破產聯盟

 找回密碼
 註冊
查看: 9709|回復: 3

破產後還債回購業權

[複製鏈接]
發表於 3-6-2016 19:31:24 | 顯示全部樓層 |閱讀模式
近來, 2016年,好多會員都報告話之前破產被釘契的樓 (50%) 被人強制拍賣或者要求贖回。

之前,好多例子,都只係釘契,而家開始引用法律去強制拍賣。


 樓主| 發表於 3-6-2016 21:14:28 | 顯示全部樓層

多謝會員 samsam2015提供

http://hkiva.org/forum.php?mod=viewthread&tid=14287

我係2004年因病失業兩年多, 經濟出問題要攪破產, 個案係破署主任跟, 有層未供完居屋尾會54萬, 欠4間銀行30多萬咭數, 最近都收到破署信件稱若再不處理, 佢地會考慮強拍我半層物業變現, 或者收取我地佔用物業租金, 我都即刻問過下破署, 佢地都算幾好人, 叫我自己先主動聯絡每間債權銀行, 同佢地講下還款方式, 睇下有冇得傾平d, 還清債項便可以免除拍賣物業程序, 我嘗試都搵過d律師傾過, 但佢地唔係好肯接, 可能太濕碎, 話債權銀行太多好難傾, 有一間唔接受還款方案都唔成事, 叫我自己去傾, 可能律師大雞又唔食細米嫌搵得少啦, 而家唯有自己逐間銀行講下價先, 如果收足咁多年利息, 就算佢地肯都好慘啦, 但之前見過有網友都有成功例子, 而家唯有唔得先至再打算, 家下個心都好煩, 有個好朋友肯借錢我先還銀行筆數, 希望可以先贖返我果半個業權, 再同銀行加按還錢俾返個朋友, 但如果債權銀行收足十幾年高利息同行政費用, 條數真係不得了, 可大可小, 就算朋友肯借錢清數, 銀碼太大將來再加按都會有困難, 希望各位過來人分享一下呢方面嘅經驗, 謝謝。

我係2004年先至申請破產, 我2000年果陣加按層樓做小生意, 果陣未破產但係自從01年中咗風做唔到工作, 一路要供樓, 小朋友又細, 用咗銀行咭數及透支額, 最後要搞破產。

地價14年前按樓套現已補, 四年破產期畢業已到高等法庭申請咗果張「破產解除証明書」。

居屋加按要先補地價, 所以當時補咗31萬幾地價。當時估市值140萬




會員安太太提到:

主任她說不可以先加按套現起釘







 樓主| 發表於 3-6-2016 21:24:48 | 顯示全部樓層
多謝會員 honey 要贖回樓,提供銀行利息參考
AE,渣打0%/ 星展本來開8%,可傾到1%/ 大新,
大新,中銀開8%可減少少,我估5-6%/ 中銀建行大約開20% 可傾至12-13%/ 恒生約5-6% 因為佢一囗價,我唔識計/ HSBC 約8% 最後佢肯減
Aeon 終於找我了!感恩!至於息口個職員話各人不同,我個case 跟政府8%!



另多謝會員 samsam2015提供

Citibank企得都好硬,3倍利息差唔多年息廿幾厘
渣打 & Chase都一樣幾乎冇收利息
渣兜銀行 =  還欠款本金 + (少量行政費用)     (Good Bank)
A醫         =  還欠款本金 + (少量行政費用)     (Good Bank)
花其銀行 =  還欠款本金 + (年息27%) x12年  (勁貴利息)
建切銀行 =  還欠款本金 + (年息8%) x12年    (Court rate)



多謝安太太提供:

永享 本金加收3年息
UA  本金 X 4 倍,可以傾到減 1/3
BEA 收回本金不收息。
永隆 收回本金不收息
安信 本金加 8% 利息 X 年期
大新 本金加8% 利息 X 年期 (可以求情)
CITi 如LOAN 會是 本金加 8% 利息 X年期
Chase 和 standard 只收回本金


 樓主| 發表於 3-6-2016 21:28:38 | 顯示全部樓層
Samsam2015 提供所要時間:

我今年一月中俾晒文件6C, 宣埋誓, 排期上庭都要四月頭, 相信如無意外, 順風順水, 連田土廳起埋釘半年走唔甩!
同大家匯報一下進展:  由與債權人議價、清還債款及利息、收齊不反對廢止破產令信件, 直至搵6C搞呈請破署有關文件、刊憲, 而家排期到下個月初上庭, 需時差不多接近半年, 6C費用約四萬, 現時只希望過程能夠順利完結吧。

溫馨提示: 與債權人議好條件及清償欠款後, 最重要是要留意核實債權人發出的「不反對廢止破產令」信件的內容, 如有沒有註明「不反對廢止破產令」的字句、 破產人資料、破產檔案資料、戶口號碼及金額, 如有錯漏就要儘快要求債權人作出更正, 否則有可能會影響整個呈請進度時間及額外費用。

有一點亦要留意, 如果當年申請老破時所填報債權人嘅資料, 因為經過若干年後, 有些債權人(銀行/財仔)或者已經俾別人收購、易名等, 導致出現債權人名稱或戶口號碼前後不符, 所以還欠款時就要小心搞清楚, 因為到呈請廢止令時, 破署是會要求証明兩者關係的証明文件, 否則破署會不接受有關的廢破呈請, 間接影響到進度的時間

今日法庭批準咗我廢止破產令申請,6C跟住會去田土廳攪埋個取消釘契登記,咁總算都將十五年以來的困擾解決咗,感謝破聯版主、各位版友一直嘅分享與鼓勵,感激不盡!

您需要登錄後才可以回帖 登錄 | 註冊

本版積分規則

小黑屋|破產聯盟

free web stats

GMT+8, 29-3-2024 00:00 , Processed in 0.051662 second(s), 20 queries .

Powered by Discuz! X3

© 2001-2013 Comsenz Inc.

ٻظ 返回頂部 б