DRP / IVA / 老破之後申請信用卡

重新戰士

呢個問題一直都係大家心目中一個疑問，今日我就講下:我2015年12月完全清數DRP，係2016年7月成功申請 老痕 UNJOY 卡，同年9月因為返內地工作問題再去申請宗銀銀聯卡亦成功(我未出事之前申請宗銀卡都是唔批的)。
之前我已經係其他帖透露我會再去挑戰乜野 express。咁岩岩佢地呢排有擺攤我又去試。亦是 成功的。
過去呢一年，我沒有放幾多萬係咩咩銀行，我D錢全部買晒基金。亦沒有下下清數，清剩百拎蚊數啦！(不過我自己都好少用就真既。最多是酒店按金)
我下一個目標是買樓上車！

事實我已經証明左今時今日你肯面對問題，你亦可以重新出發。

我可以同大家做一個總結:

DRP / IDRP:你完成後只要文件足夠，你是可以同任何銀行(無牙印)再做朋友
IVA: 你必須要等4年後  TU 無晒記錄先可以再同銀行做朋友，如果你文件夠 1年後是可以申請 D 細行卡
老破後:  你必須要等4年後  TU 無晒記錄先可以再同細行做朋友，如果你文件夠 是可以申請 D 財仔卡


如果你面對債務問題，我本人希望你先行量日後對自己既影響先決定行 DRP ? IVA 定 破產！唔同人會有唔同處境，無人可以一概以論。

最後: 路是自己揀，仆街唔好喊！

Howard1995

師兄：可唔可以講Iva果幾年怎麼過的，我下個月開始74期漫長

重新戰士

其實我當初頭是要用收入43%左右還錢，咪坦白同屋企人講呢段時間無法可以交家用。咁屋企人都支持我既，但交左幾期已經發覺頂唔住，咪搵多份星期六日既 PT 做，好好運我6個月之後已經升左職(加左2000每個月)再加上星期六日既收入。每個月多左成4千蚊，由於我係DRP，一開始同銀行傾好左每個月還幾多就還幾多，就算我收入多左佢地知道都係按期按額去還！當然我有D銀行我每年出花紅是還多D。早D清，
就係咁我第40期開始每4個月就少一個債主，直到2015年12月最後一個是"咩" 隆 銀行。點解最遲找數俾佢??因為佢唔肯DEL我既TU 記錄，經過我去信金管局之後。咪先找囉！
老實講: 我行DRP個陣都好已經無晒希望，已經無打算買樓，去旅行?? 點解??仲邊有銀行借錢俾我買樓吖！去旅行真係下下多咁多現金咩??就算係酒店房間按金咪又要用卡！
冇卡、冇信用真係問題多多！話下下用現金只係自欺欺人 / 自我安慰 既講法。現在已經翻身成功，我會好好理財！唔會因衝動而辭職唔做，當日一個決定搞左我14年！我唔會再發生
另外我亦唔係話銀行好好人，佢地借每一蚊都收好貴息，根本就吸血鬼。但是無奈既係，今時今日當你要買樓買車真係冇可能用現金去買！

點你都要同佢交手，只好屈服！

ken2009hk

希望我2個月後完左IVA 後都可以好似樓咁咁快出到卡 la