破產聯盟

標題: 入學好辛苦 [打印本頁]

作者: 小小則 時間: 9-9-2022 09:39
標題: 入學好辛苦
見到人地輕輕鬆鬆，而自己每日抖啖氣都難受

無債一身輕，到呢刻先明白

我爭既都係銀行，雖然無再追我數，但一諗到前程，事業，我就不由自主咁愁起黎

好想喊，但喊唔出，反而更辛苦。其實大家係點捱過黎？

作者: mirror0822 時間: 9-9-2022 10:18
完全無影響，我又唔係做專業工。只係倉務文員。

作者: 小小則 時間: 9-9-2022 10:25

mirror0822 發表於 9-9-2022 10:18
完全無影響，我又唔係做專業工。只係倉務文員。

師兄依家第幾年？

當初入學會唔會好辛苦？

我依家出街見到銀行招牌已經好辛苦⋯⋯

就算我做倉務文員，我都驚俾老世睇身份證，我心理出晒事啦已經⋯⋯

作者: Wong1985 時間: 9-9-2022 10:36
4年無你想像咁難過初頭會自己睇唔起自己但係你要好好記住喺你低潮時仍然會有人支持你唔好令佢哋失望工作無咗可以再搵過盡快搵番自信加油！

作者: sygarden 時間: 9-9-2022 10:54
舉手後我都冇做番本行.... 後來投靠全港最大公司...
唔係搵好多, 但勝在穩穩定定, 比以前開心

作者: Carman1216 時間: 9-9-2022 11:20
4年冇你想像中難過，反而你慢慢會覺得輕鬆左唔使好似之前咁日日諗點交錢點搵錢，，，唯一一樣野我覺我有少少唔方便就係只可以有一個戶口，咁我so far又冇諗住轉工，直到而家過咗4年，，我都係做緊呢份工，用緊呢個戶口

作者: mirror0822 時間: 9-9-2022 12:44

小小則發表於 9-9-2022 10:25
師兄依家第幾年？

當初入學會唔會好辛苦？

完全唔辛苦，交左比人幫我攪，已經攪緊解除破產令，律師已幫我同債權人傾掂，本來連本加息要還40幾萬。依家只還20幾萬，7000幾一期，還三年。自由好d，還咪還囉

作者: gordon199871 時間: 9-9-2022 12:53
唔洗咁睇唔起自己wor 如果唔係專業人士或者做金融行業普通公司唔會無啦啦查冊睇你有冇破產頂盡只會查你有冇案底

明白事理嘅人有好多只要唔影響到其他人冇人會理你係咪破產人士

作者: 小小則 時間: 9-9-2022 13:01

Carman1216 發表於 9-9-2022 11:20
4年冇你想像中難過，反而你慢慢會覺得輕鬆左唔使好似之前咁日日諗點交錢點搵錢，，，唯一一樣野我覺我有少 ...

我有7-8個銀行戶口，得返一個，係真係好唔方便

仲有依家無晒錢，如果返工做得唔開心，又係無得走⋯⋯無晒自由

作者: 小小則 時間: 9-9-2022 13:03

mirror0822 發表於 9-9-2022 12:44
完全唔辛苦，交左比人幫我攪，已經攪緊解除破產令，律師已幫我同債權人傾掂，本來連本加息要還40幾萬。 ...

你個本金原本係幾多？

我本金一百幾，好驚以後要解除，都要食我一大筆。我想問4年之後如果想還錢，係咪仲可以分期還？

作者: 小小則 時間: 9-9-2022 13:06

gordon199871 發表於 9-9-2022 12:53
唔洗咁睇唔起自己wor 如果唔係專業人士或者做金融行業普通公司唔會無啦啦查冊睇你有冇破產頂盡只會查你有 ...

我自己係做會計，係係好影響前程。

感覺上都係有個污點喺人生，會覺得「佢破過產」同「佢係監犯」既感覺都係分別不大

作者: 小小則 時間: 9-9-2022 14:56

Wong1985 發表於 9-9-2022 10:36
4年無你想像咁難過初頭會自己睇唔起自己但係你要好好記住喺你低潮時仍然會有人支持你唔好令佢哋失望工 ...

聽完你咁講，嗰刻有d動力返工

不過一見到同事心態咁輕鬆，而自己就⋯⋯有苦自己知⋯⋯⋯

好需要時間

師兄第幾年啦？

作者: 小小則 時間: 9-9-2022 14:58

sygarden 發表於 9-9-2022 10:54
舉手後我都冇做番本行.... 後來投靠全港最大公司...
唔係搵好多, 但勝在穩穩定定, 比以前開心 ...

師兄原本做盛行阿？

大家既心態都咁放鬆，究竟係咪我太執著⋯⋯唉

作者: 欠一百萬 時間: 9-9-2022 15:28

小小則發表於 9-9-2022 14:58
師兄原本做盛行阿？

大家既心態都咁放鬆，究竟係咪我太執著⋯⋯唉

無錯,你是太執著

作者: 小小則 時間: 9-9-2022 15:30

欠一百萬發表於 9-9-2022 15:28
無錯,你是太執著

我好辛苦，一得閒就上破聯...

作者: mzrx7hk 時間: 9-9-2022 15:34
放開d,每事有得必有失,與其執著過去,不如放眼將來

作者: Carman1216 時間: 9-9-2022 15:36

小小則發表於 9-9-2022 13:01
我有7-8個銀行戶口，得返一個，係真係好唔方便

仲有依家無晒錢，如果返工做得唔開心，又係無得走⋯⋯無 ...

無錢有無錢嘅生活方式，呢個心態唔係一時三刻調節到，最難過嘅時候都會過去，試諗下你以前成日俾人追數，月頭變月尾嘅生活，而家變成有番正常錢喺戶口做生活費，咁唔係已好好多咩？

同埋我想講，入學之後，你會知道邊d係真正朋友，我當初入學好怕俾人知，但直到我鼓起勇氣同我最好嗰個朋友講，佢只講咗句，唔緊要啦，而家都好多人係咁，我同佢到而家都重好好朋友架

作者: Carman1216 時間: 9-9-2022 16:14

gordon199871 發表於 9-9-2022 12:53
唔洗咁睇唔起自己wor 如果唔係專業人士或者做金融行業普通公司唔會無啦啦查冊睇你有冇破產頂盡只會查你有 ...

係㗎，正常都冇人會理你係咪破產，，最緊要自己唔好睇唔起自己

作者: 小小則 時間: 9-9-2022 16:56

mzrx7hk 發表於 9-9-2022 15:34
放開d,每事有得必有失,與其執著過去,不如放眼將來

唔知係咪入學呢個代價係咪可以改變我執著既個性

希望我都可以做到你地咁從容

始終都會不由自主咁諗。師兄解破完未？

作者: 小小則 時間: 9-9-2022 17:00

Carman1216 發表於 9-9-2022 15:36
無錢有無錢嘅生活方式，呢個心態唔係一時三刻調節到，最難過嘅時候都會過去，試諗下你以前成日俾人追數， ...

我成日諗，當初唔借錢，無咁大個頭唔好戴咁大頂帽就好

針唔拮到肉唔知痛。d人未經歷過，可能覺得好少事，如果主角係佢，可能佢都崩潰⋯⋯⋯

不過，朋友無當面奚落其實已經好好

即使人地唔知道，我自己係睇唔起自己～希望經呢件事，我識放低啦⋯⋯

作者: Carman1216 時間: 9-9-2022 17:03

小小則發表於 9-9-2022 17:00
我成日諗，當初唔借錢，無咁大個頭唔好戴咁大頂帽就好

針唔拮到肉唔知痛。d人未經歷過，可能覺得好少事 ...

你係執著左啦⋯⋯

作者: 小小則 時間: 9-9-2022 17:13

Carman1216 發表於 9-9-2022 17:03
你係執著左啦⋯⋯

你一開始要幾耐時間先收拾好心情⋯⋯？

作者: mzrx7hk 時間: 9-9-2022 17:16

小小則發表於 9-9-2022 16:56
唔知係咪入學呢個代價係咪可以改變我執著既個性

希望我都可以做到你地咁從容

我解左喇,你都可以的,加油

作者: John2628 時間: 9-9-2022 17:28

小小則發表於 9-9-2022 17:13
你一開始要幾耐時間先收拾好心情⋯⋯？

你有冇配偶同子女？如果冇都冇太多問題，放低自己去接納事實

作者: Carman1216 時間: 9-9-2022 17:32

小小則發表於 9-9-2022 17:13
你一開始要幾耐時間先收拾好心情⋯⋯？

其實我除咗入學有信寄到屋企，知道阿媽同家姐相量話幫我還等我唔使入學嗰陣，心情有少少爭扎之外，我心情反而係冇乜特別，因為嗰陣我係把心一橫從新開始，直情由以前做餐廳轉行，去一個新環境從頭黎過~~

作者: 小小則 時間: 9-9-2022 18:08

mzrx7hk 發表於 9-9-2022 17:16
我解左喇,你都可以的,加油

多謝⋯⋯我爭成百幾萬。其實諗緊4年之後想還清⋯⋯其實有無必要還，我煩緊以後還錢，咁樣係咪都係執著⋯⋯？

作者: 小小則 時間: 9-9-2022 18:09

John2628 發表於 9-9-2022 17:28
你有冇配偶同子女？如果冇都冇太多問題，放低自己去接納事實

無....

係自己過唔到自己嗰關。

早知今日何必當初，當初借錢不自量力，怪自己幼稚

作者: 小小則 時間: 9-9-2022 18:14

Carman1216 發表於 9-9-2022 17:32
其實我除咗入學有信寄到屋企，知道阿媽同家姐相量話幫我還等我唔使入學嗰陣，心情有少少爭扎之外，我心情 ...

你當時爭幾多錢，如果屋企人幫到，我都唔想入學

如果有人借百幾萬俾我，又可以攤十年還，我都唔會揀入學

點解你當初入學既決心咁大？真係無咩人會想入學，又會無面，無自由，個底又花晒

好彩我同你一樣，屋企人好支持我，但錢銀太大真係幫唔到我⋯⋯⋯⋯⋯

你依家轉左咩行業？

我除左識做會計⋯⋯其他都唔掂⋯⋯⋯要轉行要好大勇氣架⋯⋯⋯一d都唔簡單⋯⋯

作者: mzrx7hk 時間: 9-9-2022 19:04

小小則發表於 9-9-2022 18:08
多謝⋯⋯我爭成百幾萬。其實諗緊4年之後想還清⋯⋯其實有無必要還，我煩緊以後還錢，咁樣係咪都係執著⋯ ...

冇必要咁做,破產期間你都有還款的,有錢留返傍身啦

作者: Carman1216 時間: 9-9-2022 19:10

小小則發表於 9-9-2022 18:14
你當時爭幾多錢，如果屋企人幫到，我都唔想入學

如果有人借百幾萬俾我，又可以攤十年還，我都唔會揀入學 ...

前面都有師兄師姐講過，其實除咗某些職業會查有冇破產外，正常人都唔會理身邊同事係咪破產囉，唔好俾無謂嘅面子，自尊廹自己埋一邊，呢個過渡期要靠自己㗎⋯⋯

作者: 小小則 時間: 9-9-2022 19:11

mzrx7hk 發表於 9-9-2022 19:04
冇必要咁做,破產期間你都有還款的,有錢留返傍身啦

4年之後廢止咗破產令之後，我係咪可以做返原本做唔到既野？

Eg 開返銀行戶口，工作上唔受影響eg 可以做銀行業等等⋯⋯

作者: mzrx7hk 時間: 9-9-2022 19:25

小小則發表於 9-9-2022 19:11
4年之後廢止咗破產令之後，我係咪可以做返原本做唔到既野？

Eg 開返銀行戶口，工作上唔受影響eg 可以做 ...

你解破見工可以母需要話比人知你破過產,人哋check唔check 就唔知

作者: mirror0822 時間: 9-9-2022 20:20
入學有咩咁辛苦，犯法坐監果d仲辛苦

作者: amberfung1983 時間: 9-9-2022 20:42
其實入學又唔係咁辛苦，個4年又唔係

作者: 小小則 時間: 9-9-2022 20:44

Carman1216 發表於 9-9-2022 19:10
前面都有師兄師姐講過，其實除咗某些職業會查有冇破產外，正常人都唔會理身邊同事係咪破產囉，唔好俾無謂 ...

公務員，銀行就查⋯⋯

我做會計既，大公司都可能會查⋯⋯以後就少左上升機會⋯⋯男人嘛⋯⋯好睇重事業

我係衰自尊心，借貸過度都係為咗搵錢⋯⋯可惜⋯⋯⋯為咗搵錢，最終無晒不突止，仲害咗自己⋯⋯

我會學好放低所謂自尊心，要d時間⋯⋯⋯或者上天就係為咗俾個教訓我，好好做人⋯⋯

作者: amberfung1983 時間: 9-9-2022 20:49
個4年又唔使數冚數，多餘錢又可以去旅行。4年好快過，解破完後一樣可以申請返信用卡，又可以買樓。呢位師弟你諗吓，你而家除左入學，仲有其他路行嗎？起碼你仲有得㨂，入學就可以解決目前嘅問題。有好多借黑財嘅，入學都俾人繼續追，仲恐怖。只要個人仲喺度，冇咩解決唔到。

作者: 小小則 時間: 9-9-2022 20:53
本帖最後由小小則於 9-9-2022 20:57 編輯

amberfung1983 發表於 9-9-2022 20:42
其實入學又唔係咁辛苦，個4年又唔係

師兄，又見到你真好

我好驚人生留有污點，好對唔住自己，好對唔住家人。我愈驚留有污點，最後反而污點搵上我。

我會盡力捱呢4年⋯⋯之前為咗搵錢，係因為錢係帶黎自由⋯⋯而我覺得自由最重要⋯⋯到頭來失去自由.....

師兄，我純粹廢話連篇感慨一下，咁樣我會舒服d⋯⋯多謝你入黎留言⋯⋯

作者: amberfung1983 時間: 9-9-2022 20:54
食得訓得，有健康嘅身體，我已經好感恩。有時呢啲自己已經擁有嘅嘢，有啲人可能幾多錢都擁有唔到。珍惜當下，隨遇而安

作者: Carman1216 時間: 9-9-2022 21:06
有時間掃下再前啲嘅post，，好多師姐師兄經歷嘅情況，你個心會釋懷好多，，，入咗學有份生活費，扣減正常開支，重有少少錢儲或者買下自己想要嘅嘢，如果冇入學，，只有不停輪迴諗點還點盛，，，

作者: 小小則 時間: 9-9-2022 21:07

amberfung1983 發表於 9-9-2022 20:54
食得訓得，有健康嘅身體，我已經好感恩。有時呢啲自己已經擁有嘅嘢，有啲人可能幾多錢都擁有唔到。珍惜當下 ...

多謝你阿師兄。我屋企都係咁樣鼓勵我.......

不過我唔能夠同地呻，佢地聽得多會好心煩，亦會好擔心我。因為我集中唔到做其他事，所以經常上黎呻，呻完會轉移下注意力，會舒服d, 唔好見怪.....

佢地都擔心我，驚我睇唔開，一放工就叫我返堅企...........同時間，我同理心又多左，明白多左97個負資產既人既心情，一時睇唔開真係會做蠢事......

我會盡力收拾心情，好d個陣再做返運動

作者: yello 時間: 9-9-2022 21:20
一切都係整定....

作者: yello 時間: 9-9-2022 21:22

yello 發表於 9-9-2022 21:20
一切都係整定....

條係大路通羅馬師兄唔好再轉牛角尖..
諗黎都無用順其自然啦....
4年好快過嫁炸

作者: Carman1216 時間: 9-9-2022 21:40

yello 發表於 9-9-2022 21:22
條係大路通羅馬師兄唔好再轉牛角尖..
諗黎都無用順其自然啦....
4年好快過嫁炸

x2….師弟加油呀！

作者: CAT008 時間: 9-9-2022 21:50
我剛畢業。其實無乜話難過。好似打麻雀甘。一手爛牌。我寧願推牌再來過。下舖摸唔到。咪唔好出衝。守住個櫃桶。四圈後可能舖舖自摸呢？,趁呢四年。戒左因乜導致入學既原因。唔好重轁覆切。時間過得好快。我，儲下錢。

作者: 小小則 時間: 9-9-2022 22:05

yello 發表於 9-9-2022 21:22
條係大路通羅馬師兄唔好再轉牛角尖..
諗黎都無用順其自然啦....
4年好快過嫁炸

師兄你都係岩岩入學............

咁咁咁睇得開既...........好多師兄師姐都好睇得開........好明顯係我性格有問題........真係整定，上天要我改變呢個性格.........

作者: 小小則 時間: 9-9-2022 22:09

Carman1216 發表於 9-9-2022 21:40
x2….師弟加油呀！

師兄/師姐，多謝支持.........

4 年唔算難過，我係難過我之後既人生，不過各師兄師姐都已經講定，諗黎都無用，都唔諗得咁多......理道我依家都明白，係要d時間，仲埋仍然會呻完又呻.........

得閒既話，多d上黎，因為破聯已經變左我聚腳地........無你地，我更捱唔住.....

作者: 小小則 時間: 9-9-2022 22:19

CAT008 發表於 9-9-2022 21:50
我剛畢業。其實無乜話難過。好似打麻雀甘。一手爛牌。我寧願推牌再來過。下舖摸唔到。咪唔好出衝。守住個櫃 ...

我自己係性格累事......自以為是，以為自己賺硬錢，信自己眼光......借貸過度，結果就.....有眼你睇......

依家發覺有份工原來都好幸福（我未試過失業，只係慾望大，不滿現狀，依家跌低左，總算學識左珍惜依家有既野）

因為我做會計，入學對我將來工作發展有好大影響。呢個代價對我好大，所以令我睇唔開係呢度。我依家學識珍惜工作，但醒覺得太遲，我已經無機會再犯錯.....

原來，有機會犯錯都係好事，但我已經無機會.....

暫時我只能夠處理眼前既事，學師兄師姐所言，食得訓得就好，唔好理咁多先........ （我有時需要搵個地方呻，否則會好唔舒服)

作者: 魔人布歐 時間: 9-9-2022 22:45
其實呢度有幾多人係破到第二或第三次？

作者: yello 時間: 9-9-2022 23:07

小小則發表於 9-9-2022 22:05
師兄你都係岩岩入學............

咁咁咁睇得開既...........好多師兄師姐都好睇得開........好明顯係我 ...

刨左破聯幾百個帖文有2大總結
1:破得太遲蝕左....
2:4年轉眼即逝

作者: Carman1216 時間: 9-9-2022 23:17

魔人布歐發表於 9-9-2022 22:45
其實呢度有幾多人係破到第二或第三次？

前排有人開post話自己預備破第二次，問左個幾月問題都好似未入學，之後佢發脾氣話以後都唔問問題，，，唔知佢入咗學未嚕，，，

作者: kaichung 時間: 9-9-2022 23:56
我也剛入左學二個月，日子開頭係難過D，但諗起現在不用再跑數就鬆曬個人，人也開心左，同家人關係也好左，衹係現用現金同慳D使，但起碼到月尾時仲有錢剩，現在又不用靜靜雞打去績借，又不用上去旺角D二線財地方，真係有重新感覺

作者: cacawong 時間: 10-9-2022 01:16
我已經兩年，過左一半，自問自己唔係賭都一身債，慘的時候，身邊人無人幫到。另一半有理想無錢，想佢發達，也曾風光過短時間，後來每月收入都去還卡數

作者: cacawong 時間: 10-9-2022 01:18
比左A 卡， a 卡吐現還b 卡，兩年前新年問親人借兩萬都借不到，比唔到 min pay 只好去破產

作者: cacawong 時間: 10-9-2022 01:20
最慘個時我打去 x 瑪利亞xx 會找人傾訴。我覺得好有用

作者: cacawong 時間: 10-9-2022 01:22
而兩年機緣巧合轉行收入雖然唔穩定，但每個月人工都OK

作者: 貓女 時間: 10-9-2022 02:12
4 年好快過...我破果時係兩個月內經歷先失戀, 後失業, 再破產...
我仲要唔可以同任何人講...所有所有我自己一個人去面對...
當日入學果時就好似世界未日咁....世界係黑色...

我好記得我3年多前上破聯有位 flyping 師兄同我講過一番話,,,...就係尼番話令我振作...
我copy 返比你睇...亦希望你爬返起身...加油4 年真係好快過...唔好放棄自己

以下是 flyping 師兄當日給我的話

呢D野在乎你點諗!!!
李白講過, 棄我去者昨日之日不可留.
即係留黎都SIDE GAS,要走的,早走早著.
至於失業,香港地,轉下新工有幾奇??? 東家唔打打西家.
你唔好以為一世都搵唔到工!!! 呢個世界,邊有咁著數,可以永遠唔駛番工呀!!!
最後破產,我都諗唔到有咩機會,可以搞幾粒鐘,或者兩三日,可以WRITE OFF 幾十萬債務 .
頂多所謂4年老破,真係4年都應付破署咩???? 咪一年花幾粒鐘準備下報表,覆下外判咁.
真正慘,唔係你,係債主.
真正慘,唔係破產,係欠人錢無得破產!!
到時收數超煩,你屋企,你親戚,你公司......真係邊度都唔駛去喇!!!!

樂觀與悲觀,只在一念之間.

作者: 魔人布歐 時間: 10-9-2022 08:25

貓女發表於 10-9-2022 02:12
4 年好快過...我破果時係兩個月內經歷先失戀, 後失業, 再破產...
我仲要唔可以同任何人講...所有所有我自己 ...

咁貓女你呢四年經歷過咩難關？

作者: amberfung1983 時間: 10-9-2022 08:38

小小則發表於 9-9-2022 21:07
多謝你阿師兄。我屋企都係咁樣鼓勵我.......

不過我唔能夠同地呻，佢地聽得多會好心煩，亦會好擔心我。 ...

有屋企人支持你好好吖，好難得有屋企人體諒同鼓勵你！其實我覺得呢破產唔係污點。肯入學唔走數，承擔錯誤，為自己嘅行為埋單，先係負責任嘅行為！特朗普都破幾次啦，咪又可以東山再起。跌低唔緊要，最緊要識得爬返起身。得閒咪上黎呻下囉，咁多師兄師姐陪你呻。

作者: amberfung1983 時間: 10-9-2022 08:40

魔人布歐發表於 9-9-2022 22:45
其實呢度有幾多人係破到第二或第三次？

我爬文都見到有幾個

作者: 小小則 時間: 10-9-2022 09:01

貓女發表於 10-9-2022 02:12
4 年好快過...我破果時係兩個月內經歷先失戀, 後失業, 再破產...
我仲要唔可以同任何人講...所有所有我自己 ...

師姐，多謝你講返你既經歷同鼓勵

我既世界都係黑色，臨近中秋佳節，見人輕輕鬆鬆，反而令我更愁緒.....

知道師姐去左外國，小弟覺得自己以後留喺香港都會好壓抑，想問師姐，當其時你同外判要移民，係咪只係知會一聲，寫封聲明書，留德國電話，地址咁就搞掂？其實係咪會面都唔需要？

我依家錢又無，乜都無，想離開一下去外國，由0開始打工，就算唔使上繳，去到外國我亦會比香港更辛苦。點解我想咁揀？因為，我做專業工，破左對我前程好大影響........4年後對我未必係重生，可能去到第二度，先做到重生.....我唔知道，只係我想試.....

我自己心態又比較悲觀，所以就日呻夜呻，日愁夜愁....

作者: 小小則 時間: 10-9-2022 09:18

amberfung1983 發表於 10-9-2022 08:38
有屋企人支持你好好吖，好難得有屋企人體諒同鼓勵你！其實我覺得呢破產唔係污點。肯入學唔走數，承擔錯誤 ...

走數，個底依然會花晒，我見d人都係去左外國避.........我爭既係銀行數，如果走數，銀行都會交去收數公司....

師兄，我依家就係諗緊去外國東山再起（唔為東山再起，可以搵份工掂得生活我都會好感恩，珍惜）

依家錢又無，但諗頭依然又大，呢d就係庸人自擾掛.....

記得師兄解破左，係咪都對你日常生活無任何影響? ( 排除銀行戶口少左，無左信用卡既因素)

作者: 小小則 時間: 10-9-2022 09:27

kaichung 發表於 9-9-2022 23:56
我也剛入左學二個月，日子開頭係難過D，但諗起現在不用再跑數就鬆曬個人，人也開心左，同家人關係也好左， ...

師兄可唔可以分享一下，上繳佔你既人工幾多%.....我都想儲錢....

無債一身輕，家人由細開始講，點解一定要痛過先明？道理好多都知，但硬要次次都要痛完之明，人生好苦，我指我既人生...........

作者: Stanyan1229 時間: 10-9-2022 10:32
你太執著了，人生唔係只有錢同事業。我當時係自己定左個目標，無論幾攰幾辛苦，都一定每日要做30分鐘運動，以家已習慣每晚抽30分鐘，去跑步（除非打風），你要定下一個目標，同埋學習（斷捨離）

作者: 小小則 時間: 10-9-2022 11:22

Stanyan1229 發表於 10-9-2022 10:32
你太執著了，人生唔係只有錢同事業。我當時係自己定左個目標，無論幾攰幾辛苦，都一定每日要做30分鐘運動， ...

又見到師姐，真係好

依家岩岩初期，我的確仲諗緊身外物既野，eg 10個bank account 無晒....個名臭晒...事業無左，錢無晒....無自由 ....我盡量調整......等我安頓晒.....我會去佛堂靜心一下............

返工壓力大，以前我都有跑步習慣 (平時跑步期間個腦個諗好多野，只係跑完步之後先會鬆），最近無跑，因為我驚跑步個腦會亂諗野........不過我會試下假期跑下步，搵返以前既節奏

同埋，返工辛苦，我一直有睇物理治療，職業病嘛，長期坐......希望第日生活費會計我物理治療費....

師姐，你經過3年，你依家有咩小目標?

作者: 小小則 時間: 10-9-2022 11:27
本帖最後由小小則於 10-9-2022 11:29 編輯

yello 發表於 9-9-2022 23:07
刨左破聯幾百個帖文有2大總結
1:破得太遲蝕左....
2:4年轉眼即逝

呢2點，係我羨慕各師兄師姐既睇事既態度。。。。

今朝有酒今朝醉，我一直都羨慕呢種性格。點解我會羨慕？因為我自己唔係呢種性格，所以就好想係呢種個性

我要向大家學習......

作者: amberfung1983 時間: 10-9-2022 13:52

小小則發表於 10-9-2022 09:18
走數，個底依然會花晒，我見d人都係去左外國避.........我爭既係銀行數，如果走數，銀行都會交去收數公司 ...

完全冇影響，過得非常開心。其實多得入學，個4年學習量入為出，改左以前大洗嘅習慣，得閒又去學下嘢自我增值下，草到少少錢又可以去下旅行。解破後我等多5年先申請信用卡，而家每次用都mark低，唔會洗過龍。而家只係睇下過兩年點做按揭買樓咁，我見好多師兄都做到，我諗我應該問題唔大嘅。

作者: 小小則 時間: 10-9-2022 14:38

amberfung1983 發表於 10-9-2022 13:52
完全冇影響，過得非常開心。其實多得入學，個4年學習量入為出，改左以前大洗嘅習慣，得閒又去學下嘢自我 ...

聽師兄咁講，感覺入學都唔算咁差....

我一直都係疑惑緊，後悔緊，當初係咪應該努力做DRP，唔好入學......(做DRP 我知道會無生活費，即係條路唔work，但始終都係忍唔住諗)......如果會有努力問親人朋友借，或者唔會搞到要入學（最後我都唔好意思問.........我知人地都唔會願借)

庸人自擾，我都係唔好煩咁多好......疊埋心水..... 能夠離開HK就離，去唔到就香港求其打份工，餓唔死就算....

師兄，想問多一樣野，如果做到DRP，你當其時會唔會揀 DRP......? 定係都係好果斷入學....?

如果身邊有人借幾十俾我，我會揀做DRP, 辛苦我都會捱架........ (如果有得揀既話)

作者: John2628 時間: 10-9-2022 15:47

小小則發表於 10-9-2022 14:38
聽師兄咁講，感覺入學都唔算咁差....

我一直都係疑惑緊，後悔緊，當初係咪應該努力做DRP，唔好入學...... ...

師兄唔好話我潑你冷水，其實睇你的文咁耐你做會計對於風險管理好似比較弱些⋯⋯ 有時候點解做會計唔可以發達係有原因⋯⋯ 成功做生意的人係要有頭腦去風險評估。你應該係自少讀書唔差的人，有時候人仲係要接受失敗嘅經驗先會成長，你咁後生唔怕跌低咗再地返身，人生唔一定只做死一行，我做左廿幾年工作，做過好多行先知道咩先比較適合自己。

作者: 小小則 時間: 10-9-2022 16:18

John2628 發表於 10-9-2022 15:47
師兄唔好話我潑你冷水，其實睇你的文咁耐你做會計對於風險管理好似比較弱些⋯⋯ 有時候點解做會計唔可以 ...

師兄，你講得無錯

我呻嗰陣，我屋企人都會心煩，會鬧我要睇風險，睇後果

呢段理間諗返起讀書既理論，又諗返書中讀既知識，又諗起列根總統總講過既話，其實道理我都明。當自己做主角嗰陣，就迷失左⋯⋯唉

我就係因為仲後生，呢個後果對我完全承受唔到，但我無第二條路。

我犯呢個錯，已經否定咗我既聰明。就好似一人犯左法，就否定佢既好。呢個係社會既枷鎖，係擺脫唔到

我多謝各師兄師姐安慰，同對我既包容

作者: 貓女 時間: 10-9-2022 16:29
本帖最後由貓女於 10-9-2022 16:36 編輯

魔人布歐發表於 10-9-2022 08:25
咁貓女你呢四年經歷過咩難關？

一個都無

我破左後好快就覺得輕鬆哂...我而家有時間就同另一伴入球場睇波...
上星期我同另一伴過左去英國玩仲入左奧脫福球場睇曼聯主場對阿仙奴...

曼魚羸左3:1 我幾乎開心到裸跑

作者: 貓女 時間: 10-9-2022 16:34

小小則發表於 10-9-2022 09:01
師姐，多謝你講返你既經歷同鼓勵

我既世界都係黑色，臨近中秋佳節，見人輕輕鬆鬆，反而令我更愁緒.....

尼個世界有一樣好重要既野叫吸引力發則....所以一定要心態正面,唔好諗咁多負面野, 唔好咁悲觀....

相信我啦...正面D 好快會雨過天晴...

我係跟主任..我書面通知佢,同交代邊個比錢我過去, 邊個比生活費..留電話,地址, EMAIL 就得...
年報我EMAIL 交

作者: 貓女 時間: 10-9-2022 16:45

John2628 發表於 10-9-2022 15:47
師兄唔好話我潑你冷水，其實睇你的文咁耐你做會計對於風險管理好似比較弱些⋯⋯ 有時候點解做會計唔可以 ...

岩呀....特朗普都破左4次啦...XDDD

作者: 小小則 時間: 10-9-2022 16:48

貓女發表於 10-9-2022 16:34
尼個世界有一樣好重要既野叫吸引力發則....所以一定要心態正面,唔好諗咁多負面野, 唔好咁悲觀....

相信 ...

師姐，我盡力，我會盡力

我想問一頒左令，未開債權人會議情況下，知唔知可否通知破處講自己會離港⋯⋯？

作者: 貓女 時間: 10-9-2022 17:02

小小則發表於 10-9-2022 16:48
師姐，我盡力，我會盡力

我想問一頒左令，未開債權人會議情況下，知唔知可否通知破處講自己會離港⋯⋯？ ...

尼樣唔知...你要問主任..

作者: 小小則 時間: 10-9-2022 17:13

貓女發表於 10-9-2022 17:02
尼樣唔知...你要問主任..

吸引力法則，驚嗰樣黎嗰樣........

保險我買2份，一份向同事介紹既經紀買，一份向同學買.........愈唔想人知點知都會通晒天

依家唯有就見步行步，得閒睇下書，強身健體......等頒令.....

師姐，我希望好似你咁，順順利利咁去第二度生活......

師姐，當時你係咪一頒令就通知離開HK, 需唔需要講幾時返港?

作者: 貓女 時間: 10-9-2022 17:29

小小則發表於 10-9-2022 17:13
吸引力法則，驚嗰樣黎嗰樣........

保險我買2份，一份向同事介紹既經紀買，一份向同學買.........愈唔想 ...

大半年後先同主任講....唔需要講幾時返可能我主任好...
佢只提我記得交年報

同埋有咩E貓聯絡..

話咁快我就有半年多少少就畢業

作者: 小小則 時間: 10-9-2022 17:40

貓女發表於 10-9-2022 17:29
大半年後先同主任講....唔需要講幾時返可能我主任好...
佢只提我記得交年報同埋有咩E貓聯絡..

多謝師姐既資料.....

你主任真係好..........用得email 聯繫即係代表好少野要跟..........

到時我再睇下email 通知抑或書面通知.......

下面就係之前師兄／師姐俾既離港template....

——————————————————
引用: 本人xxx,破產案xxx年第xxx宗,現通知受託人,本人於下列日期離開/進入香港
之有關情況:
離港日期:
回港日期:
目的地:
離港原因:
使費支付者姓名:

作者: 貓女 時間: 10-9-2022 17:46

小小則發表於 10-9-2022 17:40
多謝師姐既資料.....

你主任真係好..........用得email 聯繫即係代表好少野要跟..........

你想去邊??

作者: 貓女 時間: 10-9-2022 17:56
有正能量每一個難關也會比較容易過亦唔駛令自己咁辛苦...
既成事實既事無必要日日夜夜咁沉淪係負面情緒中, 咁樣會令自己萬劫不復...
人係求生的...唔好放棄自己..

我係尼度3年幾我真係好少講咁多野....

加油

作者: 小小則 時間: 10-9-2022 18:07
本帖最後由小小則於 10-9-2022 18:12 編輯

貓女發表於 10-9-2022 17:46
你想去邊??

原本就北美....依家多數係UK........唉....

講真我唔死都無用, 爭銀行百幾，另外又蝕左屋企幾十
依家屋企更依賴我，講得我更無能力走.......我成世都還唔到俾屋企人，佢地想我之後點，我都會照聽

原本順順利利，大好青年，依家就.....我都唔知可以再講咩，垃圾

愈講愈想喊，但又喊唔出, 好辛苦阿...................

作者: 貓女 時間: 10-9-2022 18:12

小小則發表於 10-9-2022 18:07
原本就北美....依家多數係UK........唉....

講真我唔死都無用, 爭銀行百幾，另外又蝕左屋企幾十

唔好再不停放負啦...你再係咁既思維真係無人幫到你..

唔好再怨..就算走唔到都可以係香港從新來過...

作者: 小小則 時間: 10-9-2022 18:16

貓女發表於 10-9-2022 17:56
有正能量每一個難關也會比較容易過亦唔駛令自己咁辛苦...
既成事實既事無必要日日夜夜咁沉淪係負面情緒中, ...

對我呢d傷春悲秋既人，會比起其他人需要更加多時間。或者對我呢d只欠銀行，留返條賤命已經好好

多謝師姐入黎留言，我已經好感激, 我祝你生活安康

作者: 貓女 時間: 10-9-2022 18:24

小小則發表於 10-9-2022 18:16
對我呢d傷春悲秋既人，會比起其他人需要更加多時間。或者對我呢d只欠銀行，留返條賤命已經好好

多謝師姐 ...

你咁傷春悲秋..做你身邊人會好辛苦同難過的...

為家人為至親至愛就唔好再日日夜夜咁沉淪係自己內心既悲傷世界去再次傷害爰你既人...

加油...

作者: 小小則 時間: 10-9-2022 18:54

貓女發表於 10-9-2022 18:24
你咁傷春悲秋..做你身邊人會好辛苦同難過的...

為家人為至親至愛就唔好再日日夜夜咁沉淪係自己內心既悲 ...

師姐，知道......呻完我都好d......我會改好我d壞性格, 我會盡力做好眼前既野....

未出事之前，我鐘意做既野就係睇書....我一陣都會重新睇書......會跑返步 (Stanyan師姐提醒俾自己既小目標)，我會慢慢做返呢2樣我平時會做既野

我多謝你抽時間上黎, 多謝你留言

作者: Carman1216 時間: 10-9-2022 19:50

貓女發表於 10-9-2022 17:56
有正能量每一個難關也會比較容易過亦唔駛令自己咁辛苦...
既成事實既事無必要日日夜夜咁沉淪係負面情緒中, ...

我有印象你嗰期重有個同學仔叫萬念俱灰同之前comment過嘅Stanyan1229，唔知佢而家過成點呢？

作者: Carman1216 時間: 10-9-2022 19:54

小小則發表於 10-9-2022 18:07
原本就北美....依家多數係UK........唉....

講真我唔死都無用, 爭銀行百幾，另外又蝕左屋企幾十

爭屋企嘅，你生生性性俾心機從新做人，揾到錢慢慢還都唔遲，，

我臨畢業前家姐幫我開咗支票交哂欠嘅上徼，，，佢唯一要求我每月按時俾返家用，再慢慢還

作者: 小小則 時間: 10-9-2022 20:02
貓女師姐, 想問下你老破之後對你之後入籍會唔會有影響?

岩岩問左去左外國既朋友，佢填嗰張application form 搵工個陣都會問及佢有無破過~

或者我地呢行就係咁，好睇誠信

作者: 小小則 時間: 10-9-2022 20:08

Carman1216 發表於 10-9-2022 19:54
爭屋企嘅，你生生性性俾心機從新做人，揾到錢慢慢還都唔遲，，

我臨畢業前家姐幫我開咗支票交哂欠嘅上徼 ...

知道，我會生生性性

你家姐都好唔錯.....我第日出糧會預留上繳費....唔會亂用.....

作者: John2628 時間: 10-9-2022 21:51

小小則發表於 10-9-2022 18:54
師姐，知道......呻完我都好d......我會改好我d壞性格, 我會盡力做好眼前既野....

未出事之前，我鐘意做 ...

其實你的問題去到外國都未必可以重新來過，外國並不是好好環境，移民外國去搶人飯碗，一定唔會好似係香港咁好

作者: 小小則 時間: 10-9-2022 22:17
本帖最後由小小則於 10-9-2022 22:27 編輯

John2628 發表於 10-9-2022 21:51
其實你的問題去到外國都未必可以重新來過，外國並不是好好環境，移民外國去搶人飯碗，一定唔會好似係香港 ...

師兄，你講緊我既行業既話，個底花左去到邊都唔未必都可以重新黎過嗎？

如果你係指呢樣既話，的確係，去到外國都唔能夠重生.....因為我朋友搵工填form 都會申報問有無破過....

還是你係泛指大環境呢？係阿, 我都係好難同本地人競爭......

除非我香港轉到行......或者做唔使學歷既工，我又唔抗拒既.....可能揸車....

作者: Carman1216 時間: 10-9-2022 22:28

小小則發表於 10-9-2022 22:17
師兄，你講緊我既行業既話，個底花左去到邊都唔未必都可以重新黎過嗎？

如果你係指呢樣既話，的確係，去 ...

你個底又可以會有幾花？花得過有案底？

根本冇人會無端端同其他人講，喂，講樣野你知丫，我破產呀⋯⋯
只不過你份工較敏感，
前面都有人講過，至多咪轉行再黎過～
我由10幾歲一直做飲食10幾年，入學嗰年連工種都轉埋，從新學過所有野咪又係咁，
你重細個，做唔返本行咪試吓轉行囉，
冇嘢係行唔返出嚟，

我係你，而家就乜都唔諗住，處理好入學嘅嘢先再諗下一步，同埋，真係唔好再諗埋一邊

作者: exxnxxhx 時間: 10-9-2022 22:39
我覺得樓主現階段首先要調整返個心態先，放鬆心情，學識放低同取捨，人生就係咁，順流逆流，有得有失，有高低起伏，嘗試正面面對入學嘅事，好好生活，等頒令後穩定咗先再諗去外國嘅事啦，呢啲要計劃嘅急唔嚟

作者: John2628 時間: 10-9-2022 23:13

Carman1216 發表於 10-9-2022 22:28
你個底又可以會有幾花？花得過有案底？

根本冇人會無端端同其他人講，喂，講樣野你知丫，我破產呀⋯⋯

樓主係放唔開之前努力得到的會計專業資格，因為自己的過錯失去左大好河山。人生就係咁當你以為一心專心投入工作得到成績，但因為犯錯失去所有野一定會有失敗感同情緒抑鬱。人生冇經過事件唔係唔知自己方向，可能失去左一的野就會有新嘅嘢出現係你面前。好多人一出世就有病但都會努力活下去。

作者: Carman1216 時間: 10-9-2022 23:16

John2628 發表於 10-9-2022 23:13
樓主係放唔開之前努力得到的會計專業資格，因為自己的過錯失去左大好河山。人生就係咁當你以為一心專心投 ...

我理解，所以好希望佢可以慢慢接受返同唔好亂諗嘢，，，可以調節好心態

作者: 小小則 時間: 10-9-2022 23:29

Carman1216 發表於 10-9-2022 22:28
你個底又可以會有幾花？花得過有案底？

根本冇人會無端端同其他人講，喂，講樣野你知丫，我破產呀⋯⋯

都唔諗得咁多，仲算後生，暫時仲食到飯，仲瞓到覺，比起好多人都算幸福（我只係暫時胃口唔好，朝早特別早起身, 我相信都會係暫時性）

之前我好介意個名長存破署，依家無咁介意。依家係擔心將來工作，不過我諗我會慢慢無咁擔憂

問過朋友，爭百幾，用十年還定入學4年搞掂就算，佢地基本上都係答4年...我諗我亦都唔使再煩係咪當初無努力做DRP 係咪傻 (當然我都無能力做到DRP)

日子一日一日過，我諗心態就會回復過黎。

聽你講，咩都唔諗，早d瞓.....

多謝你入黎傾偈同安慰。有你地師兄師姐陪我，我都覺得好幸福....

作者: 小小則 時間: 10-9-2022 23:33

exxnxxhx 發表於 10-9-2022 22:39
我覺得樓主現階段首先要調整返個心態先，放鬆心情，學識放低同取捨，人生就係咁，順流逆流，有得有失，有高 ...

係阿，要定左先諗到下一步走唔走去外國，依家諗黎都係自己搵野黎煩.....

從師兄既留言，見到師兄了解我的狀況。我都喺度多謝師兄花時間有追post，睇左我咁多廢話，同埋你對我既安慰

作者: mzrx7hk 時間: 10-9-2022 23:34
老實講,跌低左咪企返起身,你繼續loop落去冇人幫到你,放開啲

作者: Stanyan1229 時間: 10-9-2022 23:35
今日中秋節，祝各位師兄、姐、弟、妹。中秋節快樂呀！師弟，你以家最大問題係放唔低過去，其實4年真係好快過。人生就係咁，唔會一帆風順。古天樂都坐過監，你睇佢以家幾努力，幾多人鍾意佢。我明白係要啲時間，但千祈唔好放負能量，因為你越放得多，你就越多怨氣，睇每樣野都係負面架啦！

作者: Stanyan1229 時間: 10-9-2022 23:47

貓女發表於 10-9-2022 16:29
一個都無

我破左後好快就覺得輕鬆哂...我而家有時間就同另一伴入球場睇波...

開心到呢….

作者: Stanyan1229 時間: 10-9-2022 23:50

Carman1216 發表於 10-9-2022 19:50
我有印象你嗰期重有個同學仔叫萬念俱灰同之前comment過嘅Stanyan1229，唔知佢而家過成點呢？ ...

我貓女係同期，萬念遲我哋少少。
我結咗婚啦！過啲平淡生活，計劃畢業後先生小朋友。

歡迎光臨破產聯盟 (http://www.hkiva.org/)