IDRP要等幾耐

neti

咁唔通直接破產咩，其實破產係好不負責任，除非走投無路，否則我都唔想行呢步。

neti

我好多同事都做左十年以上，有D做左廿年，又唔係私人工，應該ok既，同埋我其實有個物業業權，我自己個份現市值118萬，不過用左好多方法都賣唔到，其他業權人唔肯買我個份，銀行又唔受按揭，而家idrp就直接比銀行落釘，我還唔起佢地會直接充公的了(都無所謂，我都唔係住個度，只係D三唔識七既親戚住緊)

neti

如果我賣到就根本連idrp都唔使申請，當初申請搞左好耐先接納，因為我同意比佢地idrp期間落釘先受，仲要解釋點解唔賣得，我已經10年前開始叫要賣（因為我唔係住個度），但維修又要我夾錢，好唔公平，但因為住緊入面個位唔肯賣，就搞左10年

neti

咪就係業權其中之一位囉，業權5份，匯豐幫我估左價590萬，其他幾位業主已經搬走哂或死左，但住緊條友又唔肯比我地在生既住返入去，死霸住唔放，佢仲傻到以為係長命契，以為其他業主死左佢可以獨霸，我而家都仲諗緊點套現，套到就會即刻還哂idrp佢

neti

今日簽左名了，開始漫長的生捱。。。

neti

我115期終於還左一年零一個月了，生活好左好多，因為還款只佔我三份一，仲儲到小小錢讀書添，工作還是個一份，非常穩定，好多謝上年幫我個位大貓姐姐

neti

無呀，等會議期間大貓銀行都叫我唔使理其他，怕d 數唔準，但我個時知痕生會反對多，所以我有錢都還左痕生先，將佢個比例減低至就算佢反對都無用既份數

neti

突然間想上黎報告下近況，我截至上個月已經還左28 / 115期，仲有漫長既路走，不過唯一唔同左係我每個月除左還錢，就將剩低既1/3 (5000蚊)儲起左，老公就好慳咁捱左2年，兩個儲左50萬，再媽媽批准用佢個1人公屋換居屋一齊住，買左個細單位4百幾萬，我兩個就唔使再租，租個舊錢加少少就變左供樓。

我想講比大家知，要積極面對自己既問題，逃避只會越滾越大，好感謝遇到呢位個論壇，我真係以為我得破產呢條路，而家生性做人，安守本份，唔大洗同唔投機，量力而為就好了。

neti

我係呢個帖既樓主，過左咁多年，我由115期idrp，到已經剩返36期供款
記住idrp比我既教訓，但都想讚賞自己既堅持
有人質疑過我份工捱唔捱到10年，事實證明我呢7年都捱到，無轉過工，仲升左職，升左職加既人工已經夠cover個還款有突，都係因為堅持!!
有困難一定要講出聲，唔好越借越大:lovehkiva.orgss:

互勉之