呢度有好多中介，顧問搵食

admin

各位會員請小心提防。

通常佢地有以下特點：
1. 唔知點解，只係可以係 pm，whatsapp，wechat 答你。所以我成日講，有野就係版面問。如果係我地真正會員，你估，我地3唔識7，又未見過面，會唔會比個電話你講？

咁易比你，你話啦。

倒轉講，你比電話我打比你，我都唔會咁易啦！

容乜易又變左去 加你福頭 健身架！

2. 實係話個樣得，呢樣得，不過你睇下，我地有無數會員中招。

你月入幾千，就實唔駛還，你試下幾10個！唔係梅媽都唔得！

3. 實黎同你講，得架啦，破左重布錢代，又話幫你做到份工現金出糧，又話唔會戶口凍結。

我挑。

D 中介咁勁，就唔駛做中介啦！你想下就知！

老實同你講，我有朋友的朋友的…

做有關行業。可以話你聽，呢個唔係騙局，你破產係有錢代。

不過，呢個世界係等價交換。交換的野，我就唔方便講啦！

4. 實係話佢有朋友試過。佢的生命真係慘，識親D朋友，唔係破產，就係被人上門搞，過澳門就輸清，做生意就摺埋，做工就被炒！

都唔知點解佢的朋友個個都…

咁你重加佢 whatsapp？佢命犯天殺孤星呀！

-------------------------------------------------------------------

所以，如果有人 pm 你，有以上特點，通知我，我會即 ban 之！

希望大家明白，你一時心軟，唔通知我，可能你唔中招，但係會有人中招。

你放過佢就即係張其他人推去火坑！