IDRP要等幾耐

neti

我份工好肯定可以做10年，除非政府倒台啦，咁就應該全港一齊炒

neti

職員話fail左會幫我做referral case，如果最後傾出黎個還款都係好大，就應該會申請破產（但份工就會危），有哂兩手準備

俾心機

樓主加油！

我都係做呢行，不過我當時只係做IVA 咋...=_=。

我仲有三年多要還。

加油！！

neti

我剛收到電話了，好傷心的應該fail
職員話恆生想reject，佢佔26.5%，剛剛唔過，而家仲同恆生fight緊，要我;補文件
而家最後可能只能做referral case.......................

neti

詳細問左恆生想reject原因(比左佢地延期聽日投票)，佢地話覺得我呢個人工捱唔到10年還款，咁我係咪應該考慮破產捱4年算?
我問如果加埋老公做擔保得唔得，佢月入33000，職員話幫我問一問恆生先

neti

而家最新update，恆X未投票，職員姐姐話佢地應該最遲星期一會收到恆X回覆，如果恆生個總數不變，因為 UX投票贊成後報返黎全清loan個數大左，而匯X銀行loan自己因為8月個期無交而有罰息個數都會大左，估計恆X而家拉返佔25.6%左右，佢計應少過26%，問我自23日投票開始日後有無找過錢，我話找過幾百蚊only，見有幾百蚊入左落恆生OD loan 戶口。佢話如果低過25%就唔怕佢reject，仲話佢一日未投票，佢地個數都未覆實，所以佔幾多%都未係最final，我明佢暗示D咩既........

admin

樓主的申請過程好驚險。有結果會加入破產需知！
謝謝樓主！

neti

今日update，恆X仲未表態，　問左idrp姐姐，話要再等，好擔心
idrp姐姐話希望恆X報返黎個數細過8月中 (我話我有聽佢話有錢找下恆X先，趁佢未返數，問左屋企人找左12000卡數)
佢話恆X個數報返黎只要細多8500蚊，個比例就會降到佔24.6%，就算reject都可以行，叫我等埋呢個星期再諗。

octpus

祝你成功

neti

而家又比恆X卡住，佢地問野都問得好detail，不過idrp姐姐話今日update左一次恆X個數，好大機會唔過25%，但基於佢仲問交supporting，所以都要答。
而家seek我同意迫恆X回覆好唔好(佢地覆reject機會有80%)，佢話計過就佢地佔少過25%，不過都係要搏一下，問我ok唔ok。我話信佢專業，佢話佢會同super再傾。
我今日屋企人又比左3000蚊我，諗住拎1000出黎再找多次恆生卡數，咁就可以再少D risks了

重新戰士

neti 發表於 8-9-2016 15:28
而家又比恆X卡住，佢地問野都問得好detail，不過idrp姐姐話今日update左一次恆X個數，好大機會唔過25%，但 ...

有關係咩????唔好自己呃自己啦

neti

係囉，我呃緊自己者，你唔洗理我，而家得74%贊成，仲有恆生個比重unknown, around 23至26%，我都係自己呃自己者，自8月16日申請到而家未有結果

cl475867

就算恒生反對，你都係得74%贊成都唔夠數，得唔得架

neti

9月1號個時，idrp姐姐話恆生佔25.6%，之後話因為恆生未返實個數，即係未fix數，叫我找8500蚊，等佢降到低過25%,我聽佢話找左12900加1000蚊，idrp姐姐話而家應該可以低過24%，叫我放心，不過恆生一日未投票，佢問我supporting都一定要交，不過比人話我自己呃自己，咁我繼續等自己呃自己，idrp姐姐講左第1期要10月頭交有無問題，佢話等埋恆生返就可以安排簽名對數

neti

各位，我收到消息啦，成功左 (當然恆生係reject左，佢話要我老公做埋擔保先會agree，咁我唔肯，所以預左佢reject)(唔肯原因係佢要落埋我老公收入，要我每月還18000蚊)
佢地當初收左proposal係17萬幾 (around 26%)，而家報返黎係155000左右，只佔23.8%，所以得左
因為個總數都細左，可以由120期減少少，115期，每月就供多幾蚊，idrp姐姐話幫我延到10月尾出糧個期先供
我每個月扣左供款就有15000蚊用，而家好開心，終於成功了，
如果大家有興趣，我可以分享下自己由7月申請到今日終於成功的經驗

cl475867

供成10年咁長，好辛苦喎！

neti

咁唔通直接破產咩，其實破產係好不負責任，除非走投無路，否則我都唔想行呢步。

cl475867

其實我破產之前都諗過慢慢還，但試問一個普通既打工仔，點樣可以保証份工可以安全渡過5年或以上

neti

我好多同事都做左十年以上，有D做左廿年，又唔係私人工，應該ok既，同埋我其實有個物業業權，我自己個份現市值118萬，不過用左好多方法都賣唔到，其他業權人唔肯買我個份，銀行又唔受按揭，而家idrp就直接比銀行落釘，我還唔起佢地會直接充公的了(都無所謂，我都唔係住個度，只係D三唔識七既親戚住緊)

neti

如果我賣到就根本連idrp都唔使申請，當初申請搞左好耐先接納，因為我同意比佢地idrp期間落釘先受，仲要解釋點解唔賣得，我已經10年前開始叫要賣（因為我唔係住個度），但維修又要我夾錢，好唔公平，但因為住緊入面個位唔肯賣，就搞左10年