大家點睇 idrp

peter9225

小弟已向Hxbc做idrp
欠h  15個(卡)
Dbs  8.3個(卡)
Boc .  12.3個易達錢
小眾銀行visa卡   5k
月入17500
匯豐已批
已發信去其他銀行投票
感多位C兄  比D意見
成功機率高5高?

peter9225

好擔心

smallcat

做乜咁擔心   機會高唔高問銀兩店了 不過你肯還佢地會有機會接受  反而35個加埋息還4, 5年都唔係短時間了

301

牽頭銀行最大份已首肯，
仲擔心乜 ?

收入不錯，
其他銀行莫非想多條壞賬!

成功率高，但辛苦你了。

peter9225

多謝301  師兄

peter9225

師兄  但我想問 萬一失敗   可以點搞
揾定係條後路俾自己

Yuequ520

千奇悟好，好似我甘拖得耐佐 悟肯幫我搞 現在為有破 唉

peter9225

即係點?

bbpen

想問下你入紙申請到而家等左幾耐匯豐先答你肯批~??

gringoire

bbpen 發表於 24-7-2015 04:53
想問下你入紙申請到而家等左幾耐匯豐先答你肯批~??

上次大概一個月左右

mingchungkiu

我都剛弓申請了idrp，依家好擔心唔批，想請問銀行覆左你批左未？

mingchungkiu

我剛申請左idrp，依家都好擔心唔批！想請問銀行覆左你是否成功？

重新戰士

mingchungkiu 發表於 23-8-2015 22:52
我剛申請左idrp，依家都好擔心唔批！想請問銀行覆左你是否成功？

你自己搞真係睇運氣，有人批亦有人唔批。但你自己搞左就算銀行唔批，你都唔可以再去律師都搞DRP，一定係IVA 或者老破。我已經係其他版都有提到，搵律師係貴但是成功機會高！
祝你好運！

jjjjj

師兄們，小弟最大債主刀係c子，想問做idrp係咪要落分行搞？

重新戰士

jjjjj 發表於 21-9-2015 16:29
師兄們，小弟最大債主刀係c子，想問做idrp係咪要落分行搞？

你有錢，搵律師搞啦！如果你好多時間又英文冇問題仲要一世夠運就自己搞啦！

abc2046

匯豐接受左機會大 好過破既  但唸過是否可以有能力還   冇就破吧

matthew6

樓主有消息未???

gringoire

以我經驗,之前找過律師、會計師等的經驗, 做idrp,找律師的成功機會並不會較高! 直接找銀行先係最佳的方法!當時幫我做idrp的銀行職員都係咁講!
講真,我英文唔叻,根本直接找銀行不用英文叻,銀行職員會幫你搞晒所有文件! 亦會直接問你的財政及欠債情況,及同你評估你能否成功過到其他欠債銀行,如果ok,在經你同意下,才通知其他銀行!所以根本不存在在進行正式申請idrp後, 會被其他銀行追債的情況!

大家上來,係希望得到真正的幫助!
千萬記住: 做idrp, 一定唔好經律師等收費的機構! 直接找銀行做, 才是正道!

重新戰士

gringoire 發表於 11-10-2015 23:41
以我經驗,之前找過律師、會計師等的經驗, 做idrp,找律師的成功機會並不會較高! 直接找銀行先係最佳的方法! ...

之前都有研究過。

你自己有時間又會可以處理到文件又可以同到銀行傾，你咪IDRP
你冇以上條件，都係搵人搞比較好！最少...你搞DRP由律師出信俾銀行，收數已經要停啦！

IDRP有人成功，亦有人失敗！
DRP亦有人成功，亦有人唔接受太長還款方案而放棄！
你問既銀行職員我都幾肯定係前線人員。前線人員唔係決定人員！
所以有D保留好！

admin

搞 DRP 要找律C定自已搞，就由樓主決定。

我地都有唔小會員自已搞，都成功。

我在想，律C搞DRP，IVA定係 老破，點解數字上成功機會大呢？

其實有個好主要原因，就係，律C會睇你個 case，有 90% 把握先至做。個中原因，大家明白，不用多談。

倒轉本說，我覺得銀行其實一睇你個 case 就知得唔得。佢都有精數C，有一套保守的風險計算程式。

所以如果銀行睇完你個 case，覺得 OK，基本上無問題，…因為佢地風險控制較嚴。如果 marginal case，銀行唔肯做，咁律C為左保持佢地專業形象，我估做的機會都唔大。

------------------------------------------------------

當年，我就試過問過 IVA。

阿3姓一口就拒絕。

結果呢，會員有心樣就找下舊文睇。就知我點搞啦。

-----------------------------------------------------------

好多年之後，我就問過都知下內情的人。

老實講，銀行批唔批，會從實際數據入手。

你有幾多收入，爭幾多等，有幾多人養等等。

其實根本唔會理你話你還到幾多錢！唔係你話我用1000/1 個月，佢就信你。佢地有自已formula 計！

-------------------------------------------------------------

正如好多會員，開頭話老破，找律C，上左來睇，見到搞老破其實好易，就自已搞，有D會員，就都係找律C搞一樣。當然律C搞就因為佢地搞得多，就熟手，自已搞就多D煩野。

-----------------------------------------------------------

所以自已搞定找律C搞，就自已睇下自已想點。無話好唔好。

當然，個人意見。