破產 FAQ 08 - 儲蓄戶口

enjoylife

搞破產第一件最麻煩既事，係搞個出糧戶口！

一入紙就會凍結的原因：你欠佢錢／佢係大銀行，打工仔冇份糧點生活呀！

Tips : 由入紙到頒令，大約2-3個月，如果出支票糧，或可任意選擇一間銀行做autopay既話．．．

就可去豐明／永隆／創興開戶，因為佢地係細銀行，會係頒令日後至凍結個戶口，到時你都攞咗破署信搞手續，所以就唔洗擔心個戶口被凍結冇糧出。入紙後都開到架！

創興是我的個人經驗，冇最低存款，又有提款咭。

至於頒令後，你可選擇繼續用上述既銀行，或者開過個新既。

enjoylife

Mud,

唔洗，就咁去話開戶，問你原因，答出糧autopay。

你有咁既需要咩？

enjoylife

入紙前開既戶口，到頒令後都會凍結，除非你同破署主任講，要用返佢黎出糧。

至於破署就一定要你有工做，至會批開戶信比你。

反正你而家冇需要，不如日後找到事做至搵主任出信啦！