓主決定。

我地都有唔小會員自已搞，都成功。

同意！
所以我先會拆開所有數，再分期！先會知道銀行接受與否！
期實所講既程式....只係計算有冇錢賺同風險成唔成正比！
正確黎講有一個叫AGENT既系統都自動計算。得出黎既分數只要高於3分，就會接受
(1-2-3-4-5)5個級別
呢個系統正接連接一個同金管局管理既SERVER內！目的唔係睇住D市民，
係監督住銀行呆壞帳既多少！流動資金夠唔夠。
有好多人話，我私人貸款駛唔駛?其實佢地只統一去做，目標都係公司借貸！

作者: 重新戰士 時間: 17-10-2015 01:03
其實有好多要睇:
-私人貸款
-信用卡
-樓宇貸款
-車輛貸款
-公司貸款
-孖展戶口
-稅務貸款
-

作者: gringoire 時間: 17-10-2015 12:36
本帖最後由 gringoire 於 17-10-2015 13:35 編輯

重新戰士發表於 15-10-2015 23:31
之前都有研究過。

你自己有時間又會可以處理到文件又可以同到銀行傾，你咪IDRP

對於我經歷有不實的說法, 我需以正視聽:

在時間及收費方面:其實我過去直接向銀行申請idrp,用的時間不會比律師樓費時:我以前在決定直接找銀行前,亦問過不同的(iva)會計師樓及(drp)律師樓,他們要收費!(係因為他們不可能免費幫銀行做,但銀行不收費, 因銀行係做返自己的工作,理所當然, 不用收費! 再加上,如果我地申請破產,銀行更血本無歸,所以不收費亦想幫我地做)! 時間上,銀行與律師樓比較,因銀行直接做, 時間上反而比律師樓快左!
第二,處理文件方面,銀行同律師一樣,都要問你取月結單及欠款資料,之後才做文件! 銀行職員亦會幫我免費做晒所有文件,評估過後,知道會成功,才會通知其他銀行,同時可停止供款! 重申: 以我經歷, 銀行idrp的服務係唔收費用,但律師樓會收費,服務差不多,應選邊種? 大家心內有數!

仲有, 我之前是在考慮左破產、iva、drp後, 最後發現idrp, 比較之下, idrp直接找銀行做! idrp不需任何類型的中介!
之前大家應該聽過唔少,有不少人因找了中介需駛多左錢,亦拖延了時間,行了冤枉路! 成功還好,如不成功的,反而更要多負一筆「債」(費用)!

時至今日,很慶幸自己當時是直接找銀行做idrp! 還有, 我做idrp是經過詳細深思熟慮, 無論在時間、文件方面,真的不比律師樓差,更加慳回一筆律師費,這是自己的親身經歷(當時不同律師樓開出數千到萬多元,叫我去做drp)!

各位有需要呢方面幫忙的會員, 雖然在負債的壓力下,可能會徬徨及心急, 但一定要保持應該有思考能力!

回想以前未做idrp時,因負債壓力,人感到徬徨,心急想決定問題,有次差點墮入中介的圈套,好在當時發現呢個網, 在這裡得到admin及各位師兄的幫忙,最後才找到出路,解決左債務問題!
所以,我會盡自己能力,分享自己的經驗,供大家參考, 希望大家能找到最佳的方式,去解決債務的問題!

(說真,你好熟呢方面的知識,想問下: 你係唔係律師樓的「C爺」呢?)

作者: 重新戰士 時間: 17-10-2015 23:58
本帖最後由重新戰士於 18-10-2015 00:18 編輯

gringoire 發表於 17-10-2015 12:36
對於我經歷有不實的說法, 我需以正視聽:

在時間及收費方面:其實我過去直接向銀行申請idrp,用的時間不會比 ...

我好坦白講！你所講的全部係自己經驗，單一個案！聽你講:真係死得！(唔好怪我直言)
你下下用你自己經驗講:你講黎講去咪又係自己個CASE!
gringoire 你幾多年前做呀??唔係講以前....講現在！你夠唔夠敢膽講自己既所言沒有OUT DATE??
我好老實... IDRP 同DRP 有咩分別...咪就係有一個專業既人幫晒你搞囉！佢會跟據你提出還既條件，再根據你既欠債去按比例計下要還幾多期。如果真係聽你講，個個借完之前去IDRP都得啦！
--------------------------------------------------------
(他們不可能免費幫銀行做,但銀行不收費, 因銀行係做返自己的工作 ,理所當然, 不用收費(銀行幾時開始要負責DRP? 處理DRP申請既部門就有,但係唔代表會幫你通知你既其他債權人)! 再加上,如果我地申請破產,銀行更血本無歸,所以不收費亦想幫我地做)你仲以為你有發球權....(呢個世界邊個有錢就邊個話事架啦！) 錢在我手，春在技頭! 時間上,銀行與律師樓比較,因銀行直接做, 時間上反而比律師樓快左!

我都唔知道你咩邏輯.....銀行要做...唔係血本冇歸....你欠債呀...你唔好玩啦！你唔還咪係一世唔好再借錢囉！
,應選邊種? 大家心內有數!

中介同會計師我的確有所保留，原因係法律上佢地唔係無限公司。所以有咩問題都好，告到盡都係轉公司名！
律師樓係無限公司,佢幫你整錯文件，係法律上你可以告去佢死呀。(當然...背後一定有保險公司啦！最多咪賠錢！)但自己個名衰左都係麻煩！
你自己都IDRP... 咩身份呢??? 欠債人囉！銀行會希望同邊個傾呢........
,應選邊種? 大家心內有數!

銀行職員亦會幫我免費做晒所有文件,評估過後,知道會成功,才會通知其他銀行,
再一次唔知你咩邏輯，
痕身有咩責任幫你通知DXS佢已經接受IDRP。
我話你知，銀行自己用緊咩Vendor派信都係機密啦....講俾其他競爭對手知....！
你叫佢UPDATE 去TU 都難啦....(我就有信証明)你有冇呢！
,應選邊種? 大家心內有數!

*你自己去IDRP，請問...你可以幾時開始會有停止收數行動。你自己打電話去收數????應選邊種? 大家心內有數
*老破既...都識！申請老產(有NO.後就收數..都叫你打俾律師啦) 你話自己可以比得上律師?應選邊種? 大家心內有數

我唔否認我對銀行運作熟悉！但...我可以申報...我亦係過來人！
你想知道多D可以問下其他人。

作者: 重新戰士 時間: 18-10-2015 00:24

gringoire 發表於 17-10-2015 12:36
對於我經歷有不實的說法, 我需以正視聽:

在時間及收費方面:其實我過去直接向銀行申請idrp,用的時間不會比 ...

gringoire :如果我地申請破產,銀行更血本無歸,所以不收費亦想幫我地做
你借.....幾廿億美金呀??????
許仕仁: 係銀行申請佢破產！一間銀行....幾千萬都只係皮毛....
東亞個日...連一仙股價都冇郁過...

<前政務司司長許仕仁，因無法償還巨債被大債主東亞銀行入稟申請破產，昨正式被高院頒令破產，成首名擁大紫荊勳章的破產人士>>

血本無歸 <--- 下次唔好再講啦！真係笑死人

作者: 重新戰士 時間: 18-10-2015 00:48
仲有一件事:
師爺既主要工作係幫律師處理一般來往文件，當然要睇啦！但係唔會去了解銀行同HKMA之間既運作，更加唔會去了解貸款批核情況同程序

我了解律師樓既運作，
我亦了解BANK既運作
我亦知道貸款批核情況同程序
我更加明白DRP, IVA, 老破既後遺症

你話我仲係唔係師爺！仲有師爺一般都大過45歲。我冇囉！

作者: admin 時間: 18-10-2015 15:24
大家有自已意見，何必相爭？

講左意見就算。些文已鎖

歡迎光臨破產聯盟 (http://www.hkiva.org/)