破產聯盟

 找回密碼
 註冊
查看: 22036|回復: 3

破產FAQ 49 - 無律師代辦的破產申請

[複製鏈接]
發表於 18-6-2009 08:40:17 | 顯示全部樓層 |閱讀模式
原文: http://www.hkiva.org/viewthread.php?tid=1722&extra=page%3D1
===============================

身為一個過來人, 我建議大家搵律師攪會好好多, 始終填表有好多專業用語, 自己填係十分十分容易填錯.....(我就係其中既表表者)
填錯填漏導致再請假補辦資料同上庭就得不償失了....
所以填表交文件個D我呢度唔講了, 而家我打返少少上庭當日要注意既野吧:

由於自己申請無律師幫, 大家心情一定好緊張, 不過正如各師兄所講,成唔成功係睇法官判, 基本上你破產前無再過度借貸/刻意轉移財產或者賭博的話.....法官就 [應該] [或者] [如無意外] [好大機會] [可能]會判你成功破產


Step 1:
當你知道上庭日子後, 就當然係之前個晚唔好諗咁多野, 早D訓, 精神地上庭啦 .
我建議大家所有文件都要拎, 八達通一定要拎, 有需要影印都要靠佢, 由於今年申請既人數比較多,所以每次上庭既人數都比較多(我5月時差不多有5-60人一堂),盡量早30-40分鐘去到高院做準備


Step 2:
上庭當日首先你入到去高院正門, 你會見到詢問處再向前行會見到一排BROAD,上高有齊當日開庭案件既詳情, 假設你係個人破產案, 就喺個BROAD搵返個人破產案個張LIST.
搵返你個破產案NO. ,睇返你係去邊個法庭, 搵到就去返詢問處前既大堂搭LIFT上法庭,上到法庭, 正常門口都會有法庭職員做登記, 你拎出身份證同話俾佢知你個破產案NO.做登記便可以坐定定, 平復一下心情等開庭了

***我上庭當日足足遲左20分鐘先開庭, 原因係有好多申請人遲大到, 我喺度希望各朋友可以準時去到, 雖然我地係破產, 但守時呢種美德我相信大家都唔會失去


Step 3:
入到法庭當然係等法官開庭啦~
開庭後法庭書記會因應法官既程序, 叫出一D有問題既破產案NO.(例如填漏/填錯表彧者其他原因)而導致當天唔可以對你作出頒佈破產令,需要再排期上庭(好多自己申請既朋友就係呢個MOMENT需要再排期上庭). 無問題既就等待法官對你作出簡單既詢問, 內容其實好簡單, 例如問你清唔清楚你申請破產, 又或者你對你申請破產仲有無問題.....最後法官正式宣佈你破產便完成了

(上庭既過程真係好快, 20分鐘左右便完成, 大家唔需要太擔心 )

而之前有問題被叫出既朋友, 出左法庭門口會有法庭書記遂一接見, 講解返大家既問題所在(書記會同你講要喺指定日期前辦理, 如果你係漏資料而你又拎哂所有文件去, 就可因應法庭安排有機會當日辦回, 不過上庭係一定會廷期的)


Step 4:
頒完令既大家心情一定放輕鬆返D, 自己申請既朋友呢一刻仲未可以休息住, 上庭前大家會收到破產署的第一封信, 入面有跟你既破產官名字及電話, 交文件既地方同埋一封解凍戶口或開戶信, 如果你有需要解凍戶口彧開戶你可以打電話去俾破產官問佢解凍程序

(但據好多朋友回報, 多數上庭當日破產官個電話都會非常繁忙.....大家有心理準備需要請多一日假拎開戶信....我勸大家唔好諗住衝上去揾主任, 主任無義務即日幫你開戶, 咁只會俾主任一個壞印象, 祝大家好運)

同時間你要打電話俾交文件既地方同佢約時間(你試試同佢講你近來已經再請唔到, 佢多數都可以即日幫你收文件),真係分秒必爭 完成埋交文件, 當日要做既野就算完成, 可以返屋企休息, 努力迎接新一天既來臨


***REMARKS: 解凍戶口係需要上庭後3日內FAX俾破產官辦理解凍, 如果過左3日銀行有機會取消你個戶口, 需要重新開啟一個新戶口
發表於 8-7-2009 22:15:40 | 顯示全部樓層
另一網友eggegg0109 分享自行申請破產流程.

原文:http://www.hkiva.org/viewthread.php?tid=2005&extra=page%3D1

各位師兄,小弟今日終於都加入呢個大家庭,8月18號上庭.
而聽日開始有份新工返,希望有個好開始...

都同各位諗住自己申請既朋友分享一下...小弟因為真係再無多餘錢...所以係自己申請,無經任何律師或委託人..
其實填表唔係太難...可以上到破產署到問窗口位小姐囉一份sample..跟住填就ok.
各位去之前只需要填好哂自己既欠債同物業(有既話)就ok,
D名同地址可以上到跟SAMPLE填,因為有D格要填埋身份證&地址&職業..有D就唔需要...
不過原來mpf都要報...
我初初都無填...點知原來要報...臨時又check唔到..唯有返屋企填好哂下午再走多轉...
仲有就係就算無工返都要填開支...我上到去聽到有人因無收出所以無填支出..就比個小姐彈左佢兩野(可能O個條友態度唔係幾好...個小姐話"你唔報,咁遲D你搵到工D收出就比我地公司嫁喇"..係唔係真就唔知..不過都係填定先..費時比人鬧..)

呢個網址有教你點填..因為佢每個格都有個號碼係隔離...對番個表就識填...
http://www.oro.gov.hk/sc/publications/debtor.htm

不過遺憾既就係申請唔到解凍令...因為負責解凍令排期既部門3點就關...所以各位要早少少去..

申請破產流程:
1.先去破產署交文件(呈請書,一共有兩份,表格3同28C)...然後個小姐幫你睇下有冇填漏野...
2.文件ok之後過隔離窗口交錢...$84xx..同時會有個籌比你...
3.等入房同另一位小姐(見證人)宣誓同埋簽埋宣誓既文件..
   留意既係張籌個no根本無用..佢係唔會嗌的...你只要見到無人就可以入去..
   (佢會長期開住門,如果你介意既入去後可以自行關門..)
4.宣完之後佢會比番份文件你,拎去隔壁高等法院既LG2會計部交錢(法庭費用,好似$1045)
5.交完錢後上番一層LG1搵職員幫你開FILE(部門係咩名唔知道,見到最多人排隊就係嫁喇)
6.開完FILE過去對面108B(係同一層,個室號係大約,唔多記得)排期.佢會比張兩張貼紙你,上面有上庭日期
7.之後去番開FILE個小姐到,唔好埋去住,附近有兩部影印機,將文件影印多兩份(即係計埋正本2份會一共有6份),可以用八達通,一共15蚊.
8.影印完後可以埋番去你頭先位小姐到(唔需要再排多次隊),佢會同你文件蓋印,之後收你番D文件既每樣1份(正本,比法官睇的,而家你手頭上仲會有4份)
9.上番破產署搵番窗口位小姐交2份比佢,佢會另外再比番一本書仔既表格你,而你手上剩番既2份文件係比番你自己KEEP既.
完成哂基本上就OK喇,期間唔記得或者唔識行唔緊要,可以問下D小姐,只要禮貌D,佢地都好樂意答你.
成個流程用左大約2個半鐘左右...
仲有就係之後要FAX番份FORM比你既債主...之後既野我就未知喇...我都只係做到呢一步....遲D有需要既話再同大家分享下
發表於 10-2-2010 15:14:31 | 顯示全部樓層
wing2796 補充:
小弟今日已申破,但有些地方唔係好明,希望有心人士幫幫忙解答,thank you各位~

原文: http://www.hkiva.org/viewthread.php?tid=1722&extra=page%3D1

小弟的問題係,係咪做晒上面條link所講的就已完成整個破產程序?之後就等傾生活費同每年年結表就ok?
因為我睇果份破產署的文件上寫的程序就有個叫:
3.2 擬備破產令
  (a) 在破產令頒布後7 天內向高等法院登記處的聆案官書記 提交一份破產令初稿  ( 樣本一) 。聆案官書記會把批准的初稿郵寄給破產人。
(b) 收到後,按照批准的初稿擬備一式三份的破產令,以及載於樣本二  的背書。“初稿”一詞應該刪除。在接獲批准的初稿後七天內向高等法院登記處櫃位 提交全數三份的破產令連同批准的初稿以供審核。  

   
3.3 破產令存檔
  (a) 向高等法院登記處櫃位 取回全數三份破產令,並將其交予高等法院登記處的高級司法書記 ,以便:
  (i) 蓋印;
(ii) 寫上存檔日期和時間;
(iii) 向高級司法書記提交一份蓋印本。

(b) 向破產管理署或暫行受託人提交兩份蓋印本。

想問咁即係咪破產令頒布後7 天內仲要上去多一次高等法院登記處的聆案官書記度提交一份破產令初稿  ( 樣本一)?
跟住等佢批准左郵寄給破產人,之後七天內自己準備一式三份的破產令又去高等法院登記處櫃位一次??
因為我就係唔太明佢所寫的意思,所以想問一問我有無理解錯佢個意思,另外想問下其實係咪要做埋呢兩個step先叫完成整個破產程序,定係好似上面條link咁講做晒佢寫果4個step就已經完成?

希望有人可以幫幫我,因為真係非常迷惘,thank you


http://www.hkiva.org/bbs/viewthr ... &extra=page%3D1
發表於 10-2-2010 15:18:03 | 顯示全部樓層
再跟住:

版主 301:
你係 無律師代辦自己申破,
呢度罕有會員懂答你.
因現時絕大部分老破者都由律師代辦.

並非慳於該律師費,
而是省回好多呈序上煩覆手續及免上庭.

你上述該段序述係破署主頁見到....
http://www.oro.gov.hk/cht/publications/debtor.htm


該呈序好似好麻煩,
又話頒佈令後7天內向高院提交草稿令(draft)等....
其實我十年前自己申破都係o甘,
但全部呈序已可在一天內做埋,
即係頒令當日已交一式三份初稿喇,
另再蓋印三份(或可更多自用).

全部在高院低座一字樓完成.
(唔知有冇記錯)


你說你已申破,
有破產編號喇,
到頒令日要到庭,
(樓下lift旁有你名字係邊個庭)
就帶齊草稿文件,
問到人點做架喇.

及當日可即電聯負責既主任,
就萬無一失啦.

係呀,
其實初稿及正本都係一式樣啫,
你預備六份或以上填定備用.
樣本一

祇不過 初稿 字或 DRAFT 印 啫.
(正稿三份唔需要上述印字).

仲有補充....

而家case個案多左,
真係唔知可否頒令即日可取蓋印令走,
庭上文件未有o甘快落番LG1樓,

或者請問有無會員係自己呈請?
最新情況安排係點?



會員 20202003  就話:
依家都係同你講一樣 ~~~~~  總知都係破署同高院兩邊上上落落 ~~~~!!!

破署填好份 $ 10 文件 ~~~ 交文件~~ 交錢 ~~ 等宣誓 ~~~ 後到高院再交文件 ~~~ 交上庭費用 ~~~交文件等給印 ~~ 影印文件一式三份 ~~ 再交文件等排期上庭 ~~~~ 最後再交文件上破署 ~~~~~ 完成 ~~~!!!  

上午早 D 上破署填表一日之內攪掂  ~~~~


lalaeveryday 會員就講:
我答tea我答tea
3.3 破產令存檔
  (a) 向高等法院登記處櫃位 取回全數三份破產令,並將其交予高等法院登記處的高級司法書記 ,以便:
  (i) 蓋印;
(ii) 寫上存檔日期和時間;
(iii) 向高級司法書記提交一份蓋印本。
--------------------------------------------------------------------------------------------------------------
此部份是不用做的.
如果你去做就會收到高院書記處一個男人的電話.佢會問你有甚麼事,點解你要自己去交此份表.你自己去交此表是代表你有特別指定要求.
一般自己搞破產的人士的所有資料都會由破署統一處理後轉到法院,然後經法院收集後處理的. 即是說那些有律師代表的人才會做此procedure.
而我自己傻仔去交時,在 那兒 也看到那堆文件是都是 有律師 加工處理的 (有簽章等等)

當然如果你要confirm此項目,建議你直接聯絡破署d人,因為高院d 姐姐仔是唔識 (我就在那兒被一個高院的姐姐仔問我有無問過破署,也 教 我d份文件唔係佢地的責任及佢地都無收過,哈哈. )

其他你問的項目,晚上回家再試下答tea先

p.s. 本來真的想寫 個人自己申請破產的procedure/日記post在此網的,但我怕昨天的procedure非今天的procedure,而今天的procedure又非明天的;再加上自己的破產都未真正完結,現在生活費未批,銀行戶口應該下星期才做,還有好多野未搞,所以最後都放棄.
您需要登錄後才可以回帖 登錄 | 註冊

本版積分規則

小黑屋|破產聯盟

free web stats

GMT+8, 29-3-2024 03:03 , Processed in 0.051120 second(s), 22 queries .

Powered by Discuz! X3

© 2001-2013 Comsenz Inc.

ٻظ 返回頂部 б