小弟又有問題想請教各位，有關生活費

Terrylum42

小的，9月中前會頒令，但今日破產處致電給我，跟我說祖父唔算是供養
由於小的是唯一負責祖父生活基本需要的人，那都不能算上是供養嗎？

小的，現跟父親同住，但父親打散工，朝不保夕，小的無兄弟姊妹，
家中水，電，雜費，手提電話費，父親的生活費，全都皆由小的一人負責
小的計算過 ，基本上都是入不敷支多，餘錢近無可能。

小的，搵15k，扣埋強積金，得142xx，但今日破產處致電通知，有點數目超過它們標準，
住公屋，全用電，不用煤氣，水，小的三餐都要在街外食，朝9晚8無補水，返櫃場。
由於是國內公司，兩個月，最少一次返廣州開會，車費住宿都要自己比，我按真實情況填了，
破產署那邊都說有超過它們基準，到見主任或外判時，他們會不會要我把我祖父，跟父親的生活費，
圈出來還債？ 因為我給父親3000，祖父2000，這樣都多嗎？

小的，一日車費來回$29.2（8達通），早30，午餐40，晚50，差不多接近150，
只是這個基本生活開銷都要4650/1月，還未計家庭開銷，所以真的有點不明白，
所謂（合理）生活費的界定，所以想請教各位可以怎做

cl475867

主任不批供養祖父，因祖父不是直屬關係，供養祖父可由你的父親負責，而父親有工作是不可以供養，如呢2項如果不批多出的錢是要用來還債

Terrylum42

明白

EWB

C HING, 首先...

1)  供養定義只限父母及子女, 而如老婆有工作..子女生活費也要老婆分擔一半, 另供養父母, 但必須父母也沒工作, 而其中一方有工作, 也可能要父/ 母分擔, 唔會批你一人承擔所有家中生活費及所有支出...

2)  你父親打散工也算是有工作收入, 所以, 這方面點批生活費及批幾多要由主任/ 外判決定...(如果你父親己到退休期, 但你不如當他已退休吧)

3)  屋租有屋租...至於水, 電, 煤..多數用你之前每月費用去預計算, 唔會因為你想要幾多就幾多, 亦唔可以自己作太大去要求批多D 費用。而你返什麼朝9晚8無補水係你公司問題, 唔關破處事, 反而..你有補水即入息高左, 佢也可以要你把OT補水之收入做每月供款比破處。另外, 你每2個月要返國內開會既車費及洗費, 係你公司問題, 破處只會批准你每月基本生活費... 最後, 主任/ 外判...絕對好大機會及有權扣除你父親生活費, 而你祖父生活費亦絕大機會唔會批, 因養你祖父係你父親責任...供養定對只限父母 (冇工作情況下), 另子女...(好似只限未滿18歲及未有工作情況下)

4)  另你既膳食, 除午餐外要係街, 其他佢唔會批你太多..., 我一家2人 (媽媽), 家庭每月膳食費只批 $4300 (已包括我和我媽媽的早, 午, 晚3餐), 因為佢只會批你最基本既生活費....

基本生活費係指合理既生活費用, 何來合理, 每人要求不同...所以, 佢地只會批你最基本既需要, 而不是你個人/ 你家庭既基本需要, 例如: 街市買菜, 你買有機菜和買街市菜價錢都好大分別, 現在, 佢地只會批你買街市既菜, 用最正常最基本既費用計算, 而不會用出面超市或有機菜既質素去計你生活費, 佢唔會再批你以住你生活大魚大肉及富貴享受生活質數去計算了。我個人覺得, 其實, 行得破產這條路, 亦差唔多代表每月既收入已經用左一半或以上或近一份量去還債了, 還債後..真係連最基本坐車, 食飯, 交費既錢都唔夠或冇, 反而破左後, 最少有番過萬蚊去真正咁生活, 已經好好....  

Eyya

師兄 我同你同樣問題

Eyya

Eyya 發表於 17-8-2017 17:51
師兄 我同你同樣問題

破產署乜都吾批 但我都係報左甘多 食飯我都係一日三餐出去食甘制 就算吾出去食 其實淨係買送煮一餐 都係甘上下價錢 菜貴米貴油貴 但我照報 都簡左老破呢條路 無得番轉頭 但係要用既的確係甘多我都無辦法

CL621

我今日上網睇左篇文章:

CL621

CL621 發表於 23-8-2017 01:29
我今日上網睇左篇文章:

其實而家成日用最低生活水平去計生活費，其實真係有d那個! 以下就係我睇到既文章:

破產期間　生活相若

一個人破產後，名下物業將全數凍結以償還債款，收入則受破產受託人監管。破產管理署助理署長麥炳華表示，破產受託人主要為破產管理署的管理主任，負責跟進法庭訂定的破產人合理生活支出，讓破產人在破產期間仍可享受與破產前相若的生活水平。他強調：「這並不是一個最低水平。例如一位富豪破產前生活奢華，破產後仍可維持相若於中產人士的生活水平。」

mobilesss

我以前在老破期批二万三, 单身,供养父母, 租私人搂