破產後還債回購業權求助

robi

你們好,我家人同遇以上問題,請問將LIST上有幾項註明有些銀行沒有向破處登記,初步問銀行搵唔到欠款資料,要等覆,我都想請教如何同銀行求惰減息?另外,亦想請教問克銀行是否即刻比錢?同是否只取收據証明?請賜教

samam2015

經驗係如果破署欠款明細表上，銀行沒有向破署登記的欠款項目你可以不需理會，銀行與破署會自己聯絡澄清，當你聯絡上銀行獲取到你欠佢地嘅應還款項及還款時，銀行會問你確實幾時會清還款項嘅日期，佢地先至會計算你欠款、再加上截至還款期限當日嘅利息總額，你就要將還款用銀行指示你嘅存款方法存入你欠款嘅戶口，當過晒數之後，銀行會寄出一封証明你已完全清數嘅不發對申請廢止破產令通知信，當你收齊所有債權銀行(缺一間都不可)不反對通知信之後，你就要將存款收據連同所有各間銀行嘅不反對信，搵律師或自己(如你識嘅話)，去法庭排期呈請進行廢止破產令程序。至於求情信問題，有銀行不收取利息，但大部份都會各按自己嘅利率收取利息，求情信及寬減數目各人命運不同，求情信都係我上面所講內容大同小異，不作重述，請自行參閱。

samam2015

破署俾你果份債項明細表係唔update嘅，只係你破產當日填報嘅數，仲有好多附加行政費及多年利息都冇反映係裡面，所以如果有發現問題，應該同你欠債嘅銀行了解應還嘅總數，有遺漏或者不明來歷嘅數就要同銀行對清楚，因為不反對信係債權銀行及出

samam2015

為不反對信係債權銀行發出，破署係唔知你最終要還幾多錢。

samam2015

List上面有銀行冇註明嘅數唔代表唔洗還，所以你要聯絡你各間欠款銀行，要佢地俾一個總欠款數目+所有其他額外費用，有d電話可以問到，有d要寫信問，因為一切都係以銀行條數為標準。

robi

samam2015 發表於 2-2-2016 01:50
List上面有銀行冇註明嘅數唔代表唔洗還，所以你要聯絡你各間欠款銀行，要佢地俾一個總欠款數目+所有其他額 ...

十分謝謝您的資料

honey

加油呀！不過我仲等緊一間覆

samam2015

honey 發表於 3-2-2016 00:12
加油呀！不過我仲等緊一間覆

samam2015

我d文件齊晒都要排期到四月上庭!

honey

叻喇叻喇Samma

samam2015

今次算好彩咋!

robi

samam2015 發表於 5-2-2016 17:32
我d文件齊晒都要排期到四月上庭!

你都見到署光,我屋企人要等佢去埋銀行問先得,電話問話太耐CHECK唔到,要佢去分行問,我都希望佢快D攪掂!免得父母擔心!

佢依家還有匯X, X新同邦X, 希望能傾到最低息啦 !

samam2015

祝你早日攪妥晒啦!

honey

去分行問又真係未試過，希望你順順利利

robi

渣X只收本金
大X 收本金X1.5左右
邦X 收本金X6倍, 但可還價(唔知還幾多價好
匯X未覆

請問是否還左款後,便請銀行出信定搵專業人士處理呢?

samam2015

robi 發表於 14-2-2016 21:44
渣X只收本金
大X 收本金X1.5左右
邦X 收本金X6倍, 但可還價(唔知還幾多價好

若已準備清還債款, 在還款前為求保障自己, 記得要同銀行/財務講清楚還清款後, 是否可以確認能發出不反對廢止破產令信, 如一切無誤, 各債權銀利會各自發出不反對廢止破產令信, 內容會註明你已清繳債款, 裡面會用中或英列明你嘅個人資料、破產編號、欠款戶口號碼及註明不反對你日後申請廢止破產令等, 但因為每間銀行或財務出信時間不一, 所以你需要齊集所有不反對信, 核對清楚資料有冇遺誤, 先至可以進行解除破產令程序。如果開始你自己同銀行直接議價還款,  銀行就會直接出信俾你, 亦有人會全程俾6C議價還款到起釘, 咁就唔存在呢個銀行出信問題啦, 但費用必然就要多好多。至於申請解除破產令, 自己可以到破署及法庭填表申請排期上庭, 但若果唔熟呢方面, 又要上庭咁煩, 咁呢一Part就俾6C搞算了。

samam2015

不反對廢止破產令信 (內容大致係咁)

Bowie

我想請教下如果用律師寫求情信可吾可以？

robi

samam2015 發表於 16-2-2016 02:45
若已準備清還債款, 在還款前為求保障自己, 記得要同銀行/財務講清楚還清款後, 是否可以確認能發出不反對 ...

依家麻煩在有兩間係電訊公司,唔知肯唔肯寫

samam2015

Bowie, 可以搵律師寫，但要收費用，其實自己傾一樣，可能仲好，同埋時間仲會快d，唔洗問嚟問去。