用信用咭透支左40萬，急求請解答破產事宜！

hkykh

我琴日上網睇先知我應該好大鑊。先講我既問題再講我既背境。

一）債主大唔大機會控告我詐騙呢？
二）債主大唔大機會向法庭將我既破產案件轉成刑事破產呢？
三）債主會唔會將我條數過俾街外既收數佬收數呢？我唔係擔心坐監，而係擔心收數佬上門拍門追數，因為得我同我阿媽同住，而我阿媽又係個差唔多七十歲既阿婆，我怕佢被嚇到臨老過唔到世
四）我一直都係失業，會唔會因為咁而被法庭拒絕破產既申請？
五）一般從入紙到頒令破產大約所需幾長時間呢？

事源係咁，我2009年左右俾前公司裁員出黎，之前都有炒下正股都叫執到D，又係網上睇到D人炒牛熊同期指點易賺同賺幾多，所以就係衰貪心把心一橫索性做全職炒家。開頭炒牛熊都叫賺到D，但後黎乃左兩鑊野總共輸左8萬幾蚊，每次都係打左靶冇耐就走去我買果方向，又係網上睇到D人講炒期指點易賺又唔駛怕打左靶骨都冇就轉炒期指，點知炒期指乃得更應，我唔記得係2010定2011年恒指由19000點左右上到去20800，我以為升完所以開沽三張細期，點知恒指繼續升咁我就繼續溝貨，越溝就越升，越升就越溝，最後溝到9張細期而平均價係21800左右，但恒指繼續升直至升到24800左右我先止蝕，果次我輸左大約27萬，就開始透支信用咭去炒想追返之前輸果D，當然越心急追就越輸得多，到左2015年港股大龍鳳時，我連乃兩鑊勁既總共又輸左差唔多20幾萬，之後就咭數冚咭數同埋透支當中有D做生活費同家用，滾下滾下滾到而家三張信用咭都爆晒，爭咭數總共成40萬，我又一直失業咁當然係冇能力還，所以申請破產應該係我惟一既方法。我爭獅子一張咭16XXX，一張咭13XXX，強國銀行一張咭12XXX。

煩請各ching/ctse解答本人既問題，萬二分感謝！

airmax

你一直冇想過出番去打工還錢?

hkykh

airmax 發表於 3-6-2017 12:21
你一直冇想過出番去打工還錢?

當然有，但而家去搵既話我又冇做野咁耐搵唔返自己做開果行架啦，就算搵都係搵保安或M記，根本還唔到咁多錢，而且我又有心臟病唔可能做到粗重工作。我而家都有搵緊工架，不過未有人請。

flypig

一）債主大唔大機會控告我詐騙呢？
機會唔大...你可上網搵下案例, 應該係 0.
二）債主大唔大機會向法庭將我既破產案件轉成刑事破產呢？
不大.
三）債主會唔會將我條數過俾街外既收數佬收數呢？我唔係擔心坐監，而係擔心收數佬上門拍門追數，因為得我同我阿媽同住，而我阿媽又係個差唔多七十歲既阿婆，我怕佢被嚇到臨老過唔到世
申破頒令後,銀行唔會.  唔申破就會. ;P
四）我一直都係失業，會唔會因為咁而被法庭拒絕破產既申請？
唔會.
五）一般從入紙到頒令破產大約所需幾長時間呢？
6 WEEKS.

簡單D 講,因賭而破係完全合法的 PROVIDED 你唔係做生意,公司東主.

不過要讚下你,09年炒到今日,都頂左咁耐.你本又唔係多.其實已經好叻仔了. :victory::victory:

hkykh

flypig 發表於 3-6-2017 13:40
一）債主大唔大機會控告我詐騙呢？
機會唔大...你可上網搵下案例, 應該係 0.
二）債主大唔大機會向法庭將我 ...

多謝ching，但問題係我冇野做（雖然我都有炒期指，但應唔計算係職業）既情況下透支信用咭，我就係驚債主會話我呢點而告我詐騙，而且我唔能夠肯定我到入紙甚至上庭同開大會時會搵到野做，因我係網上搵過D新聞，有人向唔知係財仔定銀行信用咭透支借左7萬蚊後兩個月申請破產都俾人告

另外我想去讀個保安牌去做保安，請問破左產可唔可以做保安既呢？

（利申，我除左呢兩間銀行既咭數外再冇其他街數，而當時申請信用咭時完全冇任何債務）

股巿真係專收【叻仔】，我就係其中一個【叻仔】囉！

airmax

唔係好明，你話三張卡欠數係16xxx，13xxx，12xxx，加埋都係四萬幾，點解會變咗四十萬?

hkykh

airmax 發表於 3-6-2017 16:00
唔係好明，你話三張卡欠數係16xxx，13xxx，12xxx，加埋都係四萬幾，點解會變咗四十萬? ...

sorry，我全部都打漏個0

flypig

hkykh 發表於 3-6-2017 15:28
多謝ching，但問題係我冇野做（雖然我都有炒期指，但應唔計算係職業）既情況下透支信用咭，我就係驚債主 ...

驚咩鬼呀!!!
呢版有個版友HI 左8個位,股+賭,咪又係無野做. ;P
不過佢欠都係好似1球 ONLY....

英國中世紀歷經高利貸盛行時代,如 Merchant of the Venus 等名著,可見痕跡.
所以佢想法係 債權人借錢出去收唔番,自己都有好大責任.;P
重點係 你無虛報資料就OK.

flypig

hkykh 發表於 3-6-2017 15:28
多謝ching，但問題係我冇野做（雖然我都有炒期指，但應唔計算係職業）既情況下透支信用咭，我就係驚債主 ...

有人向唔知係財仔定銀行信用咭透支借左7萬蚊後兩個月申請破產都俾人告


Link pls.

flypig

flypig 發表於 3-6-2017 17:18
有人向唔知係財仔定銀行信用咭透支借左7萬蚊後兩個月申請破產都俾人告

http://www.mingpaocanada.com/van/htm/News/20160505/vabb_r.htm
香港我搵唔到被告。加拿大有案例。但...;P
法官稱﹐石志明使用他借來的錢去賭博﹐借錢和賭博本身都是合法的事情。從常理推斷﹐他前往賭博時﹐並沒有欺詐信用卡公司的意圖﹐而只是像一般賭徒那樣﹐認為他的運氣就要來了。

hkykh

flypig 發表於 3-6-2017 17:22
http://www.mingpaocanada.com/van/htm/News/20160505/vabb_r.htm
香港我搵唔到被告。加拿大有案例。但.. ...

我岩岩再睇返單野，原來個人係先爭銀行錢，再隱瞞有債在身再向財仔借然後冇耐申請破產，咁樣同我既情況又完全唔同既。

peterlaw71

樓主不用擔心，盡快入學吧！ 我12月申破，1月頒令，4月開大會，今個月已傾生活費。我的情況是入學前4年沒有工作，在澳門連續賭了2年，所以才入學。

hkykh

flypig 發表於 3-6-2017 17:18
有人向唔知係財仔定銀行信用咭透支借左7萬蚊後兩個月申請破產都俾人告

ching，想請問申請破產時，係咪需要交三年內銀行月結單俾律師或破產署架？

peterlaw71

另如果是普通的保安（不是持槍那些），完全沒有問題，我也是申破後才去考個保安牌！

hkykh

peterlaw71 發表於 3-6-2017 20:06
另如果是普通的保安（不是持槍那些），完全沒有問題，我也是申破後才去考個保安牌！ ...

THX ching

nakamura

peterlaw71 發表於 3-6-2017 20:00
樓主不用擔心，盡快入學吧！ 我12月申破，1月頒令，4月開大會，今個月已傾生活費。我的情況是入學前4年沒有 ...

ching你四年冇做野,澳門賭足兩年,果度成日有咁好俾你贏
可以好過打份工咩 :o

flypig

hkykh 發表於 3-6-2017 20:01
ching，想請問申請破產時，係咪需要交三年內銀行月結單俾律師或破產署架？ ...

你是否許仕仁級數?其實俾幾耐bank statement 好微妙。視乎需要。如果銀行來往帳唔多，一年，6個月，3個月，甚至一個月我都見過。宜家你就盡save 銀行月結單。如果有一年其實ok.無都話之佢。拎住最近一個月就拎去老破。老破所費，自搞9k +,律師通常15k 樓下。呢度不能介紹，所以你千祈唔好問人推介。

peterlaw71

nakamura 發表於 3-6-2017 21:04
ching你四年冇做野,澳門賭足兩年,果度成日有咁好俾你贏
可以好過打份工咩  ...

當初就是想試下做職業賭徒work 唔work,頭9個月贏咗80個，之後就是贏紅咗個心，越賭越大，最後走上老破這條路。

flypig

Ching 幾錢本?賭咩 +?8+6??

XOXO

peterlaw71 發表於 3-6-2017 20:00
樓主不用擔心，盡快入學吧！ 我12月申破，1月頒令，4月開大會，今個月已傾生活費。我的情況是入學前4年沒有 ...

師兄. 請問4年破產期是你12月申破開始計. 定等你今個月傾完生活費先計.