今日要上庭了，但覺得好絕望。

薯仔妹

笨笨狼 發表於 12-6-2014 23:17
其實是像F師兄所言, 理論上進入了程序就不能追數, 一般銀行都會守這個例的.
但財仔就未必會聽話, 一天未 ...

咁我真係有排煩。

flypig

薯仔妹 發表於 13-6-2014 00:03
咁我真係有排煩。

1 你未答: 你有無將2/3 條數申報.
2 聽日小意思.多數過.有問題就係你文件不齊
3 一定要同屋企聯絡,唔係你屋企ON 99 俾多D $$$ 收數,你真係邊度都唔駛去.

薯仔妹

flypig 發表於 13-6-2014 00:08
1 你未答: 你有無將2/3 條數申報.
2 聽日小意思.多數過.有問題就係你文件不齊
3 一定要同屋企聯絡,唔係你 ...

2/3線剩唔多，選擇唔報。
顧問話我個情況一定破到。
我屋企人唔會帮我還$

笨笨狼

薯仔妹 發表於 13-6-2014 00:03
咁我真係有排煩。

要有心理準備去對抗吧, 加油啊.

kumiko1030

薯仔妹 發表於 12-6-2014 23:08
佢一日早晚打嚟閙我n次，我今日都已經講佐我有能力還一部份時你公司唔肯，到我無能力還搞佐破產你嚟追數 ...

嗯，咁樣講啦，你有冇小熊來電或者ios7呢？filter咗佢唔使煩，同埋你一係校震機

kumiko1030

薯仔妹 發表於 12-6-2014 23:08
佢一日早晚打嚟閙我n次，我今日都已經講佐我有能力還一部份時你公司唔肯，到我無能力還搞佐破產你嚟追數 ...

你試下咁樣同佢溝通下，你應該知道個來電；

佢一打嚟你第一句快過佢出聲就同佢講，點呀，你今次又想鬧咩？你仲有咩未鬧完架？你係的就好宜家鬧晒佢，唔好一日分幾十萬次打電話嚟，你唔X煩，我都覺得悶啦！你條粉腸講嚟講去都係嗰幾句，你講唔厭我都聽到厭啦！我同你講咗好多次你打嚟叫我還錢我都話咗俾你知我冇錢還架啦，我警就報咗，命就有一條，你唔mind的就攞去，到時我有咩冬瓜豆腐的話，我已經同差人講咗係你不停咁打電話嚟騷擾我。

佢應該會話你還錢我咪唔打嚟囉！咁你就同佢講我已經入咗紙，文件都已經fax咗俾你地，你唔好同我講你收唔到因為有record，我唔介意再俾多次你，我會再交埋去分行，如果你仲打嚟追我要我還錢俾你地的話唔緊要，我會將我同你交代過我已經入咗紙拎咗no，宜家還錢俾你係我同你都犯法，你係要咁做的話我會將你現在代表著你公司的身份去信香港持牌放債人公會同佢地講返呢間放債公司唔守法，順便我會一式三份一份俾返你地X民，一份留底，另一份會去信2週講一講。

我知欠債還錢，我又唔係唔想還但你地又唔俾我分開還我宜家咪用政府幫我做分期睇下分到幾多俾你地囉！你地有份大唔要要份細我都幫你地唔到

你試下咁同佢講，我估佢應該會諗你點解會變咗身！

kumiko1030

因為我上次快過嗰條友叫我搵我前度，佢一打嚟我知道我就先下手為強好開心咁同佢講，你終於肯打嚟喇，你知唔知我等你呢個電話等咗我幾日，我幾驚你唔打嚟，你宜家打嚟真係好(我仲要聲線帶住好歡喜咁同佢講) 條友呆咗一陣仲懷疑係咪打錯電話

kumiko1030

小師妹，你記住，佢唔係追數佬，佢只係一個玩電話的人，你唔好驚佢，講真你係唔還佢都做唔到咩出樣，唔通你冇錢還佢真係殺咗你咩？講真一句，佢都係受人二分四，你咪陪佢玩下囉，言語間你大下我我大下你，睇下邊個惡姐！

你唔好買佢怕，講真佢又未見過你，出到街都唔知邊個係你，佢有冇咁得閒點你相呢？基本上你都冇野好驚，你唔還你屋企人唔還都唔會有人俾到錢佢，咁又有咩好怕呢？

kumiko1030

真係好話唔好聽，好佬怕爛佬，爛佬怕潑婦，你一定要先發制人，咁樣就點都先下手為強！先聲奪人呀，攞返個勢，即係輸人唔好輸陣，唔好俾條友咁快摸清自己張底牌先有野玩！

發窮惡係最惡

薯仔妹

kumiko1030 發表於 13-6-2014 03:47
你試下咁樣同佢溝通下，你應該知道個來電；

佢一打嚟你第一句快過佢出聲就同佢講，點呀，你今次又想鬧咩 ...

呢個方法好。佢今日如果打嚟我就咁講。

薯仔妹

kumiko1030 發表於 13-6-2014 06:40
真係好話唔好聽，好佬怕爛佬，爛佬怕潑婦，你一定要先發制人，咁樣就點都先下手為強！先聲奪人呀，攞返個勢 ...

只不過而家唔知點同屋企人交代。

flypig

薯仔妹 發表於 13-6-2014 00:25
2/3線剩唔多，選擇唔報。
顧問話我個情況一定破到。
我屋企人唔會帮我還$

1 咁無計,2/3 一定要還
2 GOOD
3 你係唔係同屋企住??? C打,醜婦都要見家翁,逃避唔係好辦法

薯仔妹

flypig 發表於 13-6-2014 09:51
1 咁無計,2/3 一定要還
2 GOOD
3 你係唔係同屋企住??? C打,醜婦都要見家翁,逃避唔係好辦法 ...

我被逼遷出去住好耐。

薯仔妹

ua啱啱打嚟追，因為我已經過佐期幾日，佢話我續借無耐走去搞破產，佢會知會公司，要我今日好去交$。

wormbb

dont' think too much~ if me~ i will make a new phone card to 政府 find you, the old card u just let them ring and ring~ or direct to voice mail~
the point is u must let your lawyer and 政府 can find you instant~

that is it~

masaki

薯仔妹 發表於 13-6-2014 11:15
ua啱啱打嚟追，因為我已經過佐期幾日，佢話我續借無耐走去搞破產，佢會知會公司，要我今日好去交$。 ...

你問番佢, 你咪同公司講囉
我還俾你, 你同我一齊犯法.  
你問番佢叫咩名, staff number,
你問佢, 你而家係咪都想一齊犯官非 ???

mickey7100

我唔係太明,點解可以有啲唔報,?會會追數個班知道你有還錢俾第2間,所以就繼續追,收得一蚊得一蚊....

薯仔妹

mickey7100 發表於 13-6-2014 12:33
我唔係太明,點解可以有啲唔報,?會會追數個班知道你有還錢俾第2間,所以就繼續追,收得一蚊得一蚊.... ...

我借嗰間2/3線呢，准時入$就ok,因為嗰d唔會查你信貸記錄，我平時直接入$唔過數，仲有幾期，供埋佢穩陣，識佐幾年，入面又有熟人，都知佢哋運作方式。

flypig

mickey7100 發表於 13-6-2014 12:33
我唔係太明,點解可以有啲唔報,?會會追數個班知道你有還錢俾第2間,所以就繼續追,收得一蚊得一蚊.... ...

會會追數個班知道你有還錢俾第2間,所以就繼續追

Good question!!!
未必會.以我留意,多數唔會添.

但衰在未必唔會.大家要明白 收數個 運作.

我以前識個收數,佢話全港BANK/財務的 欠債,佢都可以/有機會去追的.

所以,就難免發生一種情況.收數A,通知同事 收數B ,原來 POTATO SISTER  逼一逼,就會
有錢還. 我亦見過有朋友破左,俾左一間2/3線,再有 2/3線去追.人地仲再追勁D  呢D情況 有時係自己造成.

薯仔妹

masaki 發表於 13-6-2014 12:01
你問番佢, 你咪同公司講囉
我還俾你, 你同我一齊犯法.  
你問番佢叫咩名, staff number,

顧問公司嗰度d人先搞笑，叫我入住幾佰。